Yilinga 10:35 - MUKANDA USANDU WA ZAMBI 1975

³⁵ alioze mu mavungu eswe yoze wakumuvwila woma, wakulinga ululi, kakupemena kuli iye.

Mukanda Wa Zambi 1970

³⁵ Mweswawo wakumusa vumbi ni wakulinga ululi, kakumutambula, chibwe wa ku vungu lieswaho.

Yilinga 10:35 Iomraidhean Croise

Jobe 28:28

Mba wambile kuli mutu ngwenyi, Tala, woma wa Yehova, e mana aze ene. Kukatuka ku yuma yipi, che chinyingi chenacho.

Miaso (Masamu) 111:10

Woma wa Yehova, we uputukilo wa mana. Waze eswe akulinga nikulita, malinjekela akwete. Uhaliso wenyi kuwalinduluka wa mutolo.

Miaso (Masamu) 19:9

Woma wa Yehova upema, kuwakulinduluka ku miaka ya mutolo. Upatwilo wa Yehova wamwenemwene, weswe wa ululi.

Miaso (Masamu) 85:9

Chamwenemwene ulamwino wenyi hakamwihi uli ni waze akumuvwila woma, hanga ulemu ukapwe mu chifuchi chetu.

Yishima 1:7

Woma wa Yehova we uputukilo wa yinyingi, ahoze yihepuke kakulelesa mana ni kufumba.

Yishima 16:6

Utu wa zango ni umwenemwene kuyakufwetela uhenge; ku woma wa Yehova atu kakuchina yipi.

Yishima 2:5

mba muosa chinyingi we woma wa Yehova muwana chinyingi cha Zambi.

Yishima 3:7

Kanda ulimona mukwa mana kuhiana; pwako ni woma wa Yehova ukatewuluke ku yipi.

Longeshi 12:13

Songo lia chikuma; cheswe twachivwa. Vwila woma Zambi, ni kufunga shimbi jenyi, mumu henaho hasulila milimo ya mutu.

Hosea 8:13

Ha kutwala ku yitapo ya milambu yami, o kakushiha yifwo ni kuyilia, alioze Yehova kuyamupemenene. Haliapwila mewuluka uhenge wo, maaha kastigu ya milonga yo; makahiluka ku Engitu.

Luka 1:28

Mungelo wejile kuli iye, wambile ngwenyi, Vulie! Yena hanakuvumbisa kuli Zambi; Mwene kwali hamwe ni yena; kuwawaha hakachi ka mapwo.

Yilinga 10:2

mukwa kuwayila, iye mukwa kwivwa woma wa Zambi hamwe ni akwa zuwo lienyi eswe, iye wahanyine yawana kuli atu, waliumbile kuli Zambi matangwa eswe.

Yilinga 10:28

wambile kuli ayo ngwenyi, Yenu nunanyingika ngwe kuchalitele hali Ka-Yunda kulifutula, hanji kuliendela ni umwe wa ku vungu likwo, alioze Zambi hanangulweza ngwenyi, Kanda uvuluka niumwe mupi hanji wa luchisa:

Yilinga 15:9

kapwishile kulipalikila hakachi ketu ni ayo, alioze wapemesene mbunge jo ku Ufulielo.

Yilinga 9:31

Chocho chikungulwila mu Yundeya mweswe ni Ngalileya ni Samaria ahwimine, alikolezele; endele mu woma wa Mwene ni mu kulembejeka cha Spiritu Musandu, mba okele.

A-ROMA 2:13

mumu hi akwa kwivwa ko shimbi masamba kumeso ja Zambi, alioze makasambisa akwa kulinga shimbi.

A-ROMA 2:14

(Mumu muze mavungu aze keshi shimbi, malinga ni mbunge jo yuma ya shimbi, o se keshi shimbi, kanapu shimbi kuli ayo ene;

A-ROMA 3:22

te ululi wa Zambi ku Ufulielo muli Yesu Kristu, kuli eswe, ni hali waze eswe akufuliela; mumu kulipwila chakuhi nichimwe.

1 Korintu 12:13

Mumu muli Spiritu umuwika hanatupapachisa yetu eswe mu mujimba umuwika, chipwe A-Yunda, chipwe A-Ngresia, chipwe ndungo, chipwe enya chifuchi, hanatunwisa muli Spiritu umuwika.

2 Korintu 7:1

Kashika se yilakenyo yino tuli nayo, akwetu a zango, tulipemesenu ku luchisa mweswe wa musunya ni Spiritu, tukamanunune usandu mu woma wa Zambi.

Galashia 3:28

Kukushi Ka-Yunda hanji Ka-Ngresia, kukushi ndungo hanji mwenya chifuchi, kukushi lunga hanji pwo; mumu yenu eswe nunapu umuwika muli Kristu Yesu.

Efesu 1:6

ku uhaliso wa uhenya wa vumbi lienyi, mu lienalio hanatuvumbisa muli yoze anamuzange chikolo.

Efesu 5:21

Lizeyelenu umwe kuli mukwo mu woma wa Kristu.

Filipu 3:3

Mumu yetu tuli akwa ungalami, yetu twakulingila Zambi muli Spiritu, twakulisamba muli Kristu Yesu, kutushi kufuliela musunya.

Kolosu 1:6

Lienalio hilineza kuli yenu, chizechene ngwe hilineza hano hashi heswe mukwima mihuko, nikutatuka chizechene ngwe muli yenu nawa, chize ku tangwa lize nwaliangile kwivwa ni kunyingika liakulu vumbi lia Zambi;

Kolosu 3:11

muze kumushi Ka-Ngresia ni Ka-Yunda, ngalami ni chilima, kandaka ni Ka-Seteya, ndungo ni mwenya chifuchi; alioze Kristu iye yuma yeswe, muli eswe.

1 Yoano 2:29

Kachi nunanyingika iye mwe mukwa ululi, nyingikenu mweswe wakulinga ululi kanasemewa kuli iye.