Yilinga 13:1 - MUKANDA USANDU WA ZAMBI 1975

¹ Achi, kwapwile mu Andiakia, mu chikungulwila chize chapwileko, aprofeta ni alongeshi, Mbarnavwe, ni Semone, yoze uli ni jina likwo ngwo, Naijere, ni Luseu Ka-Sairene, ni Manaene, yoze amulelele hamwe ni nguvulu Heronde, ni Saulu.

Mukanda Wa Zambi 1970

¹ Mu Chikungulwila cha Antiokia, akwa munanyi a Zambi ni alongeshi te atwama mo: Barnaba, ni Simone (yoze te akuvuluka ngwo, mutu mulaa), ni Lusiu (Kasirene) ni Manaene (yoze alelele hamwe ni mukwa kuyula Herode), ni Saulu.

Yilinga 13:1 Iomraidhean Croise

Mateu 27:32

Shimbu machituhuka, awanyine mutu wa ku Serene, jina lienyi Semone: amukambile, aye hamwe no hanga ambate kulusu yenyi.

Luka 3:1

Achi, ha mwaka kumi ni wamuchitano wa kuyula cha Tiperiu Sesare, Ponteu Pilatu te achili nguvulu munene ya Yundeya, ni Heronde nguvulu ya Ngalileya, ni mwanakwo Fwilipe nguvulu ya Itureya ni ya chifuchi cha Trakonite, ni Lisane nguvulu ya Apiliniya,

Yilinga 11:30

chize nawa achilingile, nikuyitumisa kuli makulwana ku moko ja Mbarnavwe ni Saulu.

Yilinga 12:25

Ni Mbarnavwe ni Saulu akatukile ku Yerusaleme, ahilukile, muze te hamanununa uvumbiko wo, nikuneha nawa hamwe no Yoano, jina lienyi likwo, Marku.

Yilinga 13:9

Alioze Saulu, iye nawa Paulu, kanazala tò ni Spiritu Musandu, wamuhulikilile meso,

Yilinga 15:32

Ni Yunda ni Saila, se o nawa aprofeta, ashinjilile atu ni maliji anji, nikwatakamisa.

Yilinga 15:35

Ni Paulu ni Mbarnavwe anyongonwene mu Andiakia, nikulongesa nikwambujola sango lipema lia liji lia Mwene hamwe ni akwo anji nawa.

Yilinga 19:6

Muze te Paulu hasayika moko jenyi hali ayo, Spiritu Musandu wejile hali ayo; o ahanjikile mu malimi, nikuprofeteza.

Yilinga 21:9

Achi, yono wapwile ni anenyi a mapwo awana, waze kanda aya ulo, akwa kuprofeteza.

Yilinga 4:36

Ni José, yoze amulukile jina likwo kuli apostolo ngwo, Mbarnavwe, (linalumbunuka ngwo, Mukwa kulembejeka), Ka-Levi, mukwa Saipuru ku munyachi wenyi,

Yilinga 9:1

Alioze Saulu hindu machihwilijela kwomisa nikushiha hali tumbaji twa Mwene, wayile kuli sasendote mukwa lutwe,

A-ROMA 16:21

Timoteu mukwa milimo-ni-mukwetu, ni Luseu, ni Yasone, ni Sosepatere, usoko wami, kananumeneka.

1 Korintu 11:4

Lunga ni lunga malemba, hanji maprofeteza, kali ni chuma chimwe ha mutwe wenyi malelesa mutwe wenyi.

1 Korintu 13:2

Chipwe mungupwa nikuprofeteza, chipwe mungunyingika yijimbikilo yeswe, ni yinyingi yeswe; chipwe mungupwa ni Ufulielo weswe, chocho munguhasa kututulula milundu, alioze kachi chishi zango, ngunapu wamokomoko.

1 Korintu 13:8

Zango kulishi kuhwa nilimwe tangwa: alioze chipwe uprofeto, kumakauhwisa; chipwe malimi kumakahwa; chipwe yinyingi, kumakayihwisa.

1 Korintu 14:29

Aprofeta ahanjike aali, hanji atatu; akwo apatwile.

1 Korintu 14:32

Maspiritu ja aprofeta kakuzeyela kuli aprofeta.

1 Korintu 9:6

Shina yami wika ni Mbarnavwe kutushi chiyulo cha kulitwamina milimo, nyi?

Galashia 2:13

A-Yunda akwo alingile ni ulembekese chizechene hamwe nenyi; chocho chipwe Mbarnavwe wahungumukine ku ulembekese wo.

Galashia 2:9

muze anyingikine vumbi lize anguhele, Tiangu ni Sefwa ni Yoano, waze apwile manguji mu chikungulwila, ahanyine kuli yami ni Mbarnavwe moko ja chindume a kulikunda, hanga yetu tukaye kuli akwa mavungu, o akaye kuli akwa ungalami.

Efesu 4:11

Iye hanahana amwe apostolo; ni amwe aprofeta; ni amwe akwa kwambujola; ni amwe tulayi ni alongeshi;

Filipu 4:22

Asandu eswe kananumeneka, ni kuhiana chikolo akwa zuwo lia Sesare.

1 Tesalonika 5:20

Kanda nupwisa wamokomoko uprofeto;