Yilinga 13:2 - MUKANDA USANDU WA ZAMBI 1975

² Shimbu machivumbika Mwene, nikulitwamina kulia, Spiritu Musandu wambile ngwenyi, Selenu kuli yami haliapwila, Mbarnavwe ni Saulu ha milimo yize hingunaatambikila.

Mukanda Wa Zambi 1970

² Limwe tangwa, shimbu te anawayila Mwene ni kulitwamina kulia, Mwiku wa Linanga yiwamba ngwenyi: “Nguselenu Barnaba ni Saulu ku milimo yize naatambikilile.”

Yilinga 13:2 Iomraidhean Croise

1 Sango Ja Mianangana 16:4

David yasela A-Levi amwe ku milimo ya mushete wa Yehova mukwiwulula, ni kusakwila ni kuhalisa Yehova, Zambi ya Izalele.

Daniel 9:3

Mba natalikishile meso jami kuli Mwene Zambi kumufupa ha kulemba ni kuliumba hamwe ni kulitwamina kulia ni yikeleyi ni uto.

Mateu 17:21

Alioze mulali uno kuushi kutuhuka shina ha kulemba ni ha kulitwamina kulia.

Mateu 6:16

Muze munulitwamina kulia, kanda nupwa ngwe yilembese, akuhonga ku meso: mumu kakupihisa meso jo, hanga akasoloke kuli atu ngwe analitwamina kulia. Pundu ngunambe kuli yenu ngwami, Hanatambula kwononona cho.

Mateu 9:38

Liumbenu kashika kuli Mwenya kucha, hanga atume akwa milimo aye ku kucha chenyi.

Luka 10:1

Achi, kulutwe ha yino yuma, Mwene watongwele makumi shimbiali akwo, waatumine aali ni aali kulutwe ha meso jenyi ku membo eswe ni kweswe himaya mwene.

Luka 2:37

iye wapwile twamishi ndo ku makumi nake a miaka ni miaka yiwana), kakatukile ku tembele, alioze wavumbikile Zambi, nikulitwamina kulia, nikuliumba ufuku ni mwalwa.

Yilinga 10:19

Shimbu Petulu azewile usolwelo, Spiritu wambile kuli iye ngwenyi, Tala, malunga atatu kanakufupu.

Yilinga 10:30

Koneliu wambile ngwenyi, Matangwa awana kunyima, napwile nikulitwamina kulia ndo ku ola yino; ha ola yamuchilivwa, ngunalembe mu zuwo liami; kumanyi, lunga unamana kumeso jami ni hina lia mukambo lia kulejima.

Yilinga 13:3

Hohene, muze te halitwamina kulia, yalemba, yasayika moko jo hali ayo akaye.

Yilinga 13:4

O kashika, se atumiwine kuli Spiritu Musandu, apalumukine ku Selushia; ni kuze endele mu ulungu ku Saipuru.

Yilinga 14:26

Kuze endele mu ulungu ku Andiakia, kuze aakuajikile kulu ku vumbi lia Zambi ha milimo yize te hayimanununa.

Yilinga 20:28

Keyelenu kuli yenwene, ni ku mbunga yeswe ya mapanga, yize Spiritu Musandu hananuse tulayi, mukufunga chikungulwila cha Zambi, chize azukile ni manyinga jenyi mwene.

Yilinga 22:21

Iye wambile kuli yami ngwenyi, Yako: mumu mungukutuma kusuku kuli akwa mavungu.

Yilinga 4:36

Ni José, yoze amulukile jina likwo kuli apostolo ngwo, Mbarnavwe, (linalumbunuka ngwo, Mukwa kulembejeka), Ka-Levi, mukwa Saipuru ku munyachi wenyi,

Yilinga 6:4

Alioze yetu mutunyongonona kulemba ni ku uvumbiko wa liji.

Yilinga 8:29

Spiritu wambile kuli Fwilipe ngwenyi, Kundama, uye ni temba lino.

Yilinga 9:15

Alioze Mwene wambile kuli iye ngwenyi, Yako, mumu iye chikwachilo cha kutongola kuli yami, mukutwala jina liami kumeso ja akwa mavungu, ni mianangana, ni ana a Izalele:

A-ROMA 1:1

Yami Paulu, ndungo ya Yesu Kristu, amutambikile postolo, amuselele ku sango lipema lia Zambi,

A-ROMA 10:15

Ngwe kuchi makambujola shina matumiwa? Nikulita ngwe chinasonewa ngwo, Cho kupema cha molu ja waze akwambujola sango lipema!

A-ROMA 15:16

Hanga ngukapwe kavumbi ka Kristu Yesu kuli akwa mavungu, nikulinga ngwe uvumbiko wa sasendote mu sango lipema lia Zambi, hanga akwa mavungu akapwe mulambu wa kupemena chikolo, kanausela ku usandu kuli Spiritu Musandu.

1 Korintu 12:11

alioze Spiritu umuwika kakulingisa yino yuma yeswe, nikwanyina kuli mutu ni mutu, chizechene ngwe mapala.

1 Korintu 7:5

Kanda nulilaka umwe ni mukwo, shina muchipwa ha kulitesa ha shimbu limwe, hanga nulitumbikile ku kulemba, hanga nukapwe hamuwika cheka nawa, hanga Satana kechi kanweseka mumu ha ulelu wenu wa kuyula mijimba yenu.

2 Korintu 11:27

nikukilikita nikuhondangana, nikulawoka kanji; ni zala ni pwila, nikulitwamina kulia kanji; ni chishika ni uvu.

2 Korintu 6:5

ni mijiji, mu mazuwo ja ususu, mu yizungozungo, ni kukilikita, ni kulawoka kanji, ni zala;

Galashia 1:15

Alioze muze chapemenene Zambi, yoze wanguhandunwine chize ku jimo lia mama, wangutambikile mu vumbi lienyi,

Efesu 3:7

Ha lienalio angupwishile kavumbi, nikulita ni chawana cha vumbi lia Zambi lize anguhele, nikulita ni kulinga cha tachi jenyi.

Shimbi 10:8

Ha mwaka uze Yehova yahandununa munyachi wa Levi, mukumbata mushete wa usendo wa Yehova, mukumana kumeso ja Yehova amuvumbike, akawahise ni jina lienyi ndo ku tangwa lino.

Kolosu 4:17

Nukambe kuli Arkipu ngwenu. Kanyama ha uvumbiko uze hiunatambula muli Mwene, hanga ukaumanunune.

1 Timoteu 2:7

Ha chuma chino hanangusela mukwa kwambujola ni postolo (ngunahanjika umwenemwene, chahanjikile mahuza), nguli longeshi ya akwa mavungu mu Ufulielo ni umwenemwene.

2 Timoteu 1:11

Ku lino hanangusela mukwa kwambujola, ni postolo, ni longeshi ya akwa mavungu.

2 Timoteu 2:2

Ni yuma yize hiunevu kuli yami kumeso ja yela anji, yino kulijika kuli malunga amwenemwene, waze makahasa kufumba akwo nawa.

2 Timoteu 4:11

Luka wika ali hamwe ni yami. Hitula Marku, ukamunehe hamwe ni yena, mumu kanangutela ha uvumbiko.

2 Timoteu 4:5

Alioze yena, keyela ha yuma yeswe, nyongonona ni utunu ndusu mu yipi, linga milimo ya mukwa kwambujola, manununa uvumbiko we.

Hebreu 5:4

Niumwe malianjila ulemu uno hali iye mwene, shina muze mamutambika kuli Zambi, chizechene ngwe Arone nawa.

1 Samuel 2:11

Elekana wayile ku zuwo lienyi ku Rama, alioze mwe mwana wavumbikile Yehova kumeso ja sasendote Eli.