Yilinga 12:23 - MUKANDA USANDU WA ZAMBI 1975

²³ Haze hene mungelo wa Mwene wamulambile, mumu kachichimiekene Zambi; iye wafwile, wa kuliwa ni mavuno.

Mukanda Wa Zambi 1970

²³ Ha shimbu lizeliene, kanganda ka mwilu yamulamba, mumu kalemesene ko Zambi. Mavuno yamulia, yafwa kwenyi.

Yilinga 12:23 Iomraidhean Croise

1 MIANANGANA 19:35

Mba ha ufuku uze mungelo wa Yehova yatuhuka; yalamba mu chilombo cha A-Asuria kulakaji lia tununu ni makumi nake a tununu ni tununu atano. Muze akwo halaula chimenemene kumanyi eswe apwile afu.

2 Sango Ja Mianangana 32:21

Mba Yehova yatuma mungelo akapatule yitakame akwa hamu eswe, ni tusongo, ni tupitau mu chilombo cha mwanangana wa Asuria. Chocho yahiluka ni sonyi ku chifuchi chenyi. Mba ha kuheta ku zuwo lia zambi yenyi, waze asemukine ku mujimba wenyi mwene yamushihilako ni katana.

Jobe 19:26

Mba chipwe kowa lino lia yami hiliahwa, hindu mu musunya wami mungukamona Zambi.

Jobe 7:5

Musunya wami wafukiwa ni mavuno ni majilo. Kowa liami Hakukala, mba mulilokoka nawa.

Miaso (Masamu) 115:1

Yehova, hi yetu ko, hi yetu ko machichimieka, alioze jina lie linene, mumu ha utu wa zango lie ni umwenemwene we.

Kutuhuka 10:3

Mose ni Arone yaheta kuli Falau, yamba kuli iye ngwo, Chocho anambe Yehova, Zambi ya A-Hepreu, ngwenyi, Ndo mwiji muka kusolo kulilelesa kumeso jami? Echa atu jami aye, akangulingile.

Kutuhuka 12:12

Mumu te ha ufuku mungupalika ndusu chifuchi cha Engitu, mungulamba e tupula-majimo eswe mu chifuchi cha Engitu, ni kuli atu, ni kuli tushitu. Mungupatwila tuzambi tweswe twa Engitu. Yami Yehova.

Kutuhuka 12:23

Mumu Yehova makapalika ndusu mukulamba A-Engitu. Muze makamona e manyinga ha chikuli ni ha yipamba yiali ya ku chikolo, Yehova kumakazomboka che chikolo. Iye kechi katayiza chonwonyi kunjila mu mazuwo jenu akanulambe.

Kutuhuka 12:29

Mba ha muchima ufuku Yehova yalamba tupula-majimo eswe a mu chifuchi cha Engitu, chize kuli kapula-jimo wa Falau watwama ha ngunja yenyi ndo kuli kapula-jimo wa funge uli mu zuwo lia ususu, ni tupula-majimo a yimuna nawa.

Kutuhuka 9:17

Yena hindu hiwalinangamisa mukulimika ni atu jami, kusolo kwaecha kuya, nyi?

Yishima 12:8

Makachichimieka lunga nikulita ni mana jenyi; alioze makalelesa mukwa mbunge ya kupiya.

Izaya 14:11

Uhenya we haunungwina mu Shiole hamwe ni liji lia yisaji ye ya kusa. Mavuno mapwa chisalo che ni misangwinya kanyime ke.

Izaya 37:23

Yoze hiwachoka iya? Yoze hiwashililika iya? Hiwakalumioka nikutala chikandu meso je kulimika neya? Ngwami, Kulimika ni mwe Musandu wa Izalele.

Izaya 51:8

Mumu ndulu maalia ngwe uzalo, ni mavuno maalia ngwe wona wa panga; alioze ululi wami muupwa wa mutolo, ni ulamwino wami ku yisemuko yeswe.

Izaya 66:24

Makatuhuka akatale mijimba ya afu aze angukatukilile. Mumu vuno lio kechi kafwa, ni kahia ko kukechi kajima. Kumakapwa chuma cha kuvwisa lwaji kuli atu eswe.

Ezekiel 28:2

Mwana mutu, amba kuli mukwa kuyula Teru ngwe, Mwene Yehova kanambe ngwenyi, Mumu mbunge ye yinulengumuka hiwamba ngwe, Nguli umwe Zambi, ngunatwama ha chitwamo cha mazambi hakachi ka kalunga-lwiji; hindu uli mutu tuhu, hi uli zambi ko— chipwe unalimono ngwe mana je a umwe zambi.

Ezekiel 28:9

Mukalikoleza kwamba ngwe, Nguli zambi, kumeso ja waze makakushiha, chipwe uli mutu tuhu, hi uli zambi ko, mu moko ja waze anakulemeka, nyi?

Yilinga 12:22

Atu akalumiokene ngwo, Liji lia zambi umwe, hi lia mutu ko.

Yilinga 5:19

Alioze ha ufuku mungelo wa Mwene wazulwile mapito ja zuwo lia ususu, Waatwalile haze, wambile ngwenyi,

2 A-TESALONIKA 2:4

yoze malimika nikulinangamisa kwilu kulimika ni yize yeswe anayivuluka ngwo, Zambi, chipwe yize yeswe anayiwayila: chocho iye mwene matwama mu tembele ya Zambi, nikulilweza ngwenyi, Yami Zambi.

1 Samuel 25:38

Kwapalikile kumi lia matangwa mba Yehova yalamba Nabale, yafwa.