Yilinga 11:22 - MUKANDA USANDU WA ZAMBI 1975

²² Ni liji lia kutwala kuli ayo liahetele ku matwi ja chikungulwila chize chapwile ku Yerusaleme; o atumine Mbarnavwe akaye ndo ku Andiakia.

Mukanda Wa Zambi 1970

²² Sango jino jahetele ku Chikungulwila cha Yerusaleme, mba yaatuma Barnaba ku Antiokia.

Yilinga 11:22 Iomraidhean Croise

Yilinga 11:1

Achi, apostolo ni mandumbu waze apwile mu Yundeya evwile ngwo, Akwa mavungu nawa hatambula Liji lia Zambi.

Yilinga 11:19

Achi, waze amwanganyine ha luyinda yoze wapwile mumu hali Eshetevau, apalikile ndusu mu chifuchi ndo ku Fwenishia, ni Saipulu, ni Andiakia, kahanjikile liji kuli hiumwe shina kuli A-Yunda wika.

Yilinga 11:20

Alioze apwile amwe a kuli ayo, malunga a ku Saipuru ni a ku Sairene, muze ahetele ku Andiakia, ahanjikile kuli A-Ngresia nawa, nikwambujola sango lipema lia Mwene Yesu Kristu.

Yilinga 11:26

muze te hamuwana, wamutwalile ku Andiakia. Mba ha mwaka wa muwundu akungulukile hamwe ni akwa chikungulwila, nikulongesa mbunga yinene; ni ku Andiakia hatangu alukile tumbaji ngwo, Akwa Kristu.

Yilinga 11:27

Achi, ha matangwa ano aprofeta akatukile ku Yerusaleme nikupalumuka ku Andiakia.

Yilinga 15:2

Muze te kashika Paulu ni Mbarnavwe halimika no chikolo, nikulihangujola no, atongwele Paulu ni Mbarnavwe, ni amwe akwo a kuli ayo, akanduke ku Yerusaleme kuli apostolo ni makulwana ha chihula chino.

Yilinga 15:22

Hohene chapemenene apostolo ni makulwana, hamwe ni chikungulwila cheswe, kutongola malunga hakachi ko, ni kwatuma ku Andiakia hamwe ni Paulu ni Mbarnavwe. Atumine Yunda, jina lienyi, Mbarsavwa, ni Saila, akwa lutwe hakachi ka mandumbu;

Yilinga 18:22

Muze te haheta ku Sesarea, yakanduka, yameneka chikungulwila, yapalumuka ku Andiakia.

Yilinga 6:5

Liji lino Kapemenene chizavu cheswe: mba atongwele Eshetevau, lunga wa tò ni Ufulielo ni Spiritu Musandu, ni Fwilipe, ni Prokoru, ni Nikanore, ni Timau, ni Parmena, ni Nikolau, mukwa kutayiza wa ku Andiakia;

Yilinga 8:14

Muze apostolo waze apwile mu Yerusaleme evwile ngwo, A-Samaria hatambula liji lia Zambi, atumine kuli ayo Petulu ni Yoano;

Yilinga 9:27

Alioze Mbamavwe wamutwalile, wamunehene kuli apostolo, wambulwile kuli ayo ngwe hanamono Mwene mu jila, hanahanjika kuli iye, ni ngwe mu Ndamaseku hanahanjika ni hamu mu jina lia Yesu.

Galashia 2:11

Muze Petulu ahetele ku Andiakia, nalimikine nenyi, meso ni meso mumu iye wahile.

1 Tesalonika 3:6

Alioze muze te Timoteu heza kuli yetu ha kukatuka kuli yenu, hatwambulwila sango lipema lia Ufulielo wenu ni zango lienu, ngwe nwakutwiwuluka ni vumbi matangwa eswe, nikwivwa usona wa kutumona, chizechene ngwe yetu nawa twakwivwa usona kunumona.