Yilinga 10:30 - MUKANDA USANDU WA ZAMBI 1975

³⁰ Koneliu wambile ngwenyi, Matangwa awana kunyima, napwile nikulitwamina kulia ndo ku ola yino; ha ola yamuchilivwa, ngunalembe mu zuwo liami; kumanyi, lunga unamana kumeso jami ni hina lia mukambo lia kulejima.

Mukanda Wa Zambi 1970

³⁰ Korneliu yakumbulula ngwenyi: “Ha ola ngwe yinoyene, matangwa atatu haabalika, te ngunalembe mu zuwo liami ha ola ya muchitatu ya chingoloshi. Susumuku mutu kanamana ku meso jami, te kanazala mahina abeyima.

Yilinga 10:30 Iomraidhean Croise

Miaso (Masamu) 55:17

Ha chingoloshi, ni ha chimene, ni ha mwalwa mungulinyenga ni mikuma, mba iye mevwa liji liami.

Daniel 10:12

Aye yamba kuli yami ngwenyi, Daniel kanda wivwa woma, mumu chize ku tangwa litangu lize wasele manyonga je yino yuma yikulumbunuke, ni kulikehesa kumeso ja Zambi ye, hapanjika ku maliji je, mba yami hineza ha mukunda wa maliji je.

Mateu 28:3

Kusoloka chenyi chapwile ngwe mihenyo, ni mazalo jenyi atoma ngwe neve.

Marku 16:6

Iye yamba kuli ayo ngwenyi, Kanda nukomoka: nunafupu Yesu, Ka-Nazare, yoze anakamuhachila ha kulusu: hahinduka; amuno keshimo: talenu, homa haze anakamusa!

Luka 24:4

Shimbu machikakashana ha chino, kumanyi, malunga aali amanyine hehi no ni mazalo a kuhenya.

Yilinga 1:10

Shimbu machihulikila meso mwilu, shimbu Mwene machiya, kumanyi, malunga aali amanyine hakamwihi no, ni mahina atoma ja mukambo;

Yilinga 10:22

O ambile ngwo, Koneliu, kapitau, mukwa ululi, mukwa kwivwa woma wa Zambi, kakumushindakenya ku vungu lieswe lia A-Yunda, kanakamwambulwila kuli mungelo musandu kukusaka, wize ku zuwo lienyi, akevwe maliji kuli yena.

Yilinga 10:29

kashika yingwiza nikuhamika nichimwe, muze unakangusaka. Ngunahula kashika kuchi te nwangusaka.

Yilinga 10:3

Ha ola yamuchilivwa ya mwalwa wamwene zwalala mu usolwelo, mungelo wa Zambi, kananjila kuli iye, nikwamba kuli iye ngwenyi, Koneliu.

Yilinga 10:31

Yamba ngwenyi, Koneliu, hanapanjika ku kulemba che, ni kuhana che hichinazezuka ngwe Chiwulwiso kumeso ja Zambi.

Yilinga 3:1

Achi, Petulu ni Yoano akandukile hamuwika ku tembele ha ola ya kulemba, ye ola yamuchilivwa.