Yilinga 13:29 - MUKANDA USANDU WA ZAMBI 1975

²⁹ Muze te hamanununa yuma yeswe ya kusonewa hali iye, amusunwishine ku mutondo, amusele mu fuka.

Mukanda Wa Zambi 1970

²⁹ Muze te haamanununa yeswe yize yasonewene hali iye, yaamusunwisa ha kulusu, yaamusa mu fuka.

Yilinga 13:29 Iomraidhean Croise

Marku 15:42

Muze hapwile chingoloshi, mumu chapwile Kululika, chenacho tangwa lia kutetekela Sambata.

Luka 23:50

Mba umwe lunga, jina lienyi José, mwenawo wapwile mukwa kuyula, iye lunga mupema, mukwa ululi.

Luka 23:53

Iye wausunwishine, wauvungile mu hina lia linyu, wamusele mu fuka lia kutota mu liwe, muze kanda achipomba niumwe nilimwe tangwa.

Luka 24:44

Iye wambile kuli ayo ngwenyi, Wano e maliji aze nahanjikile kuli yenu shimbu napwile hamwe ni yenu, ngwami, Chatamba yuma yeswe kumanunuka yize yinasonewa mu shimbi ya Mose ni mu mikanda ya aprofeta ni ya masamu, ya kutwala kuli yami.

Yoano 19:28

Kulutwe lia chino, Yesu, se kananyingika yuma yeswe hiyamanunuka, hanga chisoneko chikamanunuke, yamba ngwenyi, Pwila ngunevu.

Yoano 19:30

Muze te kashika Yesu hatambula vinagre, wambile ngwenyi, Chinamanunuka: iye washachilile mutwe wenyi, wakunjikile Spiritu yenyi.

Yilinga 13:27

Mumu waze akutwama mu Yerusaleme, ni akwa kuyula jo, se kamusele chinyingi, chipwe kanyingikine maliji ja aprofeta aze akwatanga ha masambata eswe, aamanunwine ha kumuhisa.

Yilinga 2:23

iye, se amukunjikile kushi nikulita ni upale ni chinyingi cha Zambi, yenu nikumukwata ni moko ja yingulungulu, hinunamuhachila ha kulusu, hinunamushihi;

Yilinga 26:22

Se Zambi wangukwasa, hingunamana nikujikiza ndo ku tangwa lino, nikushindakenya kuli akepe ni anene, nikwamba nichimwe chuma chikwo shina yuma yize ambile aprofeta ni Mose ngwo, Kumuyiza;

Yilinga 4:28

mukulinga cheswacho kwoko lie ni mana je afunjikile Shimbu-kanda.

Yilinga 5:30

Zambi ya tulamba twetu wahindwishile Yesu, yoze nwashihile ha kumuzezeleka ha mutondo.

1 Korintu 15:4

amufunjile; amuhindwishile ha tangwa liamuchitatu nikulita ni yisoneko;