Yilinga 10:41 - MUKANDA USANDU WA ZAMBI 1975

⁴¹ hi kuli atu eswe ko, alioze kuli yela waze Zambi waatongwele kushi, yetu twalile, twanwine hamwe nenyi muze te hahinduka hakachi ka afu.

Mukanda Wa Zambi 1970

⁴¹ hi kuli Ayuda eswe ko, alioze kuli yetu waze Zambi atongwele hatangu ngwe yela. Twalile, twanwine hamwe nenyi muze te hahinduka ku kufwa.

Yilinga 10:41 Iomraidhean Croise

Luka 24:30

Muze te hatwama ku mesa hamwe no, wanjile mbolo, wayiwahishile; iye nikuyipalula waaheleyo.

Luka 24:48

Yenu nuli yela ja yino yuma.

Yoano 14:17

Iye Spiritu ya umwenemwene: mwenawo akwa hashi kahashile kumutambula; mumu keshi kumumona, chipwe keshi kumunyingika; alioze yenu nwakumunyingika; mumu katwama hamwe ni yenu, iye kumakapwa muli yenu.

Yoano 14:19

Shimbu likepe wika ni akwa hashi kechi kangumona; alioze yenu munungumona: se yami nguli ni mwono, ni yenu nawa kumunukapwa ni mwono.

Yoano 14:22

Yundase (hi Ka-Keriote ko), yamba kuli iye ngwenyi, Mwene, ngwe kuchi mulisolola kuli yetu, hi kuli akwa hashi ko?

Yoano 15:16

Yenu kunwangutongwele, alioze yami nanutongwele, nanufunjikile, hanga nukaye, nukeme mihuko, hanga mihuko yenu yi-kalinduluke; hanga cheswacho munwita kuli Tata mu jina liami, akanwehecho.

Yoano 15:27

ni yenu nawa nwakushindakenya, mumu kunwapwa hamwe ni yami chize ku uputukilo.

Yoano 21:13

Kashika Yesu yakundama, yanda mbolo, yahana kuli ayo, ni tuyishi chizechene.

Yilinga 1:22

putu ku upapachiso wa Yoano ndo ku tangwa lize amuchijile kuli yetu amutambule mwilu, chatamba umwe wa kuli wano akapwe chela hamwe ni yetu cha Uhindukilo wenyi.

Yilinga 1:4

Iye, nikukunguluka hamwe no, waahele koki ngwenyi, Kanda nukakatuka ku Yerusaleme, alioze nukatwaminyine chilakenyo cha mwe Tata, chize ngwenyi, Nwevwile kuli yami:

Yilinga 10:39

Yetu tuli yela ja yuma yize yeswe alingile, ni mu chifuchi cha A-Yunda, ni mu Yerusaleme; iye amushihile, nikumuzezeleka ha mutondo.

Yilinga 13:31

iye wamonekene matangwa anji kuli waze akandukile hamwe nenyi ku Ngalileya, ndo ku Yerusaleme, aze haliapwila anapu yela jenyi kuli atu.