Yilinga 13:42 - MUKANDA USANDU WA ZAMBI 1975

⁴² Shimbu atuhukile mu sunangonga, aliumbile kuli ayo aambulwile maliji ano ha tangwa lia Sambata likwo.

Mukanda Wa Zambi 1970

⁴² Muze Paulu ni Barnaba haatuhuka mu zuwo lia kuwayila, akwa limbo yaaliumba kuli ayo hanga akahanjike nawa chikuma chizechene ha tangwa lia kuhwima lia kulutwe.

Yilinga 13:42 Iomraidhean Croise

Ezekiel 3:6

Chakutumine kuli akwa mavungu anji a malimi a tundaka, ni kuhanjika chikalu, maliji jo kechi kukulumbunuka. Nyi kachi nakutumine kuli ayo makwivwa.

Mateu 11:21

Ngwenyi, Lamba kuli yena Karazene! lamba kuli yena Mbeteseta! mumu kachi yipupu yize alingile hakachi kenu, ayilingile mu Teru ni Sendone kachi alikonyekene kulu ni chikeleyi ni uto.

Mateu 19:30

Alioze anji atangu kumakapwa akwa kusula; ni akwa kusula kumakapwa atangu.

Mateu 9:18

Shimbu machihanjika yino yuma kuli ayo, mukwa kuyula wejile, wamuwayilile, ngwenyi, Mwanami wa pwo haliapwila lume hafwa, alioze tweya kama, ukasayike kwoko lie hali iye, mba kumapwa ni mwono.

Yilinga 10:33

Haze hene kashika ngunakatuma kuli yena; ni wakalakala hiweza. Haliapwila kashika, yetu eswe kuno kutuli kumeso ja Zambi, mukwivwa yuma yize yeswe hanakwambe kuli Mwene.

Yilinga 13:14

Alioze o, nikupalika ndusu mu Pereje, ahetele ku Andiakia, limbo lia mu Piseteya; o anjilile mu sunangonga ha tangwa lia Sambata, yatwama.

Yilinga 28:28

Nyingikenu kashika ulamwino uno wa Zambi hiunatumiwa kuli akwa mavungu: o nawa kumakevwa.