Yilinga 11:23 - MUKANDA USANDU WA ZAMBI 1975

²³ Iye, muze ahetele, ha kumona vumbi lia Zambi, wawahililile; waashinjile eswe hanga ni mbunge yeswe alalaminye kuli Mwene.

Mukanda Wa Zambi 1970

²³ Muze haheta ko, yamona chize Zambi awahishile akwa kufuliela. Neye yawahilila, yaatakamisa eswe ha kulalaminya Mwene Yesu ni mbunge yeswe.

Yilinga 11:23 Iomraidhean Croise

1 MIANANGANA 18:6

Mumu walalaminyine kuli Yehova; kalitwaminyine kumukaula; yafunga shimbi jenyi jize Yehova watumine kuli Mose.

Miaso (Masamu) 17:3

Hiuneseka mbunge yami. Hiunahete kuli yami ha ufuku. Hiunangweseka hindu kwawanyine nichimwe. Hinalisela ngwami, Kanwa liami kulichi kuvulumuna.

Yishima 23:15

Mwanami, nyi mbunge ye muyipwa ni mana, mba mbunge yami muyipwa ni chiseke, mbunge yino ya yami.

Yishima 23:28

Ewa kakujikinyina ngwe chingumba; kakwokesa akwa mafwefwe hakachi ka atu.

Daniel 1:8

Alioze Daniel yasa mbunge yenyi ngwenyi, Chichi kulichisa ni kulia chino chipema cha mwanangana, chipwe ni vinyu yino akunwa. Kashika yeta kuli unuku wa lutwe amutayize kanda alichisa.

Mateu 16:24

Hohene Yesu wambile kuli tumbaji twenyi ngwenyi, Kachi umwe mazanga kwiza kunyima yami, akalikale iye mwene, akazundule kulusu yenyi, angukaule.

Marku 2:5

Yesu ha kumona Ufulielo wo, yamba kuli mukwa kalepa ngwenyi, Mwanami, ngunakukonekena milonga ye.

Yoano 15:4

Twamenu muli yami, ni yami muli yenu. Chizechene ngwe mutango kuwahashile kwima mihuko ukawawo, shina muutwama mu vindera; chipwe yenu kunuchi kuhasa, shina munutwama muli yami.

Yilinga 13:43

Muze te akwa sunangonga halimwanga, A-Yunda anji ni akwa kutayiza akuwayila akawile Paulu ni Mbarnavwe, o nikuhanjika kuli ayo, aakunwine kunyongonona mu vumbi lia Zambi.

Yilinga 14:22

Nikutakamisa tumbaji, nikwashinjila kunyongonona mu Ufulielo, ngwo, Ku luyinda munji chatutamba kunjila mu wanangana wa Zambi.

Yilinga 14:26

Kuze endele mu ulungu ku Andiakia, kuze aakuajikile kulu ku vumbi lia Zambi ha milimo yize te hayimanununa.

Yilinga 15:40

alioze Paulu watongwele Saila, wakatukile, se mandumbu hamukunjika ku vumbi lia Mwene.

Yilinga 20:24

Alioze chishi kunyonga mwono wami ngwe chuma chilemu kuli yami mwene, hanga ngukamanunune jila yami ni uwahililo, ni uvumbiko uze natambwile kuli Mwene Yesu, kushindakenya chikolo sango lipema lia vumbi lia Zambi.

Yilinga 20:32

Haliapwila ngunanukunjika kuli Zambi, ni ku liji lia vumbi lienyi, lize Unahase kunukolesa, nikunwaha chihinga hakachi ka waze hanaasela ku usandu.

Yilinga 4:36

Ni José, yoze amulukile jina likwo kuli apostolo ngwo, Mbarnavwe, (linalumbunuka ngwo, Mukwa kulembejeka), Ka-Levi, mukwa Saipuru ku munyachi wenyi,

A-ROMA 12:8

hanji yoze wakushinjila maliji, akashinjile; yoze wakulianyina, akahane nikuvungumiona; ni yoze wakusongwela asongwele ni mbunge yeswe; yoze wakulweza keke, akalweze keke nikusehejela.

1 Korintu 15:58

Kashika, mandumbu jami a zango, jikizenu, kanda nukokoloka, nukahiane matangwa eswe mu milimo ya Mwene, mumu te nunanyingika, kukilikita chenu hi chamokomoko ko muli Mwene.

2 Korintu 1:17

Kashika muze nahalile chocho, nalingile ni lwelia, nyi? Hanji yuma yize mungupala, munguyipala nikulita ni musunya, hanga kuli yami yikapwe ewa, ewa, ni ka, ka, nyi?

2 Korintu 6:1

Ni yetu nawa, ngwe ngamba-ni-akwenu, tunaliumbu kuli yenu ngwetu, Kanda nutambula vumbi lia Zambi mokomoko.

Shimbi 10:20

Nukavwile woma Yehova Zambi yenu, nukamuvumbike iye, nukamulalaminye, nukalishinge ni jina lienyi.

Shimbi 30:20

Mukuzanga Yehova Zambi yenu, mukuzeya ku liji lienyi, mukumulalaminya, mumu iye mwono wenu, ni kwoka cha matangwa jenu, hanga nutwame mu chifuchi Yehova walishingile kuli tulamba twenu, kuli Apalahama, ni kuli Izake, ni kuli Yakomba, akaahecho.

Kolosu 1:6

Lienalio hilineza kuli yenu, chizechene ngwe hilineza hano hashi heswe mukwima mihuko, nikutatuka chizechene ngwe muli yenu nawa, chize ku tangwa lize nwaliangile kwivwa ni kunyingika liakulu vumbi lia Zambi;

2 Timoteu 3:10

Alioze hiunakaula kulongesa chami, ni kwenda chami, ni upale wami, ni Ufulielo wami, ni uhomboloji wami, ni zango liami, ni kunyongonona chami,

Yoshua 22:5

Ononokenu kufunga shimbi ni yiyulo yize Mose kavumbi ka Yehova wanutumine, nukazange Yehova Zambi yenu, nukende mu majila jenyi eswe, nukafunge yiyulo yenyi, nukalalaminye kuli iye, nukamulingile ni mbunge jenu jeswe ni alma jenu jeswe.

Yoshua 23:8

Alioze lalaminyenu kuli Yehova Zambi yenu chizechene hinwalinga musono.

1 Petulu 5:12

Ku kwoko lia Selevwanu, ndumbu wamwenemwene, chocho ngunamumono, hinasoneka kuli yenu ni maliji akehe, nikushinjila nikushindakenya chikolo ngwami, Lino lie vumbi liamwenemwene lia Zambi: manenumo ngú.

1 Yoano 2:28

Haliapwila, ana akepe, twamenu muli iye; hanga muze makamusolola, tukapwe ni hamu, kutuchi kevwa sonyi kumeso jenyi ha kuheta chenyi.

3 Yoano 1:4

Uwahililo wahiana uno chishi nawo shina kwivwa hali ana jami ngwo, Kanende mu umwenemwene.

Yuda 1:4

Mumu amwe atu aliombele nikunjila ku tenga, waze ku shakulu aavulukile Shimbu-kanda ha uhiso uno, yitanganyanyi, waze akwalumuna vumbi lia Zambi ujila, kakulikata Mwata wetu umuwika, kanda Mwene wetu Yesu Kristu.