Yilinga 13:12 - MUKANDA USANDU WA ZAMBI 1975

¹² Hohene nguvulu, muze amwene chize chapwile, wafulielele, nikulishikishila ha longeso lia Mwene.

Mukanda Wa Zambi 1970

¹² Ha kuchiimona, mukwa kuyula yafuliela, yalishikishila ha longeso Hakutwala kuli Mwene Yesu.

Yilinga 13:12 Iomraidhean Croise

Mateu 27:54

Achi, kapitau ni waze apwile hamwe nenyi, nikufunga Yesu, muze amwene minyiko ni yuma alingile, evwile woma kuhiana, ngwo, Chamwememwene yono mwe Mwana Zambi.

Luka 4:22

Eswe amushindakenyene, nikukomoka ha maliji a vumbi aze atuhukile mu kanwa lienyi; no ambile ngwo, Yono hi mwana José ko, nyi?

Luka 7:16

Eswe akwachile woma; o achichimiekene Zambi ngwo, Profeta munene hanasoloka hakachi ketu; chikwo ngwo, Zambi hanatale hali atu jenyi.

Yoano 7:46

Tupita akumbulwile ngwo, Mutu kahanjikile chocho niumwe mwaka.

Yilinga 13:48

Shimbu akwa mavungu evwile chino, awahililile, achichimiekene liji lia Mwene: ni waze eswe Zambi waafunjikile ku mwono wa mutolo afulielele.

Yilinga 13:49

Liji lia Mwene liafumanyine ndusu mu chifuchi cheswe.

Yilinga 13:7

iye wapwile hamwe ni nguvulu Sejiu Paulu, mukwa malinjekela. Iye watambikile Mbamavwe ni Saulu, wafupile kwivwa liji lia Zambi.

Yilinga 13:8

Alioze mukwa tufutafuta Elaima (mumu chocho jina lienyi Unalumbunuka) walimikine no, wafupile kukondolola nguvulu ku Ufulielo.

Yilinga 15:35

Ni Paulu ni Mbarnavwe anyongonwene mu Andiakia, nikulongesa nikwambujola sango lipema lia liji lia Mwene hamwe ni akwo anji nawa.

Yilinga 15:36

Kulutwe lia matangwa amwe, Paulu wambile kuli Mbarnavwe ngwenyi, Tuhiluke, tukameneke mandumbu jetu mu membo eswe kuze twambujolele liji lia Mwene, tukatale chize anapu.

Yilinga 18:12

Alioze muze Ngaliu apwile nguvulu ya Akeya, A-Yunda ni mbunge yimuwika akatukilile Paulu, nikumutwala ku chitwamo cha upatwilo,

Yilinga 19:10

Chino chapwile ha miaka yiali; chocho waze eswe atwamine mu Eshia, evwile liji lia Mwene Yesu, ni A-Yunda ni A-Ngresia.

Yilinga 19:20

Chocho ni ndundo liji lia Mwene liafumanyine, liakanganyine.

Yilinga 19:38

Kachi kashika Ndemetriu ni yilangaji hamwe nenyi, chuma chimwe amuli nacho umwe, ngaji kwali, ni manguvulu nawa; akalisume umwe ni mukwo ni mukwo.

Yilinga 19:7

Malunga eswe apwile ngwe kumi ni aali.

Yilinga 28:7

Achi, mu chifuchi cha kusulangana, kwapwile chijima cha mukwa lutwe wa mu tungu, jina lienyi Pupiliu; watusambililile, watuzuinbwile matangwa atatu, ni kulikata chipema.

Yilinga 6:10

O kahashile kulimika ni mana ni Spiritu yoze wahanjikile nenyi.

Yilinga 8:25

O kashika, muze te ha shindakenya chikolo, hahanjika liji lia Mwene, ahilukile ku Yerusaleme, nikwambujola sango lipema ku yihunda yinji ya A-Samaria.