Yilinga 12:7 - MUKANDA USANDU WA ZAMBI 1975

⁷ Kumanyi, mungelo wa Mwene wamanyine hehi nenyi, ni pangu liapangukile mu zuwo lia ususu: iye walambile Petulu ha lumbu lienyi, wamulawishile ngwenyi, Katuka nikawashi. Mba malenge jenyi echele moko jenyi.

Mukanda Wa Zambi 1970

⁷ Susumuku kanganda ka mwilu yasoloka, pangu yilipanguka mu zuwo lia lamba. Kanganda yalamba Petulu mu pachi hakepe, yamulawisa ngwenyi: “Katuka nikawashi.” Ngoji yijikasuluka ku moko.

Yilinga 12:7 Iomraidhean Croise

2 Samuel 22:29

Yehova, yena uli ndeya yami; Yehova kumapangulula milima yami.

1 Yitanga Ya Mianangana 19:5

Mba mushi lia chiputa yapomba tulo. Kulutwe umwe mungelo yamusunga ngwenyi, Katuka ulie.

1 Yitanga Ya Mianangana 19:7

Mungelo wa Yehova yeza kamuchiali yamusunga ngwenyi, Katuka ulie mumu wenyi wasuha naye hali yena.

Miaso (Masamu) 107:14

Waachijile ku milima ni ku Chizulie cha kufwa. Wapatwile malenge jo tuyipatupatu.

Miaso (Masamu) 116:16

Yehova, chamwenemwene nguli kavumbi ke. Nguli kavumbi ke, mwana wa kavumbi ke wa pwo, hiunakasulula makana jami.

Miaso (Masamu) 146:7

Yoze wakupatwila akwa luyinda. Yoze wakuhana kulia kuli akwa zala. Yehova kakutusula funge.

Miaso (Masamu) 34:7

Mungelo wa Yehova kakutunga chilombo chenyi cha kujingilika waze akumuvwila woma, kakwapulula.

Miaso (Masamu) 68:6

Waze atwama ukawo Zambi kakwatwamisa mu majiko ni akwo. Kakuneha funge ku upite wa kulumbama, alioze akwa kukolema kakutwama mu chifuchi chumu chau.

Izaya 37:30

Chino muchipwa chilayi kuli yena. Mwakono munulia chize chalisokela; ha mwaka wamuchiali munulia chize chinasoko ku mbuto yacho; mba ha mwaka wamuchitatu munulima, munucha, munutumba minda ya uva ni kulia mihuko yayo.

Izaya 60:1

Katukenu, pangukenu, mumu pangu lienu hilieza. Uhenya wa Yehova hiwavumbuka hali yenu.

Jeremia 40:1

Liji lia Yehova liejile kuli Jeremia muze te Nabuzaradane kapitau ka tulayi hamwecha ku Rama muze hamutwala wa kukasa ni malenge hamuwika ni funge eswe a ku Yerusaleme ni Yunda waze te maatwala njize ku Babilonia.

Ezekiel 43:2

Kumanyi uhenya wa mwe Zambi ya Izalele unakatuka ku Chivumbuko. Lundunjila wa kwiza chenyi wapwile ngwe lundunjila wa meya anji, ni hashi hahenyene ni uhenya wenyi.

Daniel 3:28

Nabukanezore yamba ngwenyi, Zambi ya Shadrake, ni Meshake, ni Abedenego afumane, yoze hatuma mungelo wenyi, hapulula tuvumbi twenyi akwa kujikijila hali iye, waze alelesele shimbi ya mwanangana nikwecha mijimba yo, mumu kasolo kulingila umwe zambi shina Zambi yo, chipwe kumuwayila.

Daniel 6:22

Zambi yami watumanga mungelo wenyi kuyika makanwa ja ndumba. Kangulemekene mumu hanguwana chishi kapalia kumeso jenyi. Chipwe kumeso ja yenu mwanangana chalingile chipi nichimwe.

Mika 7:9

Mungutambula utenu wa Yehova mumu hinamuvulumuna; ndo manguhakwila ni chikuma chami, ndo mangupatwila. Kumangutuhwishila mu pangu; kumungumona ululi wenyi.

Habakuke 3:11

Tangwa ni kakweji yamana lume muma mwo ha kumona kuhenya cha mivu ye chize yiyenda; ha kulejima cha kunga lie lia kupeyima.

Habakuke 3:4

Uhenya wenyi wapwile ngwe pangu; misayo yahenyene ku kwoko lienyi; kwenako watakile ndundo jenyi.

Mateu 2:13

Achi, muze te hakatuka, kumanyi, mungelo wa Mwene yasoloka kuli José mu chilota, ngwenyi, Katuka, utwale mwe mwana ni naye, uchinyine ku Engitu, ukapweko ndo mungukakwambulwila, mumu Heronde mafupa mwe mwana mukumwonwona.

Luka 2:9

Mba, mungelo wa Mwene wamanyine hehi no, ni uhenya wa Mwene watemukine ha kwajingilika; no evwile woma wunji.

Luka 24:4

Shimbu machikakashana ha chino, kumanyi, malunga aali amanyine hehi no ni mazalo a kuhenya.

Yilinga 10:30

Koneliu wambile ngwenyi, Matangwa awana kunyima, napwile nikulitwamina kulia ndo ku ola yino; ha ola yamuchilivwa, ngunalembe mu zuwo liami; kumanyi, lunga unamana kumeso jami ni hina lia mukambo lia kulejima.

Yilinga 12:23

Haze hene mungelo wa Mwene wamulambile, mumu kachichimiekene Zambi; iye wafwile, wa kuliwa ni mavuno.

Yilinga 12:6

Muze Heronde ambile kumuneha haze, ufuku uze wene Petulu wapwile mu tulo mukachi ka maswalale aali, wa kukasa ni malenge aali: ni tulayi kulutwe lia pito alayile zuwo lia ususu.

Yilinga 12:8

Mungelo wambile kuli iye ngwenyi, Lijichike muya we, ukase haku je. Mba walingile chocho. Yamba kuli iye ngwenyi, Zala hina lie, ungukaule.

Yilinga 16:26

susumuku kwapwile minyiko yinene, ni fundamentu ja zuwo lia ususu janyikine, ni mapito eswe haze hene azulukile; ni makana ja eswe aechele.

Yilinga 2:24

mwenawo Zambi hanamuhindwisa, nikukasulula yikola ya kufwa, mumu te kahashile kukwachika ni tachi jacho.

Yilinga 5:19

Alioze ha ufuku mungelo wa Mwene wazulwile mapito ja zuwo lia ususu, Waatwalile haze, wambile ngwenyi,

Yilinga 9:3

Shimbu machenda mu wenyi, wakundamine ku Ndamaseku: susumuku mwahenyene pangu mwilu ha kumujingilika.

Efesu 5:14

Kashika kanambe ngwenyi, Laula, yena uli mu tulo, uhinduke hakachi ka afu, ni Kristu makakutemukina.

Hebreu 1:14

O eswe te hi maspiritu a kuvumbika ko, a kutumiwa mukuvumbika, mumu hali waze makahinga ulamwino, nyi?

Usolwelo 18:1

Kulutwe lia yino yuma namwene mungelo mukwo, kanahulumuka mwilu, kali ni poko yinene ya kuyula; ni hashi hapangulukile ni uhenya wenyi.