Yilinga 1:10 - MUKANDA USANDU WA ZAMBI 1975

¹⁰ Shimbu machihulikila meso mwilu, shimbu Mwene machiya, kumanyi, malunga aali amanyine hakamwihi no, ni mahina atoma ja mukambo;

Mukanda Wa Zambi 1970

¹⁰ Shimbu maachihulikila meso kwilu nee, muze te Yesu anazezuka, susumuku malunga aali yaamana hehi no, te kaanazala mahina atoma.

Yilinga 1:10 Iomraidhean Croise

1 MIANANGANA 2:10

Aye ngwenyi, Hiweta chuma chikalu, alioze nyi mukangumona muze mangutambula kuli yena muchikupwa chocho. Nyi kwangumwene kuchichi kupwa chocho.

Daniel 7:9

Shimbu munguchitala, akolesele ngunja, ni umwe jina lienyi Mukulu-wa-Matangwa yatwama. Mazalo jenyi atoma ngwe neve, ni kambu jenyi ja ha mutwe japwile ngwe wanda upema, ngunja yenyi yapwile milengi ya kahia, ni maroda jayo kahia ka kuyila.

Mateu 17:2

Walumukine kumeso jo: ku meso jenyi kwapangukile ngwe tangwa ni mahina jenyi apwile atoma ngwe pangu.

Mateu 28:3

Kusoloka chenyi chapwile ngwe mihenyo, ni mazalo jenyi atoma ngwe neve.

Marku 16:5

O ha kunjila mu fuka, amwene mukweze kanatwama ha chindume, kanazala hina lia mukambo litoma, no akomokene chikolo, nikwivwa woma.

Luka 24:4

Shimbu machikakashana ha chino, kumanyi, malunga aali amanyine hehi no ni mazalo a kuhenya.

Yoano 20:12

yamona angelo aali, ni mazalo atoma kanatwama, umwe ku mutwe, ni mukwo ku yiliato, kuze wapombele mujimba wa Yesu.

Yilinga 10:3

Ha ola yamuchilivwa ya mwalwa wamwene zwalala mu usolwelo, mungelo wa Zambi, kananjila kuli iye, nikwamba kuli iye ngwenyi, Koneliu.

Yilinga 10:30

Koneliu wambile ngwenyi, Matangwa awana kunyima, napwile nikulitwamina kulia ndo ku ola yino; ha ola yamuchilivwa, ngunalembe mu zuwo liami; kumanyi, lunga unamana kumeso jami ni hina lia mukambo lia kulejima.

Usolwelo 3:4

Alioze majina akehe uli no mu Sarte, waze kachishile mazalo jo: o kumakenda hamwe ni yami mu mazalo atoma; mumu kanatela.

Usolwelo 7:14

Nambile kuli iye ngwami, Mwene wami, yena unanyingika. Iye wambile kuli yami ngwenyi, Waze anatuhuka mu luyinda munene, hanakoso mahina jo ja ngungu, hanaatomesa mu manyinga ja mwe Mwanapanga.