Yilinga 10:2 - MUKANDA USANDU WA ZAMBI 1975

² mukwa kuwayila, iye mukwa kwivwa woma wa Zambi hamwe ni akwa zuwo lienyi eswe, iye wahanyine yawana kuli atu, waliumbile kuli Zambi matangwa eswe.

Mukanda Wa Zambi 1970

² Te mukwa vumbi ku meso ja Zambi. Iye ni akwa zuwo lienyi te kaakuwayila hamwe ni Ayuda. Neye te kakuhana yawana kuli Ayuda nikulemba Zambi matangwa eswe.

Yilinga 10:2 Iomraidhean Croise

Ubutukilo 18:19

Mumu hingunamunyingika hanga akayule ana jenyi ni munyachi wenyi kulutwe, akafunge jila ya Yehova akalinge ni ululi ni upatwilo, hanga Yehova akalinge kuli Apalahama yuma yize hamushindakenya.

1 Yitanga Ya Mianangana 8:43

hipanjika yena mwilu watwama ukalinge nikulita ni chize chilambala anakulembela, hanga mavungu eswe a hashi anyingike jina lie, akakuvwile woma ngwe atu je A-Izalele akukuvwilawo, akanyingike zuwo lino hinatunga hanaliluku jina lie.

2 Sango Ja Mianangana 6:33

hipanjika yena mwilu amo watwama, ukalinge nikulita ni chize chilambala anakulembela, hanga mavungu eswe a hashi anyingike jina lie, akakuvwile woma ngwe atu je A-Izalele akukuvwilawo, akanyingike zuwo lino hinatunga hanaliluku jina lie.

Jobe 1:1

Kwapwile umwe lunga mu chifuchi cha Uze; jina lienyi Jo. Mwe lunga te keshi kapalia, mukwa ululi, mukwa kuvwila woma Zambi, keshi kutala ku chuma chipi.

Jobe 1:5

Muze matangwa a yiteleka hapalika, Jo watumine ni kwapemesa. Te malimeneka chimene ni kulambula milambu ya kulumba nikulita ni kwalula cha ana, mumu Jo wanyongene ngwenyi, Hanji anami havulumuna, hanji hatuka Zambi mu mbunge jo. Jo walingile chocho matangwa eswe.

Miaso (Masamu) 102:15

Chocho mavungu mavwila woma jina lia Yehova, ni mianangana eswe a hashi mavwila woma ulemu we.

Miaso (Masamu) 119:2

Kawaha waze atunga Shindakenyo jenyi; waze amufupa ni mbunge yeswe.

Miaso (Masamu) 25:5

Ngusongwele mu umwenemwene we, ungulongese; mumu yena uli Zambi ya ulamwino wami, kuli yena nakutatatata tangwa lieswe.

Miaso (Masamu) 41:1

Kawaha yoze wakunyonga yiswale. Yehova kumakamupulula ha tangwa lipi.

Miaso (Masamu) 55:17

Ha chingoloshi, ni ha chimene, ni ha mwalwa mungulinyenga ni mikuma, mba iye mevwa liji liami.

Miaso (Masamu) 86:3

Mwene, nguvwile vumbi mumu kuli yena nakuteta tangwa lieswe nganganga.

Miaso (Masamu) 88:1

Yehova, Zambi ya ulamwino wami, ngunatete kuli yena ni mwalwa ni ufuku.

Longeshi 7:18

Chipema ukwate chino, alioze kanda wecha chize, mumu mukwa kuvwila woma Zambi matusuka ku yuma yino yeswe.

Izaya 59:19

Chocho akwa Chitokelo mavwila woma jina lia Yehova. Akwa Chivumbuko mavwila woma uhenya wenyi. Mumu meza ngwe muhwiji wa tachi wa kushinjika ni fuji ya Yehova.

Daniel 6:10

Daniel muze hanyingika ngwenyi, Hasa jina ku mukanda uze, yaya ku zuwo lienyi kuze te kali ni njanela mu chipatulo cha mwilu ya washi ya kutalikisa ku Yerusaleme. Yazondama ha makungunwa jenyi ni kulemba ni kusakwila kuli Zambi yenyi katatu ha tangwa chizechene ngwe wapwile nikulinga kulu.

Daniel 6:16

Kashika mwanangana yahana liji, yaneha Daniel, yamunyasa mu wina wa ndumba. Mwanangana yamba kuli Daniel ngwenyi, Zambi ye akufunge, yoze wakumuvumbika matangwa eswe.

Daniel 6:20

Ha kukundama ku wina muze mwatwama Daniel, yatambika ni liji lia kupinda kuli Daniel ngwenyi, Daniel, kavumbi ka Zambi ya mwono, Zambi ye yoze wakumuvumbika matangwa eswe hahasa kukupulula kuli ndumba?

Daniel 6:26

Ngunase shimbi ngwami, Mu yifuchi yeswe ya wanangana wami atu eswe akachikime ni woma kumeso ja Zambi ya Daniel, mumu iye Zambi ya mwono, katwama wa mutolo. Wanangana wenyi kechi kahasa kuwonwona; chiyulo chenyi kuchichi kasula.

Mateu 25:17

Chizechene nawa yoze watambwile jiali, wafumbwile mbongo jikwo jiali.

Luka 18:1

Iye wahanjikile nawa chishima kuli ayo, ngwe chaatamba kulemba matangwa eswe, kanda akalezumuka;

Luka 2:25

Kumanyi, mwapwile umwe lunga mu Yerusaleme, jina lienyi Semone; yono lunga wapwile mukwa ululi, mukwa kuwayila Zambi, kanatatatata kulembejeka cha Izalele: ni Spiritu Musandu wapwile hali iye.

Yilinga 10:22

O ambile ngwo, Koneliu, kapitau, mukwa ululi, mukwa kwivwa woma wa Zambi, kakumushindakenya ku vungu lieswe lia A-Yunda, kanakamwambulwila kuli mungelo musandu kukusaka, wize ku zuwo lienyi, akevwe maliji kuli yena.

Yilinga 10:31

Yamba ngwenyi, Koneliu, hanapanjika ku kulemba che, ni kuhana che hichinazezuka ngwe Chiwulwiso kumeso ja Zambi.

Yilinga 10:35

alioze mu mavungu eswe yoze wakumuvwila woma, wakulinga ululi, kakupemena kuli iye.

Yilinga 10:4

Iye, nikumuhulikila meso, wa tò ni woma, wambile ngwenyi, Kuchi Mwene? Wambile kuli iye ngwenyi, Kulemba che ni kuhana che hichinazezuka ngwe Chiwulwiso kumeso ja Zambi.

Yilinga 10:7

Muze mungelo yoze wahanjikile kuli iye hakatuka, watambikile aali a ku ngamba jenyi a mu zuwo, ni swalale mukwa kuwayila wa kuli waze amuvumbikile matangwa eswe.

Yilinga 11:14

iye kumakakwaha maliji akulilamwina no, yena ni akwa zuwo lie eswe.

Yilinga 13:16

Mba Paulu wakatukile, iye nikulahula ni kwoko lienyi, wambile ngwenyi, A-Izalele, ni yenu nwakwivwa woma wa Zambi, ivwenu:

Yilinga 13:26

Mandumbu, ana ja munyachi wa Apalahama, ni waze hakachi kenu akwivwa woma wa Zambi, kuli yetu liji lia ulamwino uno linatumiwa.

Yilinga 13:50

Alioze A-Yunda akapwile pichi ja mapwo akwa uwayilo alemu, ni akwa lutwe a mu limbo, o avundwile yihungumiona hali Paulu ni Mbarnavwe, aambilile haze lia manjiza jo.

Yilinga 18:8

Alioze Krisepu, mukwa kuyula sunangonga, wafulielele Mwene, ni akwa zuwo lienyi eswe; ni anji a kuli A-Korindu, ha kwivwa, yafuliela, yaapapachisa.

Yilinga 2:5

Achi, mwatwamine mu Yerusaleme A-Yunda, akwa kuwayila, a ku mavungu eswe mushi lia lilu.

Yilinga 22:12

Mba umwe Ananiya, mukwa kuwayila Zambi nikulita ni shimbi, mukwa Shindakenyo kuli A-Yunda eswe, atwamineko,

Yilinga 8:2

Akwa kuwayila afunjile Eshetevau, alilile mbimbi chikolo hali iye.

Yilinga 9:11

Mwene wambile kuli iye ngwenyi, Katuka, uye ku tapalo lize jina lialio, Lialulama, ukafupe mu zuwo lia Yundase umwe jina lienyi Saulu, wa ku Tarsu: mumu kanalembe;

Yilinga 9:31

Chocho chikungulwila mu Yundeya mweswe ni Ngalileya ni Samaria ahwimine, alikolezele; endele mu woma wa Mwene ni mu kulembejeka cha Spiritu Musandu, mba okele.

Yilinga 9:36

Achi, kwapwile ku Yopa umwe kambaji, jina lienyi Tavwita, Unalumbunuka Kai: yono pwo wazalile tò ni yitanga yipema ni kuhana cha yawana yize alingile.

Kolosu 4:2

Nyongononenu ni kulemba, ni kulámo hamwe nikusakwila.

1 Tesalonika 5:17

Lembenu, nikulitwamina nichimwe.

Tiangu (Jake) 1:5

Alioze kachi umwe wa kuli yenu mahona mana, akete kuli Zambi, yoze wakuhana kuli eswe ni kuvungumuna, keshi kuchoka; mba kumakamwaho.

Yoshua 24:15

Nyi kunushi ni mbunge ya kulingila Yehova, hitongolenu musono waze munwalingila, shina mazambi aze tulamba twenu alingilile mu chifuchi cha mu sali lia Lwiji, nyi shina mazambi a A-Amore akwa chifuchi chino nwatwama. Alioze lia kutwala kuli yami ni akwa zuwo liami etu mutulingila Yehova.

Usolwelo 15:4

Mwene, iya kechi kakuvwila woma, iya kechi kuchichimieka jina lie? Mumu yena wika uli musandu; mumu mavungu eswe kumakawayila kumeso je; mumu yilinga ye ya ululi hanayisolola.