Yilinga 10:40 - MUKANDA USANDU WA ZAMBI 1975

⁴⁰ Alioze Zambi wamuhindwishile ha tangwa liamuchitatu, wamusolwele pundu;

Mukanda Wa Zambi 1970

⁴⁰ Alioze Zambi yamuhindwisa ku kufwa ha tangwa lia muchitatu, mba yamusolola ni mwono,

Yilinga 10:40 Iomraidhean Croise

Yoano 14:22

Yundase (hi Ka-Keriote ko), yamba kuli iye ngwenyi, Mwene, ngwe kuchi mulisolola kuli yetu, hi kuli akwa hashi ko?

Yilinga 17:31

Mumu te hanasela tangwa muze makapatwila akwa yifuchi yeswe ya hashi mu ululi kuli yoze lunga hanamuselacho; ha chino hanahana chinyingi kuli atu eswe, se hanamuhindwisa hakachi ka afu.

Yilinga 2:24

mwenawo Zambi hanamuhindwisa, nikukasulula yikola ya kufwa, mumu te kahashile kukwachika ni tachi jacho.

Yilinga 2:32

Yono Yesu, Zambi hanamuhindwisa, hali iye yetu eswe tuli yela.

A-ROMA 1:4

amwinyikine iye mwe Mwana Zambi ni tachi, nikulita ni Spiritu ya usandu, ha Uhindukilo wenyi hakachi ka afu, iye Yesu Kristu Mwene wetu;

A-ROMA 14:9

Mumu ha chino Kristu yafwa, yahinduka, yatwama ni mwono cheka nawa, hanga akapwe Mwene wa eswe aali, ni wa afu ni wa a mwono.

A-ROMA 8:11

Alioze kachi Spiritu ya yoze wahindwishile Yesu hakachi ka afu watwama muli yenu, kachi yoze wahindwishile Kristu Yesu hakachi ka afu, makapwisa ni mwono nawa mijimba yenu ya kufwa mumu hali Spiritu yenyi yoze watwama muli yenu.

2 Korintu 4:14

tunanyingika yoze wahindwishile Mwene Yesu Kristu, makatuhindwisa yetu nawa hamwe ni Yesu, kumakatuhetesa kumeso jenyi hamwe ni yenu.

Hebreu 13:20

Haliapwila Zambi ya sambukila, yoze wachijile cheka nawa hakachi ka afu Mwene wetu Yesu, mwe kafunga munene wa mapanga, ku manyinga ja usendo wa mutolo,

1 Petulu 1:21

Yenu, kuli iye nwakufuliela Zambi, yoze wamuhindwishile hakachi ka afu, wamuhele uhenya; hanga Ufulielo wenu ni kutalatala chenu chikapwe muli Zambi.