Yilinga 13:25 - MUKANDA USANDU WA ZAMBI 1975

²⁵ Ni shimbu Yoano machimanununa jila yenyi, wambile ngwenyi, Kuchi nunashinginyeka, yami iya? Yami hi nguli Kristu ko. Alioze kumeza umwe kunyima yami, yoze haku ja ku molu jenyi chatelele kujitula.

Mukanda Wa Zambi 1970

²⁵ Shimbu Yoano machimanununa milimo yenyi, yahula atu ngwenyi: ‘Nunanyongo ngwenu, yami iya? Hi nguli ko yoze nwakunyongena. Yami chatelele kujitula sapato ja yoze meza kulutwe liami.’

Yilinga 13:25 Iomraidhean Croise

Mateu 3:11

Yami chamwenemwene ngunanupapachisa mu meya nulikonyeke: alioze yoze meza kunyima yami kakangana kuhiana yami, haku jenyi chatelele kujimbata: iye kumakanupapachisa muli Spiritu Musandu ni mu kahia:

Marku 1:7

Iye wambujolele ngwenyi, Kumeza kunyima yami yoze wakangana kuhiana yami, yoze lusapo wa ku haku jenyi chatelele kuhetama ni kumujitula.

Yoano 1:29

Muze hikwacha yamona Yesu kaneza kuli iye, neye yamba ngwenyi, Talenu mwe Mwana-panga wa Zambi, yoze machiza shili ya akwa hashi!

Yoano 1:34

Hingunamono; hingunashindakenya ngwami, Yono mwe Mwana Zambi.

Yoano 1:36

iye watalile kuli Yesu shimbu anende, yamba ngwenyi, Talenu mwe Mwana-panga wa Zambi!

Yoano 4:34

Yesu yamba kuli ayo ngwenyi, Kulia chami ngukalinge upale wa yoze wangutumine, hanga ngukamanunune milimo yenyi.

Yoano 7:18

Yoze wakuhanjika cha kuli iye mwene kakufupa uhenya wenyi mwene: alioze yoze wakufupa uhenya wa yoze wamutumine, mwenawo wamwenemwene, ni uhenge kuushimo muli iye.

Yilinga 13:36

Mumu David, muze te halingila chisemuko chenyi mwene ku upale wa Zambi, wayile tulo, amufunjile hamwe ni akako, wamwene kupola:

Yilinga 19:4

Paulu wambile ngwenyi, Yoano chamwenemwene wapapachishile ni upapachiso wa kulikonyeka, nikwamba kuli atu, akafuliele yoze meza kunyima yenyi, Yesu te.

Yilinga 20:24

Alioze chishi kunyonga mwono wami ngwe chuma chilemu kuli yami mwene, hanga ngukamanunune jila yami ni uwahililo, ni uvumbiko uze natambwile kuli Mwene Yesu, kushindakenya chikolo sango lipema lia vumbi lia Zambi.

2 Korintu 4:5

Mumu kutushi kuliambujola yetwene, alioze Kristu Yesu mwe Mwene, ni yetwene ndungo jenu mumu hali Yesu.

2 Timoteu 4:7

Hingunalitachika kulitachika chipema, hingunamanununa kuma kwami kwa kuzomboka, hingunafungu Ufulielo.

Usolwelo 11:7

Muze hamanununa Shindakenyo yo, ngongo yoze matuhuka mu jondo makasa jita no, makaakumba, makaashiha.