Yilinga 12:4 - MUKANDA USANDU WA ZAMBI 1975

⁴ Ni muze te hamukwata, wamusele mu zuwo lia ususu, wamukunjikile ku mbunga jiwana ja maswalale amufunge; se wahalile kulutwe lia Chizomboka kumuneha haze kuli atu.

Mukanda Wa Zambi 1970

⁴ Muze te hakwata Petulu, yamusa mu zuwo lia lamba, yamukunjika ku mbunga jiwana ja tujita awana awana. Herode yazanga kumutuhwisa ku meso ja Ayuda ha kumanyisa cha chiwanyino cha kwiwuluka Kubalika.

Yilinga 12:4 Iomraidhean Croise

Estere 3:13

Yatuma mikanda ni mikeji ku yifuchi yeswe ya mwanangana akakuwise, akashihe, akanongese A-Yunda eswe ni twanuke ni makulwana, ni ana a kemba ni mapwo, ha tangwa limuwika, lie tangwa kumi ni liamuchitatu lia kakweji kumi ni wamuchiali (Adare) akatambule upite wo wa kupunda.

Kutuhuka 12:1

Yehova yamba kuli Mose ni Arone mu chifuchi cha Engitu ngwenyi,

Yishima 19:21

Kutaka chinji chili mu mbunge ya mutu; alioze yiyulo ya Yehova yenayo muyikakola.

Yishima 27:1

Kanda ulisambila tangwa lia hamene mumu kwanyingikine chize tangwa limuwika mulineha.

Lungungu 3:37

Iya hatumina chuma mba hichapwa, ndo Mwene wachifunjikile?

Mateu 24:9

Hohene makanukunjika ku luyinda, no kumakanushiha, kumakanuvwila kole ku mavungu eswe mumu ha jina liami.

Mateu 26:5

Alioze ambile ngwo, Hi ha chiwanyino ko, kuchina zungo mulipwa hakachi ka atu.

Marku 14:1

Achi, kulutwe lia matangwa aali, Chizomboka ni chiwanyino cha mbolo kuyishi futunwiso muchipwa. Asasendote akwa lutwe ni akwa kusonyeka te kanafupu ngwe chize mahasa kumukwata ni kalimbalimba, akamushihe.

Luka 21:12

Alioze shimbu yino yuma yeswe kanda yipwa, kumakanukwata, kumakanuhungumiona, kumakanukunjika ku masunangonga ni mazuwo ja ususu, nikununeha kumeso ja mianangana ni manguvulu mumu ha jina liami.

Luka 22:33

Wambile kuli iye ngwenyi, Mwene, ngunahase kuya hamwe ni yena chipwe ku zuwo lia ususu chipwe ku kufwa nawa.

Yoano 19:23

Maswalale kashika muze te hahachila Yesu ha kulusu, anjile mazalo jenyi, o alingile yihanda yiwana, kuli swalale mweswe chihanda chimwe; ni chikuto nawa; achi, chikuto kuchapwile ni mutongwa, chatungiwile chize kwilu ndusu cheswe.

Yoano 21:18

Pundu, pundu, ngunambe kuli yena ngwami, Muze wapwile mukweze walijichikile muya we, wendele kweswe wapalile; alioze muze mukakukwoka, mukolola moko je ni mukwo makakujichika muya, makakutwala kuze kwapalileko.

Yilinga 12:3

Ni muze amwene ngwe chapemenene A-Yunda, wawezele kukwata Petulu nawa. Chapwile ha matangwa a mbolo kuyishi futunwiso.

Yilinga 12:5

Kashika afungile Petulu mu zuwo lia ususu; alioze akwa chikungulwila amulembelele kuli Zambi ni mbunge yeswe.

Yilinga 4:28

mukulinga cheswacho kwoko lie ni mana je afunjikile Shimbu-kanda.

Yilinga 4:3

O aakwachile, aafungile ndo hikwacha, mumu hapwile chingoloshi kulu.

Yilinga 5:18

Akwachile apostolo, aasele mu zuwo lia ususu.

Yilinga 8:3

Alioze Saulu Wenyekene chikungulwila, nikunjila mu zuwo ni zuwo, nikumbulumuna malunga ni mapwo, waakunjikile ku zuwo lia ususu.