Yilinga 11:27 - MUKANDA USANDU WA ZAMBI 1975

²⁷ Achi, ha matangwa ano aprofeta akatukile ku Yerusaleme nikupalumuka ku Andiakia.

Mukanda Wa Zambi 1970

²⁷ Ha matangwa waze, amwe akwa munanyi a Zambi yaatuhuka mu Yerusaleme, yaaya ku Antiokia.

Yilinga 11:27 Iomraidhean Croise

Mateu 23:34

Kashika mungutuma kuli yenu aprofeta ni akwa mana, ni akwa kusonyeka: amwe a kuli ayo munukaashiha nikwahachila ha kulusu; ni akwo a kuli ayo munukaalamba ni shikote mu masunangonga jenu, nikwahungumiona katu ku limbo ndo ku limbo,

Luka 11:49

Kashika nawa mana ja Zambi ambile ngwo, Mungukatuma kuli ayo aprofeta ni apostolo; mba amwe a kuli ayo makaashiha, nikwahungumiona;

Yilinga 11:20

Alioze apwile amwe a kuli ayo, malunga a ku Saipuru ni a ku Sairene, muze ahetele ku Andiakia, ahanjikile kuli A-Ngresia nawa, nikwambujola sango lipema lia Mwene Yesu Kristu.

Yilinga 11:22

Ni liji lia kutwala kuli ayo liahetele ku matwi ja chikungulwila chize chapwile ku Yerusaleme; o atumine Mbarnavwe akaye ndo ku Andiakia.

Yilinga 13:1

Achi, kwapwile mu Andiakia, mu chikungulwila chize chapwileko, aprofeta ni alongeshi, Mbarnavwe, ni Semone, yoze uli ni jina likwo ngwo, Naijere, ni Luseu Ka-Sairene, ni Manaene, yoze amulelele hamwe ni nguvulu Heronde, ni Saulu.

Yilinga 14:26

Kuze endele mu ulungu ku Andiakia, kuze aakuajikile kulu ku vumbi lia Zambi ha milimo yize te hayimanununa.

Yilinga 15:22

Hohene chapemenene apostolo ni makulwana, hamwe ni chikungulwila cheswe, kutongola malunga hakachi ko, ni kwatuma ku Andiakia hamwe ni Paulu ni Mbarnavwe. Atumine Yunda, jina lienyi, Mbarsavwa, ni Saila, akwa lutwe hakachi ka mandumbu;

Yilinga 15:30

Kashika, muze aashikile, apalumukine ku Andiakia; ni muze te hakungulula chizavu, aakunjikile mukanda.

Yilinga 15:32

Ni Yunda ni Saila, se o nawa aprofeta, ashinjilile atu ni maliji anji, nikwatakamisa.

Yilinga 18:22

Muze te haheta ku Sesarea, yakanduka, yameneka chikungulwila, yapalumuka ku Andiakia.

Yilinga 2:17

Kumuchikapwa ha matangwa a kusula, chocho anambe Zambi ngwenyi, Kumungukazukula Spiritu yami hali atu eswe; ni anenu a malunga ni anenu a mapwo kumakaprofeteza, ni akweze jenu kumakamona usolwelo, ni makulwana jenu kumakalota yilota:

Yilinga 21:4

Ni se twawanyine tumbaji, twasalileko matangwa shimbiali: waze ambile kuli Paulu ku tachi ja Spiritu ngwo, Kanda ukakanduka ku Yerusaleme.

Yilinga 21:9

Achi, yono wapwile ni anenyi a mapwo awana, waze kanda aya ulo, akwa kuprofeteza.

Yilinga 6:5

Liji lino Kapemenene chizavu cheswe: mba atongwele Eshetevau, lunga wa tò ni Ufulielo ni Spiritu Musandu, ni Fwilipe, ni Prokoru, ni Nikanore, ni Timau, ni Parmena, ni Nikolau, mukwa kutayiza wa ku Andiakia;

1 Korintu 12:10

kuli mukwo, kulinga cha yipupu; kuli mukwo, uprofeto: kuli mukwo, kusa chinyingi hakachi ka maspiritu; kuli mukwo, malimi eka ni eka; kuli mukwo, ulumbunwiso wa malimi:

1 Korintu 12:28

Zambi hanase amwe mu chikungulwila, chitangu apostolo, chamuchiali aprofeta, chamuchitatu alongeshi, kulutwe lia wano tachi ja yipupu, mba kulutwe yawana ya vumbi ya kuhindwisa, kukwasa, kutondekeza, malimi eka ni eka.

1 Korintu 14:32

Maspiritu ja aprofeta kakuzeyela kuli aprofeta.

Galashia 2:11

Muze Petulu ahetele ku Andiakia, nalimikine nenyi, meso ni meso mumu iye wahile.

Efesu 4:11

Iye hanahana amwe apostolo; ni amwe aprofeta; ni amwe akwa kwambujola; ni amwe tulayi ni alongeshi;