Yilinga 13:38 - MUKANDA USANDU WA ZAMBI 1975

³⁸ Nyingikenu kashika, mandumbu, kuli yono, tunanwambulwila ukonekeno wa milonga:

Mukanda Wa Zambi 1970

^38-39 Akwetu, chinyingikenu ngwenu, mumu ha yize alingile Yesu, tunanwambulwila ukonekeno wa milonga. Mweswawo mafuliela matusuka ku shili yeswe ku yize Shimbi ja Mose kujahashile kunutusula.

Yilinga 13:38 Iomraidhean Croise

Miaso (Masamu) 130:4

Alioze ukonekeno ukwete, hanga akuvwile woma.

Miaso (Masamu) 130:7

Enu A-Izalele, talatalenu Yehova, mumu kuli Yehova kwatwama utu wa zango. Kuli iye kwatwama ukule wa kulumbama.

Miaso (Masamu) 32:1

Kawaha yoze hanamukonekena uvulumunyi wenyi; shili yenyi hanayifuku.

Jeremia 31:34

Mutu kechi kalongesa mwenyembo wenyi, hanji usoko wenyi, ngwenyi, Nyingika Yehova mumu eswe mangunyingika chize kuli mukepe Wahiana ndo kuli munene Wahiana. Mumu mungukonekena uhenge wo; chichi kwiwuluka nawa shili yo. Chocho kanambe Yehova.

Ezekiel 36:32

Mwene Yehova kanambe ngwenyi, Nyingikenu kanawa, chalingile yino yuma ha mukunda wa yenu. Ivwenu sonyi nukalitupieke mumu ha ndako jenu, enu akwa munyachi wa Izalele.

Daniel 3:18

Alioze nyi ka, nyingikenu mwanangana, hindu kutuchi kulingila mazambi jenu, chipwe kuwayila kaponya ka oru yono hinwamika.

Daniel 9:24

Hali atu je ni chihunda che chisandu hanasela shimbi ya makumi shimbiali a semana kumanununa Utanguko, ni kusulisa shili, ni kukukila uhenge, ni kuhetesa ululi wa mutolo, ni kujika ni Chijikilo usolwelo ni uprofeto, ni kuzujila maji muma musandu mwahiana.

Zakaria 13:1

Ha tangwa lize makajikula fuji lia meya ha munyachi wa David ni hali akwa Yerusaleme lia kwapemesa ku shili ni luchisa.

Mateu 1:21

Kumakasema mwana-lunga, ukamuluke jina ngwe, Yesu; mumu iye kumakalamwina atu jenyi ku milonga yo.

Luka 24:47

akambujole mu jina lienyi kulikonyeka ni ukonekeno wa milonga ku mavungu eswe, nikuputuka ku Yerusaleme.

Yoano 1:29

Muze hikwacha yamona Yesu kaneza kuli iye, neye yamba ngwenyi, Talenu mwe Mwana-panga wa Zambi, yoze machiza shili ya akwa hashi!

Yilinga 10:43

Kuli iye aprofeta eswe kakushindakenya ngwo, Ku jina lienyi mweswawo mamufuliela makatambula ukonekeno wa milonga.

Yilinga 2:14

Alioze Petulu, nikukatuka hamwe ni kumi ni kashi wakololokele, nikwamba kuli ayo ngwenyi, Yenu A-Yunda, ni yenu eswe nwakutwama mu Yerusaleme, nyingikenu chino, panjikenu ku maliji jami.

Yilinga 2:38

Petulu wambile kuli ayo ngwenyi, Likonyekenu, anupapachise mutu ni mutu wa kuli yenu mu jina lia Yesu Kristu, ha ukonekeno wa milonga; mba kumunukatambula chawana cha Spiritu Musandu.

Yilinga 28:28

Nyingikenu kashika ulamwino uno wa Zambi hiunatumiwa kuli akwa mavungu: o nawa kumakevwa.

Yilinga 4:10

nyingikenu eswe, ni atu eswe a Izalele, ngwetu, Mu jina lia Yesu Kristu, Ka-Nazare, yoze yenu nwamuhachilile ha kulusu, Zambi amuhindwishile hakachi ka afu, ku tachi jenyi yono kanamana kuno kumeso jenu mungunu.

Yilinga 5:31

Iye Zambi wamunangamishine ku kwoko lienyi lia chindume akapwe Kaputu kanda Chilamwina, mukuhana kuli akwa Izalele kulikonyeka ni ukonekeno wa milonga.

Efesu 1:7

Muli iye, ukule tuli nawo ku manyinga jenyi, we ukonekeno wa milonga yetu, nikulita ni kulumbama cha vumbi lienyi.

Efesu 4:32

Pwenu ni utu umwe kuli mukwo, akwa mbunge ja kwivwa keke, nikulikonekcna umwe ni mukwo, chizechene ngwe Zambi nawa hananukonekena muli Kristu.

Kolosu 1:14

Muli iye ukule wetu tuli nawo ku manyinga jenyi, we ukonekeno wa milonga yetu.

Hebreu 8:6

Alioze haliapwila hanazuku uvumbiko wahiana, se iye chitakanyishi nawa cha usendo Wahiana, uze hanaukolesa ha yilakenyo yipema yahiana.

Hebreu 9:22

Nikulita ni shimbi yuma yeswe, yikepe wika yinasala, kakuyipemesa ni manyinga, ni ukonekeno wakuhi niumwe shina ha kumwanga manyinga.

1 Yoano 2:12

Ngunasoneka kuli yenu, anami akepe, mumu hananukonekena milonga yenu mumu ha jina lienyi.