Yilinga 12:15 - MUKANDA USANDU WA ZAMBI 1975

¹⁵ O ambile kuli iye ngwo, Unazaluka. Alioze walihalwile ngwenyi, Chamwenemwene. O ambile ngwo, Mwe mungelo wenyi.

Mukanda Wa Zambi 1970

¹⁵ No ngwo: “Unazaluka!” Alioze iye yashindakenya ngwenyi: “Chamwenemwene mala!” Ayo ngwo: “Kali kanganda kenyi ka mwilu!”

Yilinga 12:15 Iomraidhean Croise

Ubutukilo 48:16

Mwe mungelo hanangupulula ku yipi yeswe, akawahise wano akweze, Jina liami likapwe muli ayo, ni jina lia atata Apalahama ni Izake. Akoke ndo mapwa chihuji hashi.

Jobe 9:16

Nyi namusanyika mba iye yatá, chichi kuhasa kufuliela ngwami liji liami anapanjika.

Mateu 18:10

Kanyamenu kuchina munulelesa umwe wa wano akepe: mumu ngunambe kuli yenu ngwami, Angelo jo mu malilu kakumona matangwa eswe meso ja Tata yoze uli mu malilu.

Marku 16:11

O muze evwile ngwo, Ni mwono ali, ni iye hamumona, kachifulieleleko.

Marku 16:14

Kulutwe walisolwele kuli e kumi ni kashi shimbu anatwama ku mesa; iye waámbilile, mumu kafulieleleko, ni mumu ha kukala cha mbunge, mumu kafulieleleko waze amumwene muze te hahinduka.

Luka 22:59

Kulutwe lia shimbu ngwe ola yimuwika, mukwo walihalwile ngwenyi, Chamwenemwene, ni yono nawa kapwanga hamwe nenyi; mumu iye Ka-Ngalileya.

Luka 24:11

Alioze maliji ano asotokele kuli ayo ngwe saki; o kaafulieleleko.

Yilinga 12:16

Alioze Petulu wanyongonwene kungongwela; o muze te hazulula, amumwene mba alishikishilile.

Yilinga 26:24

Shimbu machihanjika ha yino yuma ha kulisambisa chenyi, Fesetu yamba ni liji linene ngwenyi, Paulu, unazaluka; kulilongesa che chinji chinakuzalwisa.