Yilinga 13:41 - MUKANDA USANDU WA ZAMBI 1975

⁴¹ Talenu, yenu akwa kaleleso, komokenu, tokenu; mumu mungulinga chitanga ha matangwa jenu, chitanga chize kunuchi kachifuliela nichimwe, kachi umwe manwambulwilacho.

Mukanda Wa Zambi 1970

⁴¹ ‘Talenu akwa kaleleso, lishimwokenu, fwenu! Mumu mungulinga milimo ha matangwa jenu yize kunuchi kufuliela, chibwe muze manwambulwila yo.’ ”

Yilinga 13:41 Iomraidhean Croise

Yishima 5:12

Mba muwamba ngwe, Cho kupiha nevwile ha kungufumba! Mbunge yami yalelesele kungukanjisa.

Izaya 5:24

Kashika chizechene ngwe mulengi wa kahia kuwakulalisa mwambu umu, chizechene ngwe mwambu umu muunonga mu mulengi, chocho muji wo muupwa kupola, ni yitemo yo muyihehuka ngwe fufuta. Mumu hanalitunu shimbi ya Yehova-wa-Tujita, hanalelesa liji lia mwe Musandu wa Izalele.

Izaya 65:15

Munukahichika jina lienu ngwe shingo kuli waze naatongwele, mba Mwene Yehova makanushiha; alioze matuka tuvumbi twenyi jina lieka.

Ezekiel 33:9

Alioze nyi yena mutoweza chingulungulu kukatuka ku ndako jenyi, aye kakatukileko, kumafwa mu uhenge wenyi, alioze yena hiwalamwina mwono we.

Habakuke 1:5

Tala hakachi ka mavungu umone; komoka ni kulishimwoka. Mumu ngunalingi milimo yimwe ha matangwa je ena kuchi kufuliela chipwe makwambulwilayo.

Luka 16:14

A-Fwariseu nawa, waze apwile akwa kufwila mbongo, evwile yino yuma yeswe; amukekwine.

Luka 23:35

Atu amanyine nikutala. Akwa kuyula nawa amukekwine, ngwo, Walamwinyine akwo; alilamwine mwene kachi yono mwe Kristu ya Zambi, yoze hanamutongola.

Yilinga 13:47

Mumu chocho Mwene watuhele shimbi ngwenyi, Hingunakusela pangu lia akwa mavungu, hanga ukapwe ulamwino ndo ku kusula songo lia hashi.

Yilinga 22:21

Iye wambile kuli yami ngwenyi, Yako: mumu mungukutuma kusuku kuli akwa mavungu.

Yilinga 3:23

Mba kumuchikapwa, mutu mweswe kechi kevwa profeta yoze, kumakamwenyeka liakulu hakachi ka atu.

Yilinga 6:14

Mumu twamuvwile nikwamba ngwenyi, Yono Yesu Ka-Nazare kumakonwona kuma kuno, iye kumakalumuna ndako jize atukunjikile Mose.

1 Tesalonika 2:16

Kakutukanjisa kuhanjika kuli akwa mavungu, kuchina maalamwina; hanga akazalise liakulu njongo ya milonga yo matangwa eswe: alioze utenu hiuneza hali ayo liakulu.

1 Petulu 4:17

Mumu mwaka hiuneza hanga upatwilo uputuke ku zuwo lia Zambi: nyi kachi muuputuka hatangu kuli yetu, songo lika mulikapwa lia waze keshi kwononoka ku sango lipema lia Zambi?