Yilinga 13:50 - MUKANDA USANDU WA ZAMBI 1975

⁵⁰ Alioze A-Yunda akapwile pichi ja mapwo akwa uwayilo alemu, ni akwa lutwe a mu limbo, o avundwile yihungumiona hali Paulu ni Mbarnavwe, aambilile haze lia manjiza jo.

Mukanda Wa Zambi 1970

⁵⁰ Alioze Ayuda yaavundula mapwo pichi waze te akuwayila hamwe no, ni atu ja lufuma mu limbo. No yaahungumiona Paulu ni Barnaba, yaahanga mu chifuchi cho.

Yilinga 13:50 Iomraidhean Croise

1 Yitanga Ya Mianangana 21:25

Kukwapwile umwe wa kulifwa ni Ahabe. Walilanjishile kulinga chipi kumeso ja Yehova, ni pwo lienyi Jezebele wamusongojolele nawa.

Izaya 66:5

Panjikenu liji lia Yehova, yenu nwakuchikimina liji lienyi, ngwami, Usoko wenu waze akunuvwila kole ni kunumbila mumu ha jina liami, o hanambe ngwo, Yehova afumane, hanga tukamone uwahililo wenu. Alioze o mevwa sonyi.

Amose 7:12

Mba Amazia yamba kuli Amose ngwenyi, Ena mukwa kumona katuka, Chinyina ku chifuchi cha Yunda ukalileko mbolo ni kuprofetezelako.

Mateu 10:23

Alioze muze manuhungumiona mu limbo lino, chinyinenu ku likwo, mumu pundu ngunambe kuli yenu ngwami, Kunuchi kamanununa membo a mu Izalele ndo mwe Mwana Mutu meza.

Marku 15:43

José wa ku Arimatea, mukwa kuyula mulemu, iye nawa wapwile nikutatatata wanangana wa Zambi; iye nikuhunuka, wanjilile kuli Pilatu, wechile mujimba wa Yesu.

Marku 5:17

O aputukile kuliumba kuli iye, akatuke ku manjiza jo.

Yilinga 13:43

Muze te akwa sunangonga halimwanga, A-Yunda anji ni akwa kutayiza akuwayila akawile Paulu ni Mbarnavwe, o nikuhanjika kuli ayo, aakunwine kunyongonona mu vumbi lia Zambi.

Yilinga 13:45

Alioze muze A-Yunda amwene mbunga, azalile tò ni ukwa, ahamikine yuma yize ahanjikile Paulu, nikushililika.

Yilinga 14:19

Alioze kwejile A-Yunda a ku Andiakia ni Ikoniu, o nikukununa mbunga, ashile mawe Paulu, amumbulumwine haze lia limbo, nikushinginyeka ngwo, Hanafu.

Yilinga 14:2

Alioze A-Yunda waze kononokene avundwile akwa mavungu nikwalumbula ha kutwala kuli mandumbu.

Yilinga 14:4

Alioze chizavu cha mu limbo ahandunukine; mba amwe apwile hamwe ni A-Yunda, ni akwo apwile hamwe ni apostolo.

Yilinga 14:5

Mba muze aakatukilile, ni akwa mavungu, ni A-Yunda, ni akwa kuyula jo, mukwalinga chipi nikwaasa mawe,

Yilinga 16:14

Mba umwe pwo, jina lienyi Lindia, mukwa kutalikila mahina a ufungo, wa ku limbo lia Taiatira, mukwa kuwayila Zambi watuvwile: Mwene wazulwile mbunge yenyi kupanjika ku yuma yize ahanjikile Paulu.

Yilinga 17:12

Kashika anji a kuli ayo afulielele; ni a kuli mapwo A-Ngresia alemu, ni anji a kuli malunga.

Yilinga 17:13

Alioze muze A-Yunda a ku Tesalonika anyingikine ngwo, Liji lia Zambi aliambujolele kuli Paulu ku Mberia, ayileko nawa, nikuvundula nikupinjisa mbunga.

Yilinga 17:17

Kashika wahanjikile mu sunangonga kuli A-Yunda ni akwa kuwayila, ni mu yitanda tangwa ha tangwa kuli waze apwileko.

Yilinga 17:4

Mba amwe akunukine, alifutwile hamuwika ni Paulu ni Saila, a kuli A-Ngresia akwa kuwayila chizavu chinene, ni anji a kuli mapwo akwa lutwe.

Yilinga 18:7

Iye wakatukile kuze, wanjilile mu zuwo lia umwe mutu, jina lienyi Titu Justo, mukwa kuwayila, zuwo lienyi lialihachile ni sunangonga.

Yilinga 2:5

Achi, mwatwamine mu Yerusaleme A-Yunda, akwa kuwayila, a ku mavungu eswe mushi lia lilu.

Yilinga 21:27

Muze te matangwa shimbiali himamanunuka, A-Yunda a ku Eshia, muze amumwene mu tembele, avundwile mbunga yeswe, o amukwachile,

Yilinga 28:17

Kulutwe lia matangwa atatu Paulu watambikile waze apwile akwa lutwe a kuli A-Yunda, alikungulule. Muze akungamine, wambile kuli ayo ngwenyi, Yami, mandumbu, chipwe chalingile nichimwe cha kulimika ni atu, hanji ni ndako ja tulamba, hindu ku Yerusaleme amukunjikile funge ku moko ja A-Roma:

Yilinga 6:12

O avundwile atu, ni makulwana, ni akwa kusonyeka, yalundumuka hali iye, yamukwata, yamuneha kumeso ja akwa kuyula.

Yilinga 8:1

Saulu te kanatayiza kufwa chenyi. Ha tangwa lize kwakatukile yihungumiona yinene ha chikungulwila chize chapwile mu Yerusaleme; ni eswe amwanganyine mwamwa mu yifuchi ya Yundeya ni Samaria, alioze apostolo, ka.

A-ROMA 10:2

Mumu nakushindakenya hali ayo ngwami, Kulinga ni mbunge yeswe hali Zambi kali nacho, alioze hi nikulita ni chinyingi ko.

2 Korintu 11:26

Mu mawenyi kanji, ni Utoji wa mu njiji, ni Utoji wa mihuza; ni Utoji kuli akwa munyachi wami; ni Utoji kuli akwa mavungu: ni Utoji mu membo; ni Utoji mu puya; ni Utoji ha kalungalwiji; ni Utoji hakachi ka mandumbu a kwonga;

1 Tesalonika 2:14

Mumu yenu, mandumbu, nwalumukine akwa kwimbulula yikungulwila ya Zambi yize yili mu Yundeya muli Kristu Yesu: mumu ni yenu nawa nwevwile lamba lia yuma yimuwika kuli akwa vungu lia yenwene, chizechene ngwe ayo nawa evwile kuli A-Yunda:

2 Timoteu 3:11

ni yihungumiona, ni lamba, lize lianguwanyine mu Andiakia, mu Ikoniu, mu Lesetra; yihungumiona yize nanyongonwene nayo; ni Mwene wangupulwile ku yeswe.