Yilinga 13:19 - MUKANDA USANDU WA ZAMBI 1975

¹⁹ Muze te hapupa mavungu shimbiali mu chifuchi cha Kanana, waahele chifuchi cho ngwe chihinga, ngwe kulakaji awana a miaka ni makumi atano a miaka.

Mukanda Wa Zambi 1970

¹⁹ yonona mavungu shimbiali mu chifuchi cha Kanana, yakunjika chifuchi cho kuli atu jenyi ngwe chihinga,

Yilinga 13:19 Iomraidhean Croise

Ubutukilo 12:5

Apalama yatwala hamwe nenyi mukwo-pwo Serai, ni Lote mwana wa yayo ni upite weswe haupita, ni atu eswe aze haliwezela mu Harane. Chocho yakatuka akaye ku chifuchi cha Kanana, mba ku Kanana yaheta.

Ubutukilo 17:8

Chifuchi cha unjize we, chifuchi chino cheswe cha Kanana munguchihana kuli yena ni ku munyachi we kulutwe akachizuke ku miaka ya mutolo. Yami mungukapwa Zambi yo.

1 Yitanga Ya Mianangana 6:1

Ha mwaka kulakaji awana ni makumi nake chize ku kukatuka cha A-Izalele ku Engitu; ha mwaka wamuchiwana wa kuyula cha Solomone hali A-Izalele; ha kakweji ka Zivi (mwe kakweji wamuchiali awo) yaputuka kutunga zuwo lia Yehova.

Nehemia 9:24

Chocho e ana anjilile ni kuzuka chifuchi, ni yena wazeyesele enya chifuchi kumeso jo, ngwami, A-Kanana; waakunjikile mu moko jo hamwe ni mianangana jo ni mavungu a chifuchi akalinge no cheswacho azangile.

Miaso (Masamu) 135:11

Sahone mwanangana wa A-Amore, ni Oge mwanangana wa Mbashane, ni yifuchi yeswe ya mianangana a Kanana.

Miaso (Masamu) 78:55

Wahumine mavungu kumeso jo nikwahana ngwe chihinga cha kweseka ni mihipu. Wanjishile minyachi ya Izalele akatwame mu mbalaka jo.

Izaya 34:17

Hanaatela chela, kwoko lienyi hilinachipangila kuli ayo ni muhipu, makachihinga ndo ku miaka yeswe, chize ku chisemuko ndo ku chisemuko makatwamamo.

Yilinga 7:45

Yize nawa tulamba twetu ayitambwile waze atetekelele, ayinehene hamwe ni Yoshua muze anjilile mukupita chifuchi cha akwa mavungu, waze Zambi Watuhwishile kumeso ja tulamba twetu ndo ku matangwa ja David.

Shimbi 7:1

Muze Yehova Zambi yenu manuhetesa mu chifuchi nunayi kuchizuka, ha kahuma mavungu anji kumeso jenu, A-Hete, ni A-Ngikashe, ni A-Amore, ni A-Kanana, ni A-Perize, ni A-Hevwe, ni A-Yepushe, mavungu shimbiali ananuhiana ni unene, ni ndundo,

Yoshua 14:1

Yenayo yihinga A-Izalele atambwile mu chifuchi cha Kanana. Eleazare mwe sasendote, ni Yoshua mwana wa Nune, ni makulwana akwa lutwe a minyachi ya A-Izalele aateteleleyo.

Yoshua 18:10

Yoshua yaatela chela mu Shilo kumeso ja Yehova. Kuze kwene Yoshua yateta chifuchi kuli A-Izalele, kuli mweswe chihinga chenyi.

Yoshua 19:51

Yino ye yihinga Eleazare mwe sasendote, ni Yoshua mwana wa Nune, ni makulwana akwa lutwe a minyachi ya A-Izalele atetele nikulita ni chela ku Shilo, kumeso ja Yehova, kwe ku chikolo cha mbalaka ya chikungulwila. Chocho amanyine kwatetela chifuchi.

Yoshua 23:4

Haliapwila hinanusela mavungu aze asala akapwe chihinga cha minyachi yenu, hamuwika ni mavungu aze eswe hinasutula, chize ku Yordau ndo ku Kalunga-lwiji Munene uli ku Chitokelo.

Yoshua 24:11

Nwazaukile Yordau, yinwiza ku Yeriku. A-Yeriku ashile jita ni yenu, chocho nawa A-Amore, ni A-Perize, ni A-Kanana, ni A-Hete, ni A-Ngikashe, ni A-Hevwe, ni A-Yepushe. Alioze naakunjikile mu moko jenu.

Akwa Kuyula 11:26

Shimbu lieswe A-Izalele atwamine mu Heshebone ni yihunda yako, ni Aroere ni yihunda yako, ni membo eswe ali mu chikulo cha Arnone, kulakaji atatu a miaka, yika wachina kuyitambula ha miaka yize?