Yilinga 13:16 - MUKANDA USANDU WA ZAMBI 1975

¹⁶ Mba Paulu wakatukile, iye nikulahula ni kwoko lienyi, wambile ngwenyi, A-Izalele, ni yenu nwakwivwa woma wa Zambi, ivwenu:

Mukanda Wa Zambi 1970

¹⁶ Petulu yakatuka, yalahula ni kwoko, yamba ngwenyi: “Akwetu Aisraele, ni yenu akwo waze nwakuwayila Zambi, banjikenu!

Yilinga 13:16 Iomraidhean Croise

1 Yitanga Ya Mianangana 8:40

hanga akakuvwile woma matangwa eswe matwama mu chifuchi wachihanyine kuli tulamba twetu.

Miaso (Masamu) 135:20

Enu akwa munyachi wa Levi, fumanyisenu Yehova. Enu eswe nwakuvwila woma Yehova, fumanyisenu Yehova.

Miaso (Masamu) 67:7

Zambi matuwahisa, atu eswe ndo ku masongo a hashi mamuvwila woma.

Miaso (Masamu) 85:9

Chamwenemwene ulamwino wenyi hakamwihi uli ni waze akumuvwila woma, hanga ulemu ukapwe mu chifuchi chetu.

Mateu 11:15

Yoze uli ni matwi a kwivwa, evwe.

Luka 1:22

Mba muze atuhukile, kahashile kuhanjika kuli ayo; o anyingikine ngwo, Hamona usolwelo mu tembele. Iye wanyongonwene nikulinga yilayi kuli ayo, alioze wasalile kamama.

Luka 1:50

Keke yenyi kuyili ku yisemuko ni yisemuko kuli waze akumuvwila woma.

Luka 23:40

Alioze mukwo nikukumbulula wamukanjishile ngwenyi, Yena kushi woma chipwe wa Zambi, nyi? Se uli ni uhiso umuwika.

Yilinga 10:2

mukwa kuwayila, iye mukwa kwivwa woma wa Zambi hamwe ni akwa zuwo lienyi eswe, iye wahanyine yawana kuli atu, waliumbile kuli Zambi matangwa eswe.

Yilinga 10:35

alioze mu mavungu eswe yoze wakumuvwila woma, wakulinga ululi, kakupemena kuli iye.

Yilinga 12:17

Iye, nikulahula kuli ayo ni kwoko lienyi ahole, wambile kuli ayo ngwe Mwene wamunehene haze lia zuwo lia ususu. Wambile ngwenyi, Ambulula yino yuma kuli Tiangu ni kuli mandumbu. Iye wakatukile, wayile kweka.

Yilinga 13:26

Mandumbu, ana ja munyachi wa Apalahama, ni waze hakachi kenu akwivwa woma wa Zambi, kuli yetu liji lia ulamwino uno linatumiwa.

Yilinga 13:46

Ni Paulu ni Mbarnavwe ahanjikile ni hamu, ngwo, Chinatambe kuhanjika liji lia Zambi kuli yenu hatangu. Alioze se nunalichinji kuli yenu, ni se nunalipatwila kunwatelele mwono wa mutolo, tunatewulukila kuli akwa mavungu.

Yilinga 19:33

O asenyesene kulutwe Alezandre hakachi ka mbunga, A-Yunda nikumushinjika kulutwe. Alezandre walahwile ni kwoko lienyi, wafupile kulisambisa kuli atu.

Yilinga 2:14

Alioze Petulu, nikukatuka hamwe ni kumi ni kashi wakololokele, nikwamba kuli ayo ngwenyi, Yenu A-Yunda, ni yenu eswe nwakutwama mu Yerusaleme, nyingikenu chino, panjikenu ku maliji jami.

Yilinga 2:22

Yenu A-Izalele, ivwenu maliji ano: Yesu Ka-Nazare, lunga ashindakenyene kuli Zambi ni yipupu ni yipekesa, ni yilayi yize Zambi walingile ku kwoko lienyi mukachi kenu, chizechene ngwe nunanyingika yenwene;

Yilinga 21:40

Muze te hamutayiza, Paulu, nikumana ha ndondelo, walahwile ni kwoko lienyi kuli atu; o muze te hahola kulu, wahanjikile kuli ayo mu limi lia Hepreu, ngwenyi,

Yilinga 22:22

O ahalakanyine ndo ku liji lino; alioze akololokele, ngwo, Chizenu yono mutu hano hashi: mumu katelele kutwama ni mwono.

Yilinga 3:12

Petulu ha kuchimona, wambile kuli atu ngwenyi, Yenu A-Izalele, kuchi te nunalishikishila ha chino? Hanji kuchi te nunatuhulikila meso ngwe ni tachi ja yetwene hanji uwayilo wa yetwene twamwendesanga?

Usolwelo 2:11

Yoze uli ni matwi, evwe chize anambe Spiritu ku yikungulwila. Yoze makumba kechi kalemana nichimwe ku kufwa chamuchiali.

Usolwelo 2:17

Yoze uli ni matwi, evwe chize anambe Spiritu ku yikungulwila. Yoze makumba, mungukamwaha yimwe ya ku maná ya kuhengama: mungukamwaha lukumbo mutoma, ni ha lukumbo jina liaha linasonewa, lize niumwe manyingika shina yoze malitambula.

Usolwelo 2:29

Yoze uli ni matwi, evwe chize anambe Spiritu ku yikungulwila.

Usolwelo 2:7

Yoze uli ni matwi, evwe chize anambe Spiritu ku yikungulwila. Kuli yoze makumba, mungukamwaha mukulia ku mutondo wa mwono uze uli mu Paraisu ya Zambi.