Yilinga 1:6 - MUKANDA USANDU WA ZAMBI 1975

⁶ O kashika, muze akungamine, amuhulile ngwo, Mwene, haliapwila muhilwisa wanangana kuli A-Izalele, nyi?

Mukanda Wa Zambi 1970

⁶ Kashika muze tunganda alikungulwile ni Yesu, yaamuhula ngwo: “Mwene, haliabwila muuhilwisa Wanangana kuli Aisraele, nyi?”

Yilinga 1:6 Iomraidhean Croise

Ubutukilo 49:10

Lukanda kechi kakatuka kuli Yunda; mbwechi ya mukwa kuyula kuyichi kakatuka hakachi ka yiliato yenyi, ndo mwenyayo makeza mba kuli iye atu makazeyela.

Izaya 1:26

Mungutwamisa ngaji jenu nawa ngwe apwile hatangu, ni tuliamanga jenu ngwe ha uputukilo. Mba kulutwe manutongola ngwo, Chihunda cha ululi, chihunda chamwenemwene.

Jeremia 33:26

mba mungulituna waze masemuka kuli Yakomba ni kavumbi kami David; chichi katongola umwe wa waze masemuka kuli iye kuyula vungu lia Apalahama, ni Izake, ni Yakomba. Mumu mungukahilwisa kuwaha cho; mungukaavwila keke.

Daniel 7:27

Alioze wanangana ni chiyulo ni unene wa mawanangana kushi lia lilu lieswe kumakakunjika kuli atu ja asandu ja mwe Chitunda. Wanangana wo kumuukapwa wanangana wa mutolo, mba akwa yiyulo yeswe kumakaavumbika ni kwaononokena.

Hosea 3:4

Mumu A-Izalele makatwama matangwa anji keshi mwanangana hanji mukwa kuyula; keshi chitapo hanji nguji; keshi efode hanji terafimi.

Amose 9:11

Ha tangwa lize mungutungulula nawa mbalaka ya David yize hiyinapuzuka. Mungukalulika yituwa yayo, nikumika nawa yize yalimbuka hashi, ni kuyitungulula chizechene ngwe ha matangwa a kunyima,

Mika 5:2

Alioze yena Mbeteleme Efrata, mukepe Wahiana hakachi ka minyachi ya Yunda, kuli yena kumukungutuhukila umwe yoze makapwa mukwa kuyula Izalele. Chikota chenyi cha ku miaka, kwe ku shakulu.

Zakaria 9:9

Ena mwana-pwo Zaione, Wahilila chikolo! Ena mwana-pwo Yerusaleme, likwize! Mwanangana wenu kaneza kuli yenu; aye mukwa kukangana, mukwa kukumba, hindu kanalikehesa, kanende hali chimbulu, te hali mwana-chimbulu wa kusemuka kuli chimbulu.

Mateu 17:11

Aye waakumbulwile ngwenyi, Eliya chamwenemwene mahanga kwiza, neye makalulika yuma yeswe:

Mateu 20:21

Aye wambile kuli iye ngwenyi, Kuchi unazange? Yamba kuli iye ngwenyi, Amba hanga wano anami aali a malunga akatwame umwe ku chindume che ni mukwo ku chimeso che mu wanangana we.

Mateu 24:3

Shimbu machitwama ha mulundu wa Olevwe, tumbaji twenyi ejile kuli iye ukawo, nikwamba ngwo, Twambulwile kama, mwiji muka yuma yino muyikapwa? Chilayi cha kuheta che chika, ni cha kumanunuka cha mwaka?

Marku 9:12

Iye wambile kuli ayo ngwenyi, Eliya chamwenemwene mahanga kwiza, akalulike yuma yeswe: alioze ngwe kuchi chinasonewa hali mwe Mwana Mutu ngwo, Makevwa lamba linji, makamupwisa wamokomoko?

Luka 17:20

Muze A-Fwariseu amuhulile mwaka uze wanangana wa Zambi muwiza. Waakumbulwile ngwenyi, Wanangana wa Zambi kuushi kwiza ha kulayila.

Luka 19:11

Alioze shimbu machipanjika ku yino yuma, wawezele kutela chishima, mumu apwile hakamwihi ni Yerusaleme, mumu ashinginyekene ngwo, Wanangana wa Zambi himuusoloka.

Luka 22:29

ngunannsela wanangana, chizechene ngwe Tata wanguselelewo.

Yoano 21:21

Petulu kashika, nikumumona, yamba kuli Yesu ngwenyi, Mwene, ni yono kuchi malinga?