Yilinga 14:15 - MUKANDA USANDU WA ZAMBI 1975

¹⁵ Malunga, kuchi te nunalingi yino yuma? Yetu tuli atu chimuwika ngwe yenu, tunanwambulwila sango lipema, ngwetu, Chanutamba kwehuka yuma yino ya kuseka, nukatewulukile kuli Zambi ya mwono, yoze watangile lilu ni hashi ni kalunga-lwiji, ni yuma yize yeswe yilimo:

Mukanda Wa Zambi 1970

¹⁵ “Yenu malunga, yika nunalingila Chuma chino? Tuli lume atu ngwe yenu. Tunanwambulwila Sango Jibema, ngwetu, mbilenu yuma yino yamokomoko, nutewulukile kuli Zambi ya mwono, yoze watangile lilu ni hashi, ni kalunga lwiji, ni yeswe yize yilimo.

Yilinga 14:15 Iomraidhean Croise

Ubutukilo 1:1

Ha uputukilo Zambi watangile malilu ni hashi.

Ubutukilo 41:16

José yakumbulula kuli Falau ngwenyi, Muli yami kuchishimo, alioze Zambi kumahana kuli Falau kumbululo lia sambukila.

1 Yitanga Ya Mianangana 16:13

mumu ha milonga yeswe ya Mbasha ni ya mwanenyi Ela yize avulumwine ni yize avulumwishine A-Izalele akehie Yehova Zambi ya Izalele ku utenu ni yuma yo yamokomoko.

1 Yitanga Ya Mianangana 16:26

Wendele mu ndako jeswe ja Jeroboame mwana Nebate ni mu milonga yenyi yize avulumwishine nayo A-Izalele akehie Yehova Zambi ya Izalele ku utenu ni yuma yo yamokomoko.

1 MIANANGANA 19:16

Panjika kama Yehova, wivwe. Tala ni meso je, Yehova, umone. Ivwa maliji a Senakeribe, wano hatuma kuchoka no mwe Zambi ya mwono.

1 MIANANGANA 19:4

Hanji muchipwa Yehova Zambi ye mevwa maliji eswe a Rabeshaka yoze watumiwanga kuli mwata wenyi mwanangana wa Asuria kuchoka Zambi ya mwono, hanji iye makanjisa maliji eswe Yehova Zambi ye hevwa. Kashika uchilembele kama waze asala.

Miaso (Masamu) 115:15

Hanuwahisa kuli Yehova yoze watangile mwilu ni hashi.

Miaso (Masamu) 124:8

Kakutukwasa ni jina lia Yehova, yoze watangile lilu ni hashi.

Miaso (Masamu) 31:6

Nakuvwila kole waze akutala yuma yamokomoko ya mahuza, alioze yami kunafuliela Yehova.

Miaso (Masamu) 33:6

Atangile malilu ku liji lia Yehova; chizavu chamo cheswe wachitangile ni mwiku wa mu kanwa lienyi.

Kutuhuka 20:11

Mumu ha matangwa asambano Yehova alingile malilu, ni hashi, ni kalunga-lwiji ni yuma yeswe yilimo. Yahwima ha tangwa liamuchishimbiali. Kashika Yehova wawahishile lie tangwa lia Sambata. Yalipwisa lisandu.

Izaya 45:18

Mumu Yehova, Tangi ya malilu (iye Zambi), yoze wawumbile hashi nikuhalinga, (wahakolesele, kahatangile ha hululu, wahatangile hanga atu akatwameho); yono Yehova kanambe ngwenyi, Yami nguli Yehova, kukushi mukwo.

Izaya 45:20

Kungulukenu nwize; kundamenu hamuwika, enu kunwafwile hakachi ka akwa mavungu. Waze akumbatambata tuponya twa mitondo, nikulemba kuli umwe zambi kahashile kulamwina, o keshi yinyingi.

Izaya 46:7

Kakumuzundula ha yipaya yo nikumumbata; kakumumika homa henyi, mba hahene makamana, kahashile kukatukako. Chipwe umwe mateta kuli iye kechi kakumbulula, hanji kumulamwina ku lamba lienyi.

Jeremia 10:8

O yelo, kanda yihepuke; longeso lia tuponya ngwami mutondo.

Jeremia 14:22

Umwe hakachi ka mazambi aze a mahuza a mavungu mahasa kuneha vula? Te malilu ene mahasa kunokesa vula? Hi yena ko te, Yehova Zambi yetu? Tunatalatala kuli yena, mumu yena kuwakulinga yino yuma yeswe.

Jeremia 32:17

Mwene Yehova! Yena watangile malilu ni hashi ni ndundo je jinene ni kwoko lie lia kuzoza. Nichimwe chuma muchikukalila naye.

Jeremia 51:15

Iye watangile hashi ni tachi jenyi, wakolesele muno-muze ni mana jenyi, wazazulwile malilu ni chinyingi chenyi.

Jeremia 8:19

Panjikenu muteto wa mwana wa pwo atu jami, ha usuhe ni unene wa chifuchi ngwo, Yehova keshimo mu Zaione? Mwanangana wenyi katwamine muli iye? Kuchi te hanangwihi ni tuponya two twa kwola hi mahamba jo a tundaka?

Daniel 6:26

Ngunase shimbi ngwami, Mu yifuchi yeswe ya wanangana wami atu eswe akachikime ni woma kumeso ja Zambi ya Daniel, mumu iye Zambi ya mwono, katwama wa mutolo. Wanangana wenyi kechi kahasa kuwonwona; chiyulo chenyi kuchichi kasula.

Amose 2:4

Yehova kanambe ngwenyi, Mumu ha milonga yitatu ya Yunda hanji yiwana, chichi kahilwisa kastigu, mumu halituna shimbi ya Yehova kafungile yiyulo yenyi. Yuma yo ya kwonga hiyinaapiangula, yize tulamba two endele nayo.

Yona 2:8

Waze akutala ku yuma yamokomoko ya mahuza kakwehuka vumbi lio ene.

Zakaria 12:1

Chikuma cha liji lia Yehova lia kutwala kuli A-Izalele. Yehova mukwa kuzazulula malilu, mukwa kukolesa hashi, ni kululika Spiritu ya mutu muli iye, kanambe ngwenyi,

Mateu 16:16

Semone Petulu wamukumbulwile ngwenyi, Yena uli mwe Kristu, mwe Mwana wa Zambi ya mwono.

Yoano 5:26

Mumu chizechene ngwe mwe Tata mwono akwete muli iye mwene, chocho nawa wahanyine kuli mwe Mwana nawa kupwa ni mwono muli iye mwene.

Yoano 7:18

Yoze wakuhanjika cha kuli iye mwene kakufupa uhenya wenyi mwene: alioze yoze wakufupa uhenya wa yoze wamutumine, mwenawo wamwenemwene, ni uhenge kuushimo muli iye.

Yilinga 10:26

Alioze Petulu wamukatwishile ngwenyi, Katuka; yami nawa nguli mutu.

Yilinga 13:32

Mba yetu tunanwambulwila sango lipema lia chilakenyo chize alakenyene kuli tulamba,

Yilinga 14:21

Muze te hambulula sango lipema ku limbo lize, ni muze te hatayisa tumbaji anji, ahilukile ku Lisetra ni Ikoniu ni Andiakia.

Yilinga 14:7

kuze ambujolele sango lipema.

Yilinga 16:30

waanehene haze, wambile ngwenyi, Malunga, kuchi changutamba kulinga hanga angulamwine?

Yilinga 27:10

ngwenyi, Malunga, ngunamono kwendesa cha ulungu muchikapwa ni luyinda ni kufulwa chinji, hi cha yiteli wika ko ni ulungu, alioze cha mwono wetu nawa.

Yilinga 27:21

Muze te hanapu shimbu linene ni zala, hohene Paulu wamanyine mukachi ko, ngwenyi, Yenu malunga, kachi nwangwononokenene, kachi kunwakatukile ku Kreta, ni luyinda yono ni kufulwa chino.

Yilinga 27:25

Kashika Wahililenu, malunga, mumu ngunafuliela Zambi kumuchikapwa chizechene ngwe hanambe kuli yami.

Yilinga 4:24

O, muze achivwile, ahetwile liji lio ni mbunge yimuwika kuli Zambi, akambe ngwo, Mwene, mwe Zambi yena, yoze watangile lilu ni hashi ni kalunga-lwiji, ni yize yeswe yilimo;

Yilinga 7:26

Ha tangwa likwo, wasolokele kuli ayo shimbu machizwela, wafupile kwawanyisa ni sambukila ngwenyi, Malunga, yenu nuli mandumbu; ika te nunalilingi chipi?

1 Korintu 8:4

Kashika ha kutwala ku kulia cha yuma yize hanayitambula yitapo ku mahamba, tunanyingika hamba hi chimwe ko hano hashi, ni Zambi mukwo wakuhi niumwe, shina umuwika.

Efesu 4:17

Kashika chino ngunambe, ngunashindakenya muli Mwene ngwami, Kanda nukenda nawa ngwe mavungu akwenda mu kunyonga cho chamokomoko,

Shimbi 32:21

Hangwihia ngwivwe ukwa ni chuma kuchalumbunukine ngwe umwe zambi. Hangwihia ni tuponya two. Kashika ni yami mungwehia evwe ukwa wa waze kapwile atu. Mungwehia ni vungu lia uhepuke.

Shimbi 5:26

Iya uliko kuli eswe evwile liji lia Zambi ya mwono anahanjika ni liji Unatuhuka mukachi ka ke kahia, ngwe yetu hitwevwa, hindu achili ni mwono?

1 Tesalonika 1:9

Mumu ayo ene kakwambujola ha kutwala kuli yetu, kunjila chize twapwile nacho kuli yenu; ni ngwe chize nwatewulukilile kuli Zambi nikwehuka mahamba, mukulingila Zambi ya mwono, wamwenemwene,

1 Timoteu 3:15

Alioze kachi munguvumiwa chikolo, hanga ukanyingike ngwe chatamba kwenda mu zuwo lia Zambi, che chikungulwila cha Zambi ya mwono, lie nguji ni fundamentu ya umwenemwene.

Hebreu 3:12

Kanyamenu, mandumbu, kuchina hanji muyipwa muli umwe hakachi kenu mbunge ya ungulungulu ya kuhona Ufulielo, ha kukatuka kuli Zambi ya mwono.

Tiangu (Jake) 5:17

Eliya wapwile mukwa usona wa kulifwa ni yetu, iye walembele ni mbunge yeswe hanga vula kechi kanoka; iye kanokene hano hashi ha miaka yitatu ni tukweji asambano.

Yoshua 3:10

Yoshua yamba ngwenyi, Ha chikuma chino mununyingika ngwenu, Zambi ya mwono hwali hakachi ka yetu, mba iye kechi kuhona kuhuma A-Kanana, ni A-Hete, ni A-Hevwe, ni A-Perize, ni A-Ngikashe, ni A-Amore, ni A-Yepushe kumeso jetu.

Usolwelo 14:7

Iye yamba ni liji linene ngwenyi, Ivwenu woma wa Zambi, numuchichimieke; mumu ola ya upatwilo wenyi hiyeza: wayilenu yoze watangile lilu ni hashi ni kalunga-lwiji ni mafuji ja meya.

Usolwelo 19:10

Nafulamanyine ku yiliato yenyi hanga ngumuwayile. Iye yamba kuli yami ngwenyi, Kanda uchilinga: yami nguli ndungo-ni-mukwenu, ni ndungo-ni-mukwo ni mandumbu je, waze ali ni Shindakenyo ya Yesu: wayila Zambi: mumu Shindakenyo ya Yesu, spiritu ya uprofeto.

Usolwelo 19:19

Namwene ngongo, ni mianangana ja hashi, ni mbunga ja maswalale jo, kanakunguluka mukwasa jita ni yoze Watwamine hali kavwalu, ni mbunga ja maswalale jenyi.

Usolwelo 22:9

Iye yamba kuli yami ngwenyi, Kanda uchilinga: yami nguli ndungo-ni-mukwenu, ni ndungo-ni-mukwo ni mandumbu je, aprofeta, ni waze akufunga maliji a mukanda uno: wayila Zambi.

Usolwelo 4:11

Yena kuwatela, Mwene wetu kanda Zambi yetu, kutambula uhenya ni ulemu ni tachi, mumu yena watangile yuma yeswe, ni mumu ha upale we yapwile, yatangiwile.

1 Samuel 12:21

Kanda nupiasukila ha kukaula yuma yamokomoko yize kuyichi kuhasa kunukwasa hanji kunupulula mumu kuyapwa yamokomoko.

1 Samuel 17:26

David yamba kuli malunga aze amujingilikile ngwenyi, Yika malinga kuli lunga yoze mashiha yono Ka-Filistea nikuchiza luchoko yono kuli A-Izalele? Mumu yono chilima cha Ka-Filistea kuchi apwa akahase kutomba chizavu cha tujita twa Zambi ya mwono.

1 Samuel 17:36

Yami kavumbi kenu nashihile ndumba ni ursu, eswe aali, mba yono chilima cha Ka-Filistea mapwa ngwe umwe hakachi ko se hatomba chizavu cha tujita twa Zambi ya mwono.