Yilinga 13:47 - MUKANDA USANDU WA ZAMBI 1975

⁴⁷ Mumu chocho Mwene watuhele shimbi ngwenyi, Hingunakusela pangu lia akwa mavungu, hanga ukapwe ulamwino ndo ku kusula songo lia hashi.

Mukanda Wa Zambi 1970

⁴⁷ Mumu Chenacho Zambi atuhele Shimbi ngwenyi: ‘Hingunakusa pangu lia mavungu ha kutwala ulamwino ndoo ku songo lia hashi.’ ”

Yilinga 13:47 Iomraidhean Croise

Izaya 42:1

Talenu kavumbi kami yoze ngunamukundwiza, yoze wa kusakula kuli yami, mbunge yami yinawahilila muli iye. Hinamusa Spiritu yami, kumakasolola ululi kuli akwa mavungu.

Izaya 42:6

Yami Yehova nakusanyikine ni ululi, nakukwachile ku kwoko nikukufunga; hinakuhana ukapwe usendo kuli atu, pangu ku mavungu,

Izaya 45:22

Tewulukilenu kuli yami akanulamwine, enu eswe mu masongo a hashi! Mumu yami nguli Zambi, kukushi mukwo.

Izaya 49:6

Yehova yono kanambe ngwenyi, Chalela naye hali yena ukapwe kavumbi kami wa kuhuzulula minyachi ya Yakomba, ni kuhilwisa kuli yami waze asala a kuli A-Izalele. Mungukupwisa nawa pangu ku mavungu hanga ulamwino wami ukahete ndo ku songo lia hashi.

Izaya 52:10

Yehova hanasolola kwoko lienyi lisandu kumeso ja mavungu eswe, mba akwa masongo eswe a hashi kumakamona ulamwino wa Zambi yetu.

Izaya 60:3

Mavungu makeza ku pangu lienu, mianangana makeza ku kupanguluka cha kuvumbuka chenu.

Jeremia 16:19

Yehova, yena tachi jami ni mbonge yami, chiswamo chami ha tangwa lia lamba, kuli yena mavungu makungulukila, chize ku masongo a hashi nikwamba ngwo, Tulamba twetu kahingile nichimwe shina mahuza wika, yuma yamokomoko kuyafumbwile nichimwe.

Hosea 1:10

Hindu kwalula cha A-Izalele muchipwa ngwe masekeseke a ku kalunga-lwiji aze kechi kuhasa kwaeseka hanji kwaalula, mba kuze ambile kuli ayo ngwo, Hi nuli atu jami ko, kwenako mamba kuli ayo ngwo, Nuli ana ja Zambi ya mwono.

Amose 9:12

hanga akazuke masalila ja Endome, ni mavungu aze eswe hanaaluku jina liami. Chocho kanambe Yehova mukwa kulinga chuma chino.

Mika 5:7

Henaho masalila ja Yakomba makapwa hakachi ka mavungu anji ngwe mume wa kuli Yehova; ngwe vula ha mwambu yoze kazeyele kuli atu chipwe kutwaminyina atu.

Zakaria 2:11

Mavungu anji malifutula ni Yehova ha tangwa lize nikwalumuka akapwe atu jami. Mba mungutwama hakachi kenu. Ni yenu mununyingika Yehova-wa-Tujita wangutumine kuli yenu.

Malaki 1:11

Mumu chize ku Chivumbuko ndo ku Chitokelo jina liami liafumana hakachi ka mavungu, ni kweswe kakwochela insensu jina liami nikuhana mulambu wa kulinanga, mumu jina liami liafumana hakachi ka mavungu. Chocho kanambe Yehova-wa-Tujita.

Mateu 28:19

Yénu kashika, nukatayise tumbaji a ku mavungu eswe, nikwapapachisa mu jina lia Tata, ni lia Mwana, ni lia Spiritu Musandu:

Marku 16:15

Iye wambile kuli ayo ngwenyi, Yénu hashi heswe, nukambujole sango lipema kuli atu eswe.

Luka 2:32

pangu lia kutemwina akwa mavungu, ni uhenya wa atu je, A-Izalele.

Luka 24:47

akambujole mu jina lienyi kulikonyeka ni ukonekeno wa milonga ku mavungu eswe, nikuputuka ku Yerusaleme.

Yilinga 1:8

Alioze kumunukatambula tachi, muze Spiritu Musandu heza hali yenu: kumunukapwa yela jami, ni mu Yerusaleme, ni mweswe mu Yundeya, ni Samaria, ni ndo ku kasula-songo lia hashi.

Yilinga 22:21

Iye wambile kuli yami ngwenyi, Yako: mumu mungukutuma kusuku kuli akwa mavungu.

Yilinga 26:23

ngwe chize chatamba Kristu kumona lamba, ngwe chize iye hatangu ku Uhindukilo hakachi ka afu, mambujola pangu kuli atu ni mavungu.

Yilinga 9:15

Alioze Mwene wambile kuli iye ngwenyi, Yako, mumu iye chikwachilo cha kutongola kuli yami, mukutwala jina liami kumeso ja akwa mavungu, ni mianangana, ni ana a Izalele: