Yilinga 13:7 - MUKANDA USANDU WA ZAMBI 1975

⁷ iye wapwile hamwe ni nguvulu Sejiu Paulu, mukwa malinjekela. Iye watambikile Mbamavwe ni Saulu, wafupile kwivwa liji lia Zambi.

Mukanda Wa Zambi 1970

⁷ Te kali hamwe ni mukwa kuyula Sergiu Paulu, mukwa malinjekela. Mwe mukwa kuyula yatambika Barnaba ni Saulu, mumu yazanga kwivwa maliji a Zambi.

Yilinga 13:7 Iomraidhean Croise

Yishima 14:15

Chizuzuke kakufuliela maliji eswe; alioze chikanyame kakutala kanawa ku kwenda chenyi.

Yishima 14:18

Yizuzuke kakuhinga uhepuke; yikanyame kakwasela chipangula cha yinyingi.

Yishima 14:8

Kuli chikanyame kunyingika jila yenyi chapwa mana; alioze uhepuke wa yihepuke wapwa wa kwonga.

Yishima 18:15

Mbunge ya chikanyame kuyakuzuka yinyingi; twitwi lia mukwa mana kuliakufupa yinyingi.

Hosea 14:9

Mweswe uli ni mana akase chinyingi yino yuma. Mweswe kali ni meso yikamulumbunuke; mumu majila ja Yehova kanapeme kashika akwa ululi kakwendelamo; alioze yitanguke malimbukilamo.

Yilinga 13:12

Hohene nguvulu, muze amwene chize chapwile, wafulielele, nikulishikishila ha longeso lia Mwene.

Yilinga 13:8

Alioze mukwa tufutafuta Elaima (mumu chocho jina lienyi Unalumbunuka) walimikine no, wafupile kukondolola nguvulu ku Ufulielo.

Yilinga 18:12

Alioze muze Ngaliu apwile nguvulu ya Akeya, A-Yunda ni mbunge yimuwika akatukilile Paulu, nikumutwala ku chitwamo cha upatwilo,

Yilinga 19:38

Kachi kashika Ndemetriu ni yilangaji hamwe nenyi, chuma chimwe amuli nacho umwe, ngaji kwali, ni manguvulu nawa; akalisume umwe ni mukwo ni mukwo.

1 Tesalonika 5:21

alioze esekenu yuma yeswe; kakaminyenu ku yize yinapeme.