Ubutukilo 9:4 - MUKANDA USANDU WA ZAMBI 1975

⁴ Alioze kuchi kulia yifwo yize yikwete manyinga jayo, acho chinalumbunuka we mwono.

Mukanda Wa Zambi 1970

⁴ Shina Chuma chimuwika kunwahashile kulia, kashitu ni manyinga jenyi, mumu mwono uli mu manyinga.

Ubutukilo 9:4 Iomraidhean Croise

Ezekiel 33:25

Kashika amba kuli ayo ngwe, Mwene Yehova kanambe ngwenyi, Nwakulia yifwo ni manyinga, ni kuhetula meso jenu ku mahamba jenu, ni kumwanga manyinga; mba munukazuka chifuchi chocho?

Alevi 19:26

Kanda nukalia yifwo niyimwe hamuwika ni manyinga jayo. Kanda nukalinga yuma ya kutaha ni ya wanga.

Alevi 3:17

Chino chikapwe chiyulo cha mutolo mu mazuwo jenu ndusu yisemuko yenu yeswe ngwami, Kanda nulia chipwe maji chipwe manyinga.

Alevi 7:26

Chikwo nawa mu mazuwo jenu eswe kanda nulia manyinga niamwe, apwe a kajila hanji a kashitu.

Yilinga 15:20

alioze tutume mukanda kuli ayo akasúle ku luchisa wa mahamba, ni ku utanji, ni kuli tushitu a kuhonda, ni ku manyinga.

Yilinga 15:25

Hichatupemena, se hitwalitesa ni mbunge yimuwika, kutongola malunga mukwatuma kuli yenu hamwe ni Mbarnavwe ni Paulu waze tunaazange chikolo.

Yilinga 15:29

ngwetu, Nukasúle ku yuma yize hanayitambula ku mahamba, ni ku manyinga, ni kuli tushitu a kuhonda, ni ku utanji; nyi munulifunga ku yino yuma, munulinga kanawa. Twamenu kanawa.

Shimbi 12:16

Chino wika, kanda nulia manyinga, nukaazujile hashi ngwe meya.

Shimbi 12:23

Chino wika, nuse chinyingi ngwami, Kanda nulia manyinga; mumu te manyinga kapwa mwono; kanda nulia mwono hamwe ni yifwo.

Shimbi 14:21

Kashitu malifwila mwene kanda munulia, nuchimuhane kuli njize ali mu yihunda yenu, hanga amulie, hanji kumulanjisa kuli kandaka; mumu yenu kunwapwa atu asandu kuli Yehova Zambi yenu. Kanda nuteleka mwana-pembe mu yamwa ya naye.

Shimbi 15:23

Chino wika, kanda nulia manyinga jenyi, nukaazujile hashi ngwe meya.

1 Timoteu 4:4

Mumu chitanga cheswe cha Zambi kuchinapeme, kuchatambile kulituna nichimwe nyi machitambula ni kusakwila;

1 Samuel 14:32

Atu alundumukinyine ha upite nikutambula mapanga, ni ngombe, ni ana-ngombe. Yaashiha chizechene hashi lume nikwalia hamwe ni e manyinga.