Yilinga 10:4 - MUKANDA USANDU WA ZAMBI 1975

⁴ Iye, nikumuhulikila meso, wa tò ni woma, wambile ngwenyi, Kuchi Mwene? Wambile kuli iye ngwenyi, Kulemba che ni kuhana che hichinazezuka ngwe Chiwulwiso kumeso ja Zambi.

Mukanda Wa Zambi 1970

⁴ Neye yamutala ni woma, yamuhula ngwenyi: “Mwene kuchi?” Kanganda ngwenyi: “Zambi hatayiza yilemba ye ni yawana yize wakuhana kuli yiswale, hakwiwuluka.

Yilinga 10:4 Iomraidhean Croise

2 Sango Ja Mianangana 32:24

Ha matangwa aze Hezekia yayiza musongo wa kufwa. Yalemba kuli Yehova, mba yamukumbulula, yamwaha chilayi.

2 Sango Ja Mianangana 6:33

hipanjika yena mwilu amo watwama, ukalinge nikulita ni chize chilambala anakulembela, hanga mavungu eswe a hashi anyingike jina lie, akakuvwile woma ngwe atu je A-Izalele akukuvwilawo, akanyingike zuwo lino hinatunga hanaliluku jina lie.

Miaso (Masamu) 141:2

Kulemba chami chikalite kumeso je ngwe insensu. Muze munguzundula moko jami chikapwe ngwe mulambu wa chingoloshi.

Miaso (Masamu) 20:3

Akewuluke milambu ye yeswe; atambule yitapo ye ya kulumba.(Litulike.)

Izaya 43:26

Nungwiwulule tukasope; lumbununenu chikuma chenu nukasambe.

Izaya 45:19

Chahanjikile ku tenga, mu chifuchi chimwe cha milima. Chambile kuli ana ja Yakomba ngwami, Ngufupenu homa ha hululu. Yami Yehova nakuhanjika umwenemwene, nakwambulula chize chinalite.

Daniel 10:11

Yamba kuli yami ngwenyi, Daniel, mutu wa kuzanga chikolo, panjika kanawa ku maliji jami kuli yena. Mana ha molu je mumu haliapwila hangutuma kuli yena. Shimbu machihanjika liji lino ni yami, yingumana nikuchikima.

Alevi 2:2

Akaunehe kuli asasendote, ana ja Arone. Akazomoneko kwoko lienyi lia wunga wafufunuka, ni chihanda cha maji, ni ye libano yeswe. Mwe sasendote akalumbe ha chilumbilo Chiwulwiso chayo chikapwe mulambu wa kahia, wa lupembo mupema kuli Yehova.

Malaki 3:16

Henaho waze evwilile woma Yehova ahanjikile kanji umwe kuli mukwo ni mukwo; ni Yehova waapanjikile, wavwile, mba yasoneka mukanda wa kwiwuluka kumeso jenyi wa waze evwilile woma Yehova, nikunyonga ha jina lienyi.

Mateu 26:13

Pundu ngwami, Kweswako makambujola sango lino lipema hashi heswe, chize nawa yono pwo halinga, kumakachambulula hali iye, hanga akamwiwuluke.

Luka 1:29

Alioze walipikalile chikolo ha liji lienyi, wanyongene chize kumeneka chino muchipwa.

Luka 24:5

Ni shimbu achili ni woma, nikuhetamina hashi, o ambile kuli ayo ngwo, Kuchi te nunafupu mukwa mwono hakachi ka afu?

Yilinga 10:31

Yamba ngwenyi, Koneliu, hanapanjika ku kulemba che, ni kuhana che hichinazezuka ngwe Chiwulwiso kumeso ja Zambi.

Yilinga 14:9

Yono wevwile Paulu kuhanjika: mwenawo wamuhulikilile meso, wamumwene ngwe kali ni Ufulielo amuhindwise.

Yilinga 22:10

Mba nambile ngwami, Kuchi mungulinga, Mwene? Mwene wambile kuli yami ngwenyi, Katuka, uye ku Ndamaseku; kuze kumakakwambuwila ha kutwala ku yuma yize yeswe hanakuselayo kulinga.

Yilinga 3:4

Petulu hamwe ni Yoano, wamuhulikilile meso, wambile kuli iye ngwenyi, Tala kuli yetu.

Filipu 4:18

Alioze yuma yeswe nguli nayo; nguli nayo ya kulumbama: ngunazala tò, se natambwile kuli Epafwonditu yuma yize nwatumine, lupembo mupema, chitapo cha kupemena chikolo kuli Zambi.

Filipu 4:6

Kanda nukalipikala ha nichimwe; alioze ha yuma yeswe ku kulemba ni kuliumba hamwe ni kusakwila, kwita chenu akachinyingike kuli Zambi.

Hebreu 13:16

Alioze kulinga yipema, ni kulianyina, kanda nuvulama; mumu ni yitapo ngwe yino Zambi kakuwahilila chikolo.

Hebreu 6:10

Mumu Zambi hi chihenge ko, akavulame milimo yenu ni zango lize nwalwezele ku jina lienyi, se nwavumbikile asandu, se nuchili ni kwavumbika.

Usolwelo 8:4

Ni mwishi wa insensu, hamwe ni yilemba ya asandu, yandukile kumeso ja Zambi ku kwoko lia mungelo.

1 Samuel 3:10

Yehova yeza, yamana, yasanyika ngwe majila akwo ngwenyi, Samuel, Samuel. Mba Samuel yamba ngwenyi, Amba mumu kavumbi ke kanapanjika.