Yilinga 12:3 - MUKANDA USANDU WA ZAMBI 1975

³ Ni muze amwene ngwe chapemenene A-Yunda, wawezele kukwata Petulu nawa. Chapwile ha matangwa a mbolo kuyishi futunwiso.

Mukanda Wa Zambi 1970

³ Ha kumona ngwenyi, chinawahisa Ayuda, yakwata nawa Petulu. (Chino chabwile ha matangwa a chiwanyino cha Mbolo Yize Kuyishi Yitumbo.)

Yilinga 12:3 Iomraidhean Croise

Miaso (Masamu) 76:10

Chamwenemwene ufwatulo wa atu muwiza kukuhalisa. Ufwatulo wasalaho mukalijichikawo.

Kutuhuka 23:15

Ukafunge chiwanyino cha mbolo kuyishi futunwiso. Ukalie mbolo kuyishi futunwiso matangwa shimbiali ngwe nakwambile, haze naselele ha kakweji ka Ambimbi, mumu ha yoze mwene yena wakatukile ku Engitu. Kanda akasoloka kumeso jami mokomoko.

Mateu 26:17

Achi, ha tangwa litangu lia mbolo yize kuyishi futunwiso, tumbaji ejile kuli Yesu ngwo, Kulihi unazange yetu tululike hanga ukalie Chizomboka?

Yoano 12:43

mumu azangile uhenya wa atu, hi uhenya wa Zambi ko.

Yoano 19:11

Yesu wakumbulwile ngwenyi, Kushi chiyulo nichimwe hali yami kachi kakuhelecho kwilu; kashika yoze wangukunjikanga kuli yena, mulonga Wahiana ali nawo.

Yoano 21:18

Pundu, pundu, ngunambe kuli yena ngwami, Muze wapwile mukweze walijichikile muya we, wendele kweswe wapalile; alioze muze mukakukwoka, mukolola moko je ni mukwo makakujichika muya, makakutwala kuze kwapalileko.

Yilinga 12:4

Ni muze te hamukwata, wamusele mu zuwo lia ususu, wamukunjikile ku mbunga jiwana ja maswalale amufunge; se wahalile kulutwe lia Chizomboka kumuneha haze kuli atu.

Yilinga 2:14

Alioze Petulu, nikukatuka hamwe ni kumi ni kashi wakololokele, nikwamba kuli ayo ngwenyi, Yenu A-Yunda, ni yenu eswe nwakutwama mu Yerusaleme, nyingikenu chino, panjikenu ku maliji jami.

Yilinga 20:6

Alioze yetu twendele mu ulungu ku Fwilipu kulutwe lia matangwa a mbolo kuyishi futunwiso. Kulutwe lia matangwa atano twahetele kuli ayo ku Troa; twatwamineko matangwa shimbiali.

Yilinga 24:27

Alioze muze miaka yiali yamanunukine, Porshiu Fesetu wasalakanyine Fwelishia; ni Fwelishia nikuzanga kuwahisa A-Yunda, wahichikile Paulu wa kukasa.

Yilinga 25:9

Alioze Fesetu, nikuzanga kuwahisa A-Yunda, wakumbulwile kuli Paulu ngwenyi, Mukakanduka ku Yerusaleme akakupatwileko kumeso jami ha yino yuma, nyi?

Yilinga 4:13

Muze amwene hamu lia Petulu ni Yoano, kananyingika apwile atu waze kaalongesele, kajamine ku masona, akomokene; o aasele chinyingi ngwo, Wano apwile hamwe ni Yesu.

Galashia 1:10

Mumu haliapwila ngunafupu shina kuwahila atu nyi, shina kuwahila Zambi? Shina ngunafupu kupemena kuli atu, nyi? Kachi nguchili nikupemena kuli atu, kachi hi nguli ndungo ya Kristu ko.

1 Tesalonika 2:4

Alioze chizechene ngwe hanatusela Shindakenyo yipema kuli Zambi, akatukunjike sango lipema, chocho twakuhanjika; hi ngwe mutupemena kuli atu ko, alioze tukapemene kuli Zambi, yoze wakweseka mbunge jetu.