Yilinga 13:9 - MUKANDA USANDU WA ZAMBI 1975

⁹ Alioze Saulu, iye nawa Paulu, kanazala tò ni Spiritu Musandu, wamuhulikilile meso,

Mukanda Wa Zambi 1970

⁹ Alioze Saulu, jina lienyi likwo Paulu, ni kuzala ni Mwiku wa Linanga, yamuhulikila meso,

Yilinga 13:9 Iomraidhean Croise

Mika 3:8

Alioze ha kutwala kuli yami hananguzalisa ni tachi, ni Spiritu wa Yehova, ni ululi, ni ndundo, ngukalumbunwine Yakomba uvulumunyi wenyi ni kuli Izalele shili yenyi.

Mateu 10:20

Mumu hi yenu ko nwakuhanjika, alioze mwe Spiritu ya Tatenu yoze wakuhanjika muli yenu.

Marku 3:5

Muze te hakengesa hali ayo ni utenu, nikwivwa chinyengo ha kukala cha mbunge jo, yamba kuli mutu ngwenyi, Olola kwoko lie. Iye waliolwele; ni kwoko lienyi liahindukile lingunu ngwe likwo.

Marku 8:25

Mba cheka nawa wasayikile moko jenyi ha meso jenyi; iye wahetwishile meso, walawile, wamwene yuma yeswe zwalala.

Luka 20:17

Alioze watalile meso kuli ayo, ngwenyi, Chino chinasonewa chika? Ngwo, Liwe lize alitunyine tungi, lienalio kuliapwa liwe lia helu lia mbango.

Yilinga 2:4

O eswe azalile tò ni Spiritu Musandu, aputukile kuhanjika mu malimi eka, ngwe Spiritu waahele kuhanjika.

Yilinga 4:31

Muze te halemba, muma muze akungulukile mwanyikine; o eswe azalile tò ni Spiritu Musandu, mba ahanjikile liji lia Zambi ni hamu.

Yilinga 4:8

Hohene Petulu, kanazala tò ni Spiritu Musandu, wambile kuli ayo ngwenyi, Akwa kuyula ja atu, ni makulwana ja Izalele,

Yilinga 7:55

Alioze iye, kanazala tò ni Spiritu Musandu, wahulikilile mwilu, wamwene uhenya wa Zambi, ni Yesu kanamana ku chindume cha Zambi.