Yilinga 1:11 - MUKANDA USANDU WA ZAMBI 1975

¹¹ aze nawa ambile ngwo, Malunga A-Ngalileya, kuchi te nunamana nikutala mwilu? Yono Yesu, hamuchiza kuli yenu amutambwile mwilu, chocho kumakeza chizechene ngwe hinwamumona nikuya mwilu.

Mukanda Wa Zambi 1970

¹¹ Yaamba ngwo: “Yenu malunga a ku Galilea, yika nunamanyina hano ni kuhulikila meso kwilu? Yono Yesu, hanutambula yo mwilu, makahiluka nawa chizechene ngwe hinwamumona nikuya mwilu.”

Yilinga 1:11 Iomraidhean Croise

Mateu 16:27

Mumu mwe Mwana Mutu kumakeza mu uhenya wa Tato hamwe ni angelo jenyi, hohene kumakahana kuli mweswe nikulita ni yilinga yenyi.

Mateu 16:28

Pundu ngunambe kuli yenu ngwami, Kwali amwe a kuli waze anamana kuno, kechi kumona kufwa nichimwe ndo mamona mwe Mwana Mutu kaneza mu wanangana wenyi.

Mateu 24:30

Hohene chilayi cha mwe Mwana Mutu kumuchikasoloka mwilu: ni hohene mavungu eswe a hashi kumakahia mbimbi, kumakamona mwe Mwana Mutu kaneza ha malelwa a mwilu ni tachi ni uhenya unene.

Mateu 25:31

Alioze muze mwe Mwana Mutu meza mu uhenya wenyi, ni angelo asandu eswe hamwe nenyi, hohene makatwama ha ngunja yenyi ya uhenya:

Marku 13:26

Hohene makamona mwe Mwana Mutu kaneza mu malelwa hamwe ni tachi jinene ni uhenya.

Marku 14:70

Iye cheka nawa walikalilecho. Kulutwe lia shimbu likepe cheka nawa waze amanyineko ambile kuli Petulu ngwo, Chamwenemwene yena uli umwe wa kuli ayo; mumu uli Ka-Ngalileya.

Marku 16:19

Chocho Mwene Yesu, muze te hahanjika kuli ayo, amutambwile mwilu, iye Watwamine ku chindume cha Zambi.

Luka 21:27

Hohene kumakamona mwe Mwana Mutu kaneza mu lelwa ni tachi ni uhenya unene.

Luka 24:5

Ni shimbu achili ni woma, nikuhetamina hashi, o ambile kuli ayo ngwo, Kuchi te nunafupu mukwa mwono hakachi ka afu?

Yoano 14:3

Nyi kachi munguya mukunululikila muhela, kachi mungwiza cheka nawa, mungukanutambula kuli yami mwene: hanga kuze yami nguli, kuze kwene ni yenu nawa nukapwe.

Yilinga 1:2

ndo ku tangwa lize, amutambwile mwilu, muze te ku tachi ja Spiritu Musandu hahana shimbi kuli apostolo waze iye waatongwele:

Yilinga 1:22

putu ku upapachiso wa Yoano ndo ku tangwa lize amuchijile kuli yetu amutambule mwilu, chatamba umwe wa kuli wano akapwe chela hamwe ni yetu cha Uhindukilo wenyi.

Yilinga 1:9

Muze te hamba yino yuma, shimbu machitala, amupindumwine kwilu; ni lelwa liamutambwile, liamuswekele ku meso jo.

Yilinga 13:31

iye wamonekene matangwa anji kuli waze akandukile hamwe nenyi ku Ngalileya, ndo ku Yerusaleme, aze haliapwila anapu yela jenyi kuli atu.

Yilinga 2:7

Eswe alishikishilile, akomokene, nikuliamba umwe kuli mukwo ni mukwo ngwo, Wano eswe anahanjika hi A-Ngalileya ko, nyi?

Yilinga 3:12

Petulu ha kuchimona, wambile kuli atu ngwenyi, Yenu A-Izalele, kuchi te nunalishikishila ha chino? Hanji kuchi te nunatuhulikila meso ngwe ni tachi ja yetwene hanji uwayilo wa yetwene twamwendesanga?

Yilinga 3:21

chatamba kumutambula mwilu ndo ku miaka ya kululikisa yuma yeswe, ha kutwala ku yize Zambi wahanjikile ku makanwa ja aprofeta jenyi asandu chize ku miakulwila.

1 Tesalonika 1:10

nikutwaminyina Mwanenyi ku malilu, yoze amuhindwishile hakachi ka afu, iye Yesu, yoze wakutupulula ku utenu uze muwizaho.

1 Tesalonika 4:16

Mumu Mwene, iye mwene, kumakahulumuka mwilu, ni liji lia mutambi, ni liji lia mungelo wa lutwe, ni chitavwi cha Zambi: ni afu muli Kristu kumakalianga kuhinduka.

Hebreu 9:28

chocho Kristu nawa, se hanamulambula kamuwika hanga akambate milonga ya anji, kumakamoneka chisuho chamuchiali, hi ha kutwala ku shili ko, kuli waze akumutalatala ha ulamwino.

Usolwelo 1:7

Talenu, kumeza ni malelwa; ni meso eswe kumakamumona, ni waze amutuwile; ni mavungu eswe a hashi kumakahia mbimbi hali iye. Chochene. Amene.