Ubutukilo 9:7 - MUKANDA USANDU WA ZAMBI 1975

⁷ Alioze yenu, semenu, nukaliokese, nukapwe anji hashi nikulumbama.

Mukanda Wa Zambi 1970

⁷ “Yenu Semenu nuliokese, nukalumbame hashi heswe.”

Ubutukilo 9:7 Iomraidhean Croise

Ubutukilo 1:28

Mba Zambi yaawahisa. Zambi yamba kuli ayo ngwenyi, Semenu nuliokese, nukazalise hashi, nukazeyeseho. Nukapwe ni chiyulo helu lia yishi a mu kalunga-lwiji, ni helu lia tujila a mwilu, ni helu lia tushitu eswe akwenda hashi.

Ubutukilo 35:11

Zambi yamba kuli iye ngwenyi, Yami nguli Zambi Mukwa-Ndundo-Jeswe. Useme, uliwezele; vungu ni chendo cha mavungu makasemuka kuli yena; mianangana makasemuka ku mitanda ye.

Ubutukilo 8:17

Tuhuka ni a mwono eswe aze uli no a musunya weswe, ni tujila, ni yimuna, ni akwa kukalala aze akukalala hashi, akaseme chinji hashi, akaliokese, akalumbame hashi.

Ubutukilo 9:1

Zambi yawahisa Noe ni anenyi, yamba kuli ayo, ngwenyi, Semenu, nuliokese, nukazalise hashi.

Ubutukilo 9:19

Wano atatu e ana a Noe mba kuli ayo atu azalishile hashi heswe.

Ubutukilo 9:8

Zambi yahanjika ni Noe hamwe ni anenyi ngwenyi,

Jeremia 29:6

Mbatenu mapwo nukaseme ana ja malunga ni ja mapwo; mbachilenu mapwo anenu a malunga hangisenu anenu a mapwo, hanga akaseme ana ja malunga ni ja mapwo. Liokesenu, kanda nutepuluka.