Yilinga 10:19 - MUKANDA USANDU WA ZAMBI 1975

¹⁹ Shimbu Petulu azewile usolwelo, Spiritu wambile kuli iye ngwenyi, Tala, malunga atatu kanakufupu.

Mukanda Wa Zambi 1970

¹⁹ Shimbu lize Petulu machinyonga ulumbunwiso wa Usolwelo, Mwiku wa Linanga yiumwamba ngwenyi: “Unevu ko? Atu anakufupu haze.

Yilinga 10:19 Iomraidhean Croise

Yoano 16:13

Alioze muze iye, mwe Spiritu ya umwenemwene heza, makanusongwela mu umwenemwene weswe; mumu kechi kahanjika cha kuli iye mwene; alioze cheswacho mevwa, chenacho makachihanjika: iye makanwambulwila yuma yize muyizaho.

Yilinga 10:18

atambikile, nikuhula kachi Semone, jina lienyi likwo Petulu, kanatwamako.

Yilinga 10:3

Ha ola yamuchilivwa ya mwalwa wamwene zwalala mu usolwelo, mungelo wa Zambi, kananjila kuli iye, nikwamba kuli iye ngwenyi, Koneliu.

Yilinga 11:12

Spiritu wangwambile nguye hamwe no, nikuyambashana nichimwe. Wano mandumbu asambano nawa avile hamwe ni yami, twanjilile mu zuwo lia yono lunga.

Yilinga 13:2

Shimbu machivumbika Mwene, nikulitwamina kulia, Spiritu Musandu wambile ngwenyi, Selenu kuli yami haliapwila, Mbarnavwe ni Saulu ha milimo yize hingunaatambikila.

Yilinga 15:7

Muze te hikwapwa kulu mbandanga yinji, Petulu wakatukile, ngwenyi, Mandumbu, yenu nunanyingika, chize ku matangwa a kunyima, Zambi watongwele hakachi kenu, hanga akwa mavungu ku kanwa liami akevwe liji lia sango lipema, akafuliele.

Yilinga 21:4

Ni se twawanyine tumbaji, twasalileko matangwa shimbiali: waze ambile kuli Paulu ku tachi ja Spiritu ngwo, Kanda ukakanduka ku Yerusaleme.

Yilinga 8:29

Spiritu wambile kuli Fwilipe ngwenyi, Kundama, uye ni temba lino.

1 Korintu 12:11

alioze Spiritu umuwika kakulingisa yino yuma yeswe, nikwanyina kuli mutu ni mutu, chizechene ngwe mapala.

1 Timoteu 4:1

Alioze Spiritu kanambe pundu ngwenyi, Ha miaka ya kusuta, amwe makakatuka ku Ufulielo, nikupanjika kuli maspiritu a kupiangula, ni longeso lia andemoniu,