Yilinga 13:22 - MUKANDA USANDU WA ZAMBI 1975

²² Muze te hamuchiza, wasolwele David kuli ayo kupwa mwanangana wo; kuli iye nawa washindakenyene, ngwenyi, Hingunawane David mwana Yese, lunga wa kulita ni mbunge yami, iye kumakalinga upale wami weswe.

Mukanda Wa Zambi 1970

²² Muze te Zambi hamuchiza mu wanangana, yaaha David ha kubwa mwanangana wo. Zambi yashindakenya hakutwala kuli David ngwenyi: ‘Hinamona David, mwana wa Jese, mutu yoze unalite ni manyonga jami. Mwenawo makamanununa kulinga yeswe yize ngunazange.’

Yilinga 13:22 Iomraidhean Croise

2 Samuel 2:4

Malunga a Yunda yeza, yawayisa David ni maji akapwe mwanangana wa munyachi wa Yunda. Muze alwezele David ngwo, Waze afunjile Saulu malunga a Njabeshe-Ngiliate,

2 Samuel 7:15

Hindu chichi kumuchiza utu wa zango liami ngwe nauchijile kuli Saulu yoze nahumine kumeso je.

2 Samuel 7:8

Kashika amba kuli kavumbi kami David ngwe, Yehova-wa-Tujita kanambe ngwenyi, Nakuchijile mu yambu kuze wakawile mapanga ukapwe mwanangana wa atu jami A-Izalele.

1 Yitanga Ya Mianangana 15:3

Iye wendele mu milonga yeswe yize tato haliangamo. Mbunge yenyi kuyapwile yingunu kumeso ja Yehova Zambi yenyi ngwe mbunge ya kalamba kenyi David.

1 Yitanga Ya Mianangana 15:5

mumu David walingile chipema kumeso ja Yehova. Kapiasukile ku shimbi niyimwe wamwambile miaka yeswe ya mwono wenyi, shina mu chikuma cha Ka-Hete Uriya.

1 Sango Ja Mianangana 10:13

Chocho yafwa Saulu ha mukunda wa Utanguko wenyi wavulumwine ni kulimika ni Yehova, mumu kafungile liji lia Yehova. Chikwo nawa wahulile chiyulo kuli mukwa mahamba;

1 Sango Ja Mianangana 2:12

Mboaze yasema Opete; Opete yasema Yese;

Miaso (Masamu) 2:6

Hindu yami hingunawayisa ni maji mwanangana wami ha Zaione, we mulundu wami lisandu.

Jeremia 33:21

nyi chocho, ni usendo wami ni David muutá kuushiha hanga kechi kapwa ni mwana wa lunga kutwama ha ngunja yenyi, ni usendo wami ni tuvumbi twami asasendote ja Levi.

Jeremia 33:26

mba mungulituna waze masemuka kuli Yakomba ni kavumbi kami David; chichi katongola umwe wa waze masemuka kuli iye kuyula vungu lia Apalahama, ni Izake, ni Yakomba. Mumu mungukahilwisa kuwaha cho; mungukaavwila keke.

Ezekiel 34:23

Mungukasa hali ayo kafunga umuwika, mwe kavumbi kami David, mba iye makaalisa; makaalisa; makapwa kafunga ko.

Hosea 3:5

Mba kulutwe A-Izalele makahiluka nikufupa Yehova Zambi yo ni mwanangana wo David. Mba makeza ni woma wa Yehova ku upeme wenyi ha matangwa a kusula.

Yilinga 13:36

Mumu David, muze te halingila chisemuko chenyi mwene ku upale wa Zambi, wayile tulo, amufunjile hamwe ni akako, wamwene kupola:

Yilinga 15:8

Zambi, mukwa kunyingika mbunge, waashindakenyene, ni kwaaha Spiritu Musandu, chizechene ngwe kuli yetu nawa;

Yilinga 7:46

Iye wawanyine vumbi kumeso ja Zambi, wechile akawane mbalaka hali Zambi ya Yakomba.

1 Samuel 12:25

Alioze nyi hindu munulinga ungulungulu kumunukakuwa, ni yenu ni mwanangana wenu.

1 Samuel 15:11

Hinalikonyeka ha kupwisa Saulu mwanangana, mumu hanalitwamina kungukaula. Kalingile chize namutumine. Samuel yatenuka. Yateta kuli Yehova Ufuku weswe.

1 Samuel 15:23

Mumu kukolema kuchapwa ngwe mulonga wa umbanda, ni upama kuwapwa ngwe uhenge ni kukombelela. Ena hiunalitunu liji lia Yehova; kashika aye hanalitunu yena. Kuchi kupwa mwanangana.

1 Samuel 15:26

Samuel yamba kuli Saulu ngwenyi, Chichi kuya ni yena se hiunalitunu liji lia Yehova, ni Yehova hanalitunu yena. Kuchi kupwa mwanangana wa Izalele.

1 Samuel 15:28

Samuel yamba ngwenyi, Yehova hasonya wanangana wa Izalele kuli yena musono, hauhana kuli umwe mukwenu mupema kuhiana yena.

1 Samuel 16:1

Yehova yamba kuli Samuel ngwenyi, Ndo mwiji muka mukalishimwoka hali Saulu, se hinalitunaye, kechi kupwa mwanangana wa Izalele? Zalisa mbinga ye ni maji, yako, mungukutuma kuli Yese wa ku Mbeteleme, mumu hinalisela mwanangana hakachi ka anenyi a malunga.

1 Samuel 16:13

Samuel yanda mbinga ya maji yamuwayisa hakachi ka ayayo. Mba Spiritu ya Yehova yeza ni tachi hali David chize ku tangwa lize. Samuel yakatuka yaya ku Rama.

1 Samuel 28:16

Samuel yamba ngwenyi, Nyi Yehova hanakumbu nyima, hanalumuka mukwa kole kuli yena kuchi te unanguhula yami?

1 Samuel 31:6

Chocho Saulu yafwa ni anenyi atatu a malunga ni mukwa kumumbachila yitwa ni malunga jenyi eswe ha tangwa limuwika eswe hamuwika.