Yilinga 10:9 - MUKANDA USANDU WA ZAMBI 1975

⁹ Muze hikwacha shimbu wano apwile mu jila, machikundama ku limbo, Petulu wakandukile helu lia zuwo mukulemba, ngwe ha ola amuchisambano:

Mukanda Wa Zambi 1970

⁹ Muze hikwacha, shimbu te achili mu jila hakamwihi ni Jope, ngwe tangwa ha muchima, Petulu yakanduka ha fulumba lia zuwo mu kulemba.

Yilinga 10:9 Iomraidhean Croise

2 Samuel 11:2

Ha ngoloshi David yakatuka ha muhela wenyi, yaya nikwolola molu ha fulumba lia zuwo lia mwanangana. Ku fulumba yamona pwo umwe kanasane. Mwe pwo te mupema chikolo ku meso.

Miaso (Masamu) 55:17

Ha chingoloshi, ni ha chimene, ni ha mwalwa mungulinyenga ni mikuma, mba iye mevwa liji liami.

Jeremia 19:13

Mazuwo a Yerusaleme ni mazuwo ja mianangana ja Yunda maachisa ngwe chihela cha Tofete, mazuwo aze eswe ha mafulumba jo hochela insensu ku mbunga yeswe ya mwilu, ni kuzuza milambu ya kunwa ku mazambi akwo.

Jeremia 32:29

A-Kaletea wano anase jita ni chihunda chino meza ni kuchocheka kahia ni kuchocha hamwe ni mazuwo haze hanalambwila insensu ha mafulumba kuli Mbale, ni kuzuza milambu ya kunwa kuli mazambi eka akangwihie.

Daniel 6:10

Daniel muze hanyingika ngwenyi, Hasa jina ku mukanda uze, yaya ku zuwo lienyi kuze te kali ni njanela mu chipatulo cha mwilu ya washi ya kutalikisa ku Yerusaleme. Yazondama ha makungunwa jenyi ni kulemba ni kusakwila kuli Zambi yenyi katatu ha tangwa chizechene ngwe wapwile nikulinga kulu.

Zefania 1:5

waze ha mafulumba kakulihetamina ku mbunga ya mwilu; waze akulihetamina nikulishinga ni Yehova, hindu kakulishinga ni Malekame,

Mateu 20:5

Cheka nawa watuhukile ngwe ha ola yamuchisambano ni yamuchilivwa chizechene.

Mateu 24:17

yoze mapwa helu lia zuwo, kanda akasunuka mukuchiza yuma yize yili mu zuwo lienyi:

Mateu 27:45

Achi, chize ku ola yamuchisambano kwapwile milima hashi heswe ndo ku ola yamuchilivwa.

Mateu 6:6

Alioze yena muze mulemba, njila mu chipatulo che cha muchima, ni muze hiwájila pito lie, ukalembe kuli Tatenu yoze uli ku tenga, ni Tatenu yoze wakumona ku tenga, kumakakukundulula.

Marku 1:35

Ha chimenemene, shimbu kuchili milima, wahindukile, watuhukile, wayile kuma ku puya, walembeleleko.

Marku 6:46

Ni muze te hashika no, wayile ku mulundu mukulemba.

Yilinga 10:3

Ha ola yamuchilivwa ya mwalwa wamwene zwalala mu usolwelo, mungelo wa Zambi, kananjila kuli iye, nikwamba kuli iye ngwenyi, Koneliu.

Yilinga 6:4

Alioze yetu mutunyongonona kulemba ni ku uvumbiko wa liji.

Efesu 6:18

Lembenu matangwa eswe ni kuliumba cheswe ni kuliondela cheswe muli Spiritu, nikulayilako, ni kunyongonona cheswe, nikuliumba hali asandu eswe.

1 Timoteu 2:8

Ngunazange malunga akalembe kweswako, nikuzundula moko asandu, keshi utenu hanji kuyambashana.

1 Samuel 9:25

Muze hakatuka ku nangamo heza nawa mu chihunda, yalishimwinya ni Saulu helu lia zuwo.