Yilinga 1:8 - MUKANDA USANDU WA ZAMBI 1975

⁸ Alioze kumunukatambula tachi, muze Spiritu Musandu heza hali yenu: kumunukapwa yela jami, ni mu Yerusaleme, ni mweswe mu Yundeya, ni Samaria, ni ndo ku kasula-songo lia hashi.

Mukanda Wa Zambi 1970

⁸ Alioze munukatambula tachi muze Mwiku wa Linanga hiwanuhulumukina. Mba munukabwa yela jami mu Yerusaleme, ni mweswe mu Yudea ni Samaria, ni ndoo ku songo lia hashi.”

Yilinga 1:8 Iomraidhean Croise

Miaso (Masamu) 22:27

Masongo eswe a hashi kwaewuluka, kumatewulukila kuli Yehova; minyachi yeswe ya mavungu kumawayila kumeso je.

Miaso (Masamu) 98:3

Hanewuluka utu wa zango lienyi ni umwenemwene wenyi ku jiko lia Izalele. Ndo ku masongo a hashi hanamono ulamwino wa Zambi yetu.

Izaya 42:10

Imbilenu Yehova mwaso waha, imbenu uhaliso wenyi ndo ku songo lia hashi! Kalunga-lwiji akakulunguze, ni yize yeswe yilimo, ni mbaka ni waze atwamako.

Izaya 49:6

Yehova yono kanambe ngwenyi, Chalela naye hali yena ukapwe kavumbi kami wa kuhuzulula minyachi ya Yakomba, ni kuhilwisa kuli yami waze asala a kuli A-Izalele. Mungukupwisa nawa pangu ku mavungu hanga ulamwino wami ukahete ndo ku songo lia hashi.

Izaya 52:10

Yehova hanasolola kwoko lienyi lisandu kumeso ja mavungu eswe, mba akwa masongo eswe a hashi kumakamona ulamwino wa Zambi yetu.

Izaya 66:19

Mungukamika chilayi hakachi ko. Waze malisalaho hakachi ko mungukatuma ku mavungu ku Tashi ni ku Pule, ni ku Lutu, akwa kunana uta, ni ku Tupale ni Yavwane ni ku mbaka jize ja kusuku, kuze kanda achivwa lufuma wami, hanji kumona uhenya wami; mba mambujola uhenya wami hakachi ka mavungu.

Jeremia 16:19

Yehova, yena tachi jami ni mbonge yami, chiswamo chami ha tangwa lia lamba, kuli yena mavungu makungulukila, chize ku masongo a hashi nikwamba ngwo, Tulamba twetu kahingile nichimwe shina mahuza wika, yuma yamokomoko kuyafumbwile nichimwe.

Mika 3:8

Alioze ha kutwala kuli yami hananguzalisa ni tachi, ni Spiritu wa Yehova, ni ululi, ni ndundo, ngukalumbunwine Yakomba uvulumunyi wenyi ni kuli Izalele shili yenyi.

Zakaria 4:6

Aye yamba kuli yami ngwenyi, Lie liji lino lia Yehova kuli Zorobabele ngwenyi, Yehova-wa-Tujita kanambe ngwenyi, Hi ku ndundo ko hanji ku ngolo alioze kuli Spiritu yami.

Mateu 24:14

Ni sango lino lipema lia wanangana kumakaliambujola mu yifuchi yeswe ya hashi mukupwa Shindakenyo ku mavungu eswe, ni hohene songo kumulikeza.

Mateu 28:19

Yénu kashika, nukatayise tumbaji a ku mavungu eswe, nikwapapachisa mu jina lia Tata, ni lia Mwana, ni lia Spiritu Musandu:

Marku 16:15

Iye wambile kuli ayo ngwenyi, Yénu hashi heswe, nukambujole sango lipema kuli atu eswe.

Luka 1:35

Mungelo wamukumbulwile ngwenyi, Spiritu Musandu kumeza hali yena, ni tachi ja mwe Chitunda kumujikuzulamina Chizulie; kashika nawa chuma chisandu chize muchikasemuka, kumakamuvuluka ngwo, Mwe Mwana Zambi.

Luka 10:19

Hingunanwehe chiyulo cha kuliata ha tupela ni tuvwanda, ni helu lia tachi jeswe ja mukwa kole, mba nichimwe kuchichi kanulemeka nichimwe.

Luka 24:29

O amukwikile ngwo, Twama hamwe ni yetu; mumu chinakundama ku chingoloshi, ni tangwa kuliendala chikolo. Iye wanjilile mukutwama no.

Yoano 15:27

ni yenu nawa nwakushindakenya, mumu kunwapwa hamwe ni yami chize ku uputukilo.

Yilinga 1:22

putu ku upapachiso wa Yoano ndo ku tangwa lize amuchijile kuli yetu amutambule mwilu, chatamba umwe wa kuli wano akapwe chela hamwe ni yetu cha Uhindukilo wenyi.

Yilinga 1:5

mumu, Yoano chamwenemwene wapapachishile mu meya; alioze kumakanupapachisa muli Spiritu Musandu, kulutwe lia matangwa akepe.

Yilinga 13:31

iye wamonekene matangwa anji kuli waze akandukile hamwe nenyi ku Ngalileya, ndo ku Yerusaleme, aze haliapwila anapu yela jenyi kuli atu.

Yilinga 2:32

Yono Yesu, Zambi hanamuhindwisa, hali iye yetu eswe tuli yela.

Yilinga 22:15

Mumu kumukapwa chela hali iye kuli atu eswe, ha chize hiwamona, ni chize hiwevwa.

Yilinga 3:15

Nwashihile mwe Kaputu ka mwono; yoze Zambi wamuhindwishile hakachi ka afu; ha chino yetu tuli yela.

Yilinga 4:33

Mba ni tachi jinene apostolo asele Shindakenyo yo ha Uhindukilo wa Mwene Yesu, ni vumbi linene liapwile hali ayo eswe.

Yilinga 5:32

Ni yetu tuli yela ja yino yuma; ni Spiritu Musandu nawa, yoze Zambi hanahana kuli waze akumwononokena.

Yilinga 6:8

Mba Eshetevau, wa tò ni vumbi ni tachi, walingile yipekesa ni yilayi yinene hakachi ka atu.

Yilinga 8:1

Saulu te kanatayiza kufwa chenyi. Ha tangwa lize kwakatukile yihungumiona yinene ha chikungulwila chize chapwile mu Yerusaleme; ni eswe amwanganyine mwamwa mu yifuchi ya Yundeya ni Samaria, alioze apostolo, ka.

A-ROMA 10:18

Alioze ngunambe ngwami, Kevwileko, nyi? Chamwenemwene ngwo, Liji liayo liatuhukile hashi heswe, ni maliji jo ndo ku masongo ja yifuchi yeswe ya hashi.

A-ROMA 15:19

ni tachi ja yilayi ni yipekesa, ni tachi ja Spiritu Musandu; chocho chize ku Yerusaleme, nikujinga ndo ku Iliriku, hingunamanununa kwambujola sango lipema lia Kristu:

Kolosu 1:23

Kachi mununyongonona mu Ufulielo, akwa kujikiza, akwa kukola; kachi kunushi kututuluka ku kutalatala cha sango lipema, lize nwevwile, lize ambujolele kuli atu eswe mushi lia lilu; ha liyo yami Paulu kunapwa kavumbi.