Yilinga 1:13 - MUKANDA USANDU WA ZAMBI 1975

¹³ Muze te hanjila mu zuwo, akandukile ku chipatulo cha kwilu, muze atwamine; ni Petulu ni Tiangu, ni Yoano ni Andeleu, ni Fwilipe ni Tomase, ni Mbatolomeu ni Mateu, ni Tiangu, mwana Alfweu, ni Semone Zelote, ni Yundase, mwanakwo wa Tiangu.

Mukanda Wa Zambi 1970

¹³ Muze te haaheta mu limbo, yaanjila mu limwe zuwo, yaakanduka ku chibatulo cha kwilu, kwenako atwamine. Wano e abwile ko: Petulu, ni Yoano, ni Tiangu (Jake), ni Andre, ni Filipe, ni Toma, ni Bartolomeu, ni Mateu, ni Tiangu (Jake), mwana wa Alfeu, ni Simone, mukwa kuzanga utuswilo wa chifuchi chenyi, ni Yudase, mwana wa Tiangu (Jake).

Yilinga 1:13 Iomraidhean Croise

Mateu 9:9

Shimbu Yesu mapalika kuze kulutwe, wamwene mutu, anamuvuluka ngwo, Mateu, kanatwama mu zuwo lia lijimu: neye yamba kuli iye ngwenyi, Ngukaule. Aye wakatukile, wamukawile.

Marku 14:15

Iye kumakanulweza chipatulo cha kwilu, yuma yeswe ya kwala ni ya kululika, muze mwene nukatululikile.

Marku 14:33

Iye yatwala hamwe nenyi, Petulu, ni Tiangu, ni Yoano. Waputukile kulishimwoka, ni kwivwa chikolo kulema mu mbunge.

Marku 2:14

Shimbu machipalika, wamwene Levi, mwana Alefweu, kanatwama mu zuwo lia lijimu, yamba kuli iye ngwenyi, Ngukaule. Iye wakatukile, wamukawile.

Marku 5:37

Iye katayijile niumwe kuya hamwe nenyi shina Petulu ni Tiangu ni mwanakwo Yoano.

Marku 9:2

Mba kulutwe lia matangwa asambano, Yesu yatwala hamwe nenyi Petulu ni Tiangu, ni Yoano, yaakandwisa mulundu usuku, ukawo: iye walumukine kumeso jo;

Luka 22:12

Iye kumakanulweza chipatulo cha kwilu, cha kwala; muze mwene nukalulike.

Yoano 11:16

Tomase kashika, yoze ukwete jina likwo ngwo, Ndilimu, wambile kuli tumbaji-ni-akwo ngwenyi, Tatuyenu yetu nawa hanga tukafwe hamwe nenyi.

Yoano 14:22

Yundase (hi Ka-Keriote ko), yamba kuli iye ngwenyi, Mwene, ngwe kuchi mulisolola kuli yetu, hi kuli akwa hashi ko?

Yoano 18:17

Mwana-pwo, mukwa kufunga chikolo, yamba kashika kuli Petulu ngwenyi, Yena nawa uli wa kuli tumbaji twa yono mutu, nyi? Yamba ngwenyi, Hi yami ko.

Yoano 21:2

Kwapwile hamuwika Semone Petulu, ni Tomase, yoze ngwo, Ndilimu, ni Natanele wa ku Kena, chihunda cha mu Ngalileya, ni ana a Zembendeu, ni akwo aali a kuli tumbaji twenyi.

Yilinga 12:17

Iye, nikulahula kuli ayo ni kwoko lienyi ahole, wambile kuli ayo ngwe Mwene wamunehene haze lia zuwo lia ususu. Wambile ngwenyi, Ambulula yino yuma kuli Tiangu ni kuli mandumbu. Iye wakatukile, wayile kweka.

Yilinga 15:13

Muze te hahola, Tiangu wakumbulwile ngwenyi, Mandumbu, ngwivwenu:

Yilinga 2:14

Alioze Petulu, nikukatuka hamwe ni kumi ni kashi wakololokele, nikwamba kuli ayo ngwenyi, Yenu A-Yunda, ni yenu eswe nwakutwama mu Yerusaleme, nyingikenu chino, panjikenu ku maliji jami.

Yilinga 2:38

Petulu wambile kuli ayo ngwenyi, Likonyekenu, anupapachise mutu ni mutu wa kuli yenu mu jina lia Yesu Kristu, ha ukonekeno wa milonga; mba kumunukatambula chawana cha Spiritu Musandu.

Yilinga 20:8

Ni temo jinji japwile mu chipatulo cha kwilu muze twakungulukilile.

Yilinga 4:13

Muze amwene hamu lia Petulu ni Yoano, kananyingika apwile atu waze kaalongesele, kajamine ku masona, akomokene; o aasele chinyingi ngwo, Wano apwile hamwe ni Yesu.

Yilinga 4:19

Alioze Petulu ni Yoano, waakumbulwile, ngwo, Shina chinate kumeso ja Zambi kupanjika kuli yenu shina kuli Zambi, chipatulenu yenu:

1 Korintu 15:7

kulutwe amonekene kuli Tiangu: kulutwe kuli apostolo eswe;

Galashia 1:19

Alioze akwo a kuli apostolo chamwene niamwe shina Tiangu mwanakwo wa Mwene.

Galashia 2:9

muze anyingikine vumbi lize anguhele, Tiangu ni Sefwa ni Yoano, waze apwile manguji mu chikungulwila, ahanyine kuli yami ni Mbarnavwe moko ja chindume a kulikunda, hanga yetu tukaye kuli akwa mavungu, o akaye kuli akwa ungalami.

Tiangu (Jake) 1:1

Yami Tiangu, ndungo ya Zambi kanda ya Mwene Yesu Kristu, Ku mavungu kumi ni aali aze anamwangashana kweswe: Ngunanumeneka.

2 Yoano 1:1

Mukulwana kuli ndona yoze amutongwele, ni kuli ana jenyi, waze ngunaazange ni umwenemwene; hi yami wika ko, aiioze nawa waze eswe ananyingika umwenemwene;

Yuda 1:1

Yami Yundase, ndungo ya Yesu Kristu, kanda mwanakwo wa Tiangu, Kuli waze hanaatambika, kanaazange muli Zambi mwe Tata, kanaafungu hali Yesu Kristu: