Yilinga 11:16 - MUKANDA USANDU WA ZAMBI 1975

¹⁶ Mba newulukile liji lia Mwene, ngwe ambile ngwenyi, Yoano chamwenemwene wapapachishile mu meya; alioze kumakanupapachisa muli Spiritu Musandu.

Mukanda Wa Zambi 1970

¹⁶ Mba yingwiwuluka liji lize ambile Mwene Yesu ngwenyi. ‘Yoano wapapachishile ni meya, alioze yenu makanupapachisa ni Mwiku wa Linanga.’

Yilinga 11:16 Iomraidhean Croise

Yishima 1:23

Muze mungunukanjisa, hialumukenu. Mungusolola kuli yenu manyonga jami. Mungununyingikisa maliji jami.

Ezekiel 36:25

Mungukanusapwila meya apema mba munukapema ku luchisa wenu mweswe. Mungukanupemesa ku mahamba jenu eswe.

Joele 2:28

Mba kulutwe mungukazukula Spiritu yami hali atu eswe. Ana jenu a malunga ni a mapwo makaprofeteza. Makulwana jenu a malunga makateta yilota, ni akweze jenu makamona usolwelo.

Joele 3:18

Ha tangwa lize milundu muyikasutwoka vinyu yipema, ni mindundena muyikapukumuna yamwa. Yitwetwe yeswe ya Yunda muyikazala ni meya. Mba fuji limwe mulikapukukila mu zuwo lia Yehova nikutuchikisa chana cha Shitime.

Mateu 3:11

Yami chamwenemwene ngunanupapachisa mu meya nulikonyeke: alioze yoze meza kunyima yami kakangana kuhiana yami, haku jenyi chatelele kujimbata: iye kumakanupapachisa muli Spiritu Musandu ni mu kahia:

Mateu 3:6

waapapachishile mu lwiji Yordau, o nikushikisa milonga yo.

Marku 1:8

Yami chamwenemwene hinanupapachisa mu meya; alioze iye makanupapachisa muli Spiritu Musandu.

Luka 24:8

O ewulukile maliji jenyi.

Luka 3:16

Yoano waakumbulwile eswe, ngwenyi, Yami chamwenemwene, nakunupapachisa mu meya; alioze kumeza yoze wakangana kuhiana yami, yoze lusapo wa ku haku jenyi chatelele kumujitula; iye kumakanupapachisa muli Spiritu Musandu ni mu kahia.

Yoano 1:26

Yoano waakumbulwile ngwenyi, Yami nakupapachisa mu meya; alioze umwe kanamana mukachi kenu, yoze kunwamunyingikine,

Yoano 1:33

Ami chamunyingikine; alioze yoze wangutumine mukupapachisa mu meya, wambile kuli yami ngwenyi, Hali mweswawo mukamona Spiritu kanahulumuka nikutwama hali iye, mwenawo yoze mapapachisa muli Spiritu Musandu.

Yoano 14:26

Alioze Chikwashi, iye Spiritu Musandu, yoze Tata makatuma mu jina liami, iye kumakanulongesa yuma yeswe, makanwiwulwisa yuma yize nambile kuli yenu.

Yoano 16:4

Alioze yino yuma hinahanjika kuli yenu, hanga muze mwaka wayo hiweza, nukewuluke, ngwe nanwambulwilile. Ni yino yuma chambile kuli yenu chize ku uputukilo, mumu napwile hamwe ni yenu.

Yilinga 1:5

mumu, Yoano chamwenemwene wapapachishile mu meya; alioze kumakanupapachisa muli Spiritu Musandu, kulutwe lia matangwa akepe.

Yilinga 20:35

Mu yuma yeswe nanuhele cheseko, ngwe nikukilikita chocho, Chanutamba kukwasa akwa ulelu, nikwiwuluka maliji a Mwene Yesu, iye mwene wambile ngwenyi, Chinawaha kutambula alioze Shinaho kuhana.

1 Korintu 12:13

Mumu muli Spiritu umuwika hanatupapachisa yetu eswe mu mujimba umuwika, chipwe A-Yunda, chipwe A-Ngresia, chipwe ndungo, chipwe enya chifuchi, hanatunwisa muli Spiritu umuwika.

2 Petulu 3:1

Akwetu a zango, uno mukanda wamuchiali ngunasoneka kuli yenu; mu yeswe yiali ngunakasumuna kunyonga chenu cha kutuwika ha kunwiwulula.