Yilinga 13:6 - MUKANDA USANDU WA ZAMBI 1975

⁶ Muze apalikile ndusu mu tungu lieswe ndo ku Pafwo, awanyine umwe mukwa tufutafuta, profeta wa kwonga, Ka-Yunda, jina lienyi Mbar-Yesu;

Mukanda Wa Zambi 1970

⁶ Yaabalika mu tungu lieswe ndoo ku limbo lia Pafo Yaawana mo umwe lunga, Kayuda, jina lienyi Bar-Yesu, mukwa munanyi wa mahuza te mukwa kulinga tufutafuta.

Yilinga 13:6 Iomraidhean Croise

1 Yitanga Ya Mianangana 22:22

Yehova ngwenyi, Neka? Aye yamba ngwenyi, Munguya ngukapwe Spiritu ya mahuza mu makanwa ja aprofeta jenyi eswe. Aye ngwenyi, E, kumukamusongojola, kumukamukumba. Yako ulinge chocho.

1 Sango Ja Mianangana 10:13

Chocho yafwa Saulu ha mukunda wa Utanguko wenyi wavulumwine ni kulimika ni Yehova, mumu kafungile liji lia Yehova. Chikwo nawa wahulile chiyulo kuli mukwa mahamba;

Kutuhuka 22:18

Kanda ukatayiza chimbanda kutwama ni mwono.

Alevi 20:6

Nyi umwe mutu makatewulukila kuli akwa mahamba ni akwa tufutafuta nikulipwisa ngwe chikoi kuli ayo, mungusa meso jami a kulimika nenyi. Mungukamuteta hakachi ka atu jenyi.

Zakaria 13:3

Mba nyi umwe masoloka nawa ngwenyi, Yami profeta, tato ni naye waze amusemene, makamba kuli iye ngwo, Kuchi kutwama ni mwono, mumu unahanjika mahuza mu jina lia Yehova. Mba tato ni naye waze amusemene makamutuwa ndusu muze maprofeteza.

Mateu 16:17

Yesu wamukumbulwile, ngwenyi, Kuwawaha yena, Semone, mwana Yona, musunya ni manyinga kayisolwele kuli yena, alioze Tata yoze uli mu malilu.

Mateu 24:24

Mumu akristu a kwonga ni aprofeta a kwonga kumakasoloka, no makasolola yilayi yinene ni yikomokeso; hanga nyi machihasa, akapiangule chipwe waze hanaatongola.

Mateu 7:15

Alioze keyelenu aprofeta a kwonga, waze akwiza kuli yenu ni mazalo ja mapanga, alioze muchima kanapu tungunga a kunuwumbula.

Marku 10:46

Yaheta ku Yeriku: mba shimbu atuhukile mu Yeriku, hamwe ni tumbaji twenyi ni mbunga yinene, Mbatimeu, mwana Timeu, kapuputa, kanatwama ku sesa lia jila nikuunjila.

Yilinga 13:13

Achi, Paulu ni waze endele nenyi akatukile ku Pafwo, nikwenda mu ulungu ahetele ku Pereje, limbo lia mu Pamafwilia, ni Yoano waahichikile, wahilukile ku Yerusaleme,

Yilinga 13:8

Alioze mukwa tufutafuta Elaima (mumu chocho jina lienyi Unalumbunuka) walimikine no, wafupile kukondolola nguvulu ku Ufulielo.

2 Korintu 11:13

Mumu wano kanapu apostolo ja mahuza, akwa kulinga tulimbalimba, nikulihipula ngwe apostolo ja Kristu.

2 Timoteu 3:8

Chizechene ngwe Yane ni Yambwe alimikine ni Mose, chocho wano nawa kakulimika ni umwenemwene; atu a kupiha mu kunyonga cho, yisáshili ha kutwala ku Ufulielo.

1 Yoano 4:1

Akwetu a zango, kanda nufuliela maspiritu eswe, aiioze esekenu maspiritu, kachi mapwa maspiritu a kuli Zambi; mumu aprofeta a kwonga anji haneza hano hashi.

Usolwelo 19:20

Mba akwachile mwe ngongo, ni profeta wa kwonga hamwe nenyi, yoze walingile yilayi kumeso jenyi, yize wapiangwile nayo waze atambwile mufunda wa ngongo, ni waze awayilile kaponya kenyi: eswe ni aali aanyashine a mwono mu Chitende cha kahia chize cha kuyila ni fundanga.