Yilinga 1:19 - MUKANDA USANDU WA ZAMBI 1975

¹⁹ Mba waze eswe akutwama mu Yerusaleme achinyingikine; chocho avulukile munda uze mu limi lio ene ngwo, Akelendama. Unalumbunuka ngwo, Munda wa manyinga):

Mukanda Wa Zambi 1970

¹⁹ Akwa Yerusaleme eswe yeevwa yuma yize. Kashika alukile munda uze mu liji lio ngwo, Akeldama, kulumbunuka ngwo Munda wa Manyinga.)

Yilinga 1:19 Iomraidhean Croise

2 Samuel 2:16

Mutu mweswe yakwata mukwo ku mutwe, yanjisa katana kenyi mu lumbu lia yoze analitachika nenyi. Chocho yalimbuka hashi hamuwika. Kashika yaluka kuma kuze ngwo, Helekata-hazurime, chili ku Ngibeone.

Zakaria 11:13

Mba Yehova yamba kuli yami ngwenyi, Ujimbile mu milambu, ndando yipema yize anguselele. Kashika yingwanda je mbongo ja prata makumi atatu yingujimbila mu milambu mu zuwo lia Yehova.

Mateu 27:8

Kashika avulukile munda uze ngwo, Munda wa manyinga, ndo ku tangwa lino.

Mateu 28:15

O atambwile mbongo, alingile chizechene ngwe nalongesele: ni liji lino linafumana hakachi ka A-Yunda ndo ku tangwa lino.

Yilinga 2:22

Yenu A-Izalele, ivwenu maliji ano: Yesu Ka-Nazare, lunga ashindakenyene kuli Zambi ni yipupu ni yipekesa, ni yilayi yize Zambi walingile ku kwoko lienyi mukachi kenu, chizechene ngwe nunanyingika yenwene;

Yilinga 21:40

Muze te hamutayiza, Paulu, nikumana ha ndondelo, walahwile ni kwoko lienyi kuli atu; o muze te hahola kulu, wahanjikile kuli ayo mu limi lia Hepreu, ngwenyi,