Yilinga 10:38 - MUKANDA USANDU WA ZAMBI 1975

³⁸ ngwami, Yesu wa ku Nazare, ngwe amuwayishile ni maji kuli Zambi ni Spiritu Musandu ni tachi: iye wendele nikulinga yipema, nikuhindwisa waze eswe aamwesene lamba kuli Ndiapu; mumu Zambi wapwile hamwe nenyi.

Mukanda Wa Zambi 1970

³⁸ Ngwami, yikuma ya Yesu wa ku Nazare, ngwe chize Zambi hanamuwayisa ni Mwiku wa Linanga ni tachi. Yesu hanendangana kweswe ni kulinga yibema, ni kuwuka eswe waze amwesene lamba kuli Sakwonga, Yesu yabwa ni tachi ja kuchilinga mumu te Zambi kali hamwe nenyi.

Yilinga 10:38 Iomraidhean Croise

2 Sango Ja Mianangana 17:9

Wano alongesele mu Yunda, no ambachile mukanda wa shimbi ya Yehova hamwe no. Yajingajinga mu yihunda yeswe ya Yunda nikulongesa hakachi ka atu.

Miaso (Masamu) 2:2

Mianangana a hashi kakulilonga; akwa kuyula kakutwama punga ya kulimika ni Yehova ni yoze amuwayishile ni maji kuli iye, ngwo,

Miaso (Masamu) 2:6

Hindu yami hingunawayisa ni maji mwanangana wami ha Zaione, we mulundu wami lisandu.

Miaso (Masamu) 45:7

Kuwazanga ululi; kuwavwila kole ungulungulu; kashika Zambi, Zambi ye, hanakuwayisa ni maji a uwahililo helu lia akwenu.

Izaya 11:2

Spiritu ya Yehova makahwimina hali iye, Spiritu ya malinjekela ni yinyingi, Spiritu ya yiyulo ni ndundo, Spiritu ya mana ni woma wa Yehova.

Izaya 42:1

Talenu kavumbi kami yoze ngunamukundwiza, yoze wa kusakula kuli yami, mbunge yami yinawahilila muli iye. Hinamusa Spiritu yami, kumakasolola ululi kuli akwa mavungu.

Mateu 12:15

Alioze Yesu ha kuchinyingika wayile kweka, ni mbunga jinji amukawile; waawukile eswe.

Mateu 12:28

Alioze kachi yami ni tachi ja Spiritu ya Zambi nakutuhwisa andemoniu, kachi wanangana wa Zambi hiuneza hali yenu.

Mateu 9:19

Yesu wakatukile, wamukawile hamuwika ni tumbaji twenyi.

Mateu 9:35

Mba Yesu wayile nikujingajinga ku membo eswe, ni ku yihunda yeswe, nikulongesa mu masunangonga jo, nikwambujola sango lipema lia wanangana, nikuwuka misongo yeswe ni weji weswe mukachi ka atu.

Marku 6:6

Wakomokene mumu te kafulieleleko. Iye wapwile nikujingajinga ku yihunda nikulongesa.

Luka 3:22

Ni Spiritu Musandu wahulumukine hali iye nikusoloka ni mujimba, ngwe katele, ni liji liatuhukile mwilu, ngwo, Mwanami yena, ngunakuzange; muli yena ngunawahilila chikolo.

Luka 4:18

Spiritu ya Mwene hwali hali yami, Mumu hananguwayisa ni maji kwambujola sango lipema kuli yiswale; Kuhindwisa waze akumakuka ku mbunge; Hanangutumu kwambujola utuswilo kuli funge, Kulawisa cha meso kuli tupuputa; Kutusula waze ali mu upinjilo.

Luka 9:42

Alioze shimbu te achili nikwiza, ndemoniu wamulimbwile, wamutunyishine chikolo. Yesu wakanjishile Spiritu ya luchisa, wahindwishile mwana-lunga, wamuhilwishile kuli tato.

Luka 9:56

mumu mwe Mwana Mutu kejile mukwonwona mwono wa atu alioze mukuulamwina. O ayile ku chihunda chikwo.

Yoano 10:32

Yesu waakumbulwile ngwenyi, Yitanga yinji yipema hingunanulweze ya kuli Tata; ha chitanga chika cha yize munungwashila mawe?

Yoano 16:32

Talenu, ola muyiza, ewa, hiyeza, muze munukamwangana mweswe kuli nienyi mwene, munukanguhichika ukawami; hindu yami hi nguli ukawami ko, mumu Tata hwali hamwe ni yami.

Yoano 3:2

Iye wayile kuli Yesu ha ufuku, wambile kuli iye ngwenyi, Longeshi, tunanyingika yena uli longeshi unakatuka kuli Zambi; mumu niumwe mahasa kulinga yilayi yize yena wakulinga shina Zambi mapwa hamwe nenyi.

Yoano 3:34

mumu yoze Zambi hanamutumu kakuhanjika maliji a Zambi: mumu keshi kuhana Spiritu ku njongo.

Yoano 6:27

Kanda nukalinga milimo ha kulia chize cha kutoka, alioze nukalinge milimo ha kulia chize chili ni mwono wa mutolo, chenacho mwe Mwana Mutu makanwaha: mumu iye, Zambi mwe Tata hanamujiki ni Chijikilo.

Yilinga 10:37

Liji lize nunanyingika yenwene ngwami, Lize liafumanyine ndusu mu Yundeya mweswe, nikuputuka ku Ngalileya, chize ku upapachiso uze ambujolele Yoano;

Yilinga 2:22

Yenu A-Izalele, ivwenu maliji ano: Yesu Ka-Nazare, lunga ashindakenyene kuli Zambi ni yipupu ni yipekesa, ni yilayi yize Zambi walingile ku kwoko lienyi mukachi kenu, chizechene ngwe nunanyingika yenwene;

Hebreu 1:9

Hiunazange ululi, ni ungulungulu wakukupihila; kashika Zambi, iye Zambi ye, hanakuwayisa ni maji a kulikwiza kuhiana akwenu.

1 Petulu 5:8

Keyelenu, lenu; mumu mukwa kole yenu ndiapu, ngwe ndumba wa kuhanjika lundunjila kakwendangana nikufupa yoze mahasa kumuumbula.

1 Yoano 2:20

Ni yenu kuwayisa nuli nacho cha kuli mwe Musandu, nunanyingika yuma yeswe.

1 Yoano 3:8

Yoze wakuvulumiona iye wa kuli Ndiapu; mumu chize ku uputukilo Ndiapu kakuvulumiona. Mumu ha chino hanasolola mwe Mwana Zambi hanga akonwone yitanga ya Ndiapu.