Ubutukilo 9:23 - MUKANDA USANDU WA ZAMBI 1975

²³ Mba Sheme ni Yafwe yanda hina alise ha yipaya yo, yenda unyimenyime akafuke uselesele wa tato. Meso jo anatale kunyima kamwene uselesele wa tato.

Mukanda Wa Zambi 1970

²³ Mba Sheme ni Jafete yaanda hina, yaalikika lio ha yipaya. Yaaya unyimenyime ndoo mu zuwo, mba yaafuka tato hina lize. Yaatalikisa meso jo ku tenga, kaamwene ko uselesele wa tato.

Ubutukilo 9:23 Iomraidhean Croise

Ubutukilo 9:22

Mba Hame tato ya Kanana yamona uselesele wa tato. Yaya akambulwile yayo ni mwanakwo haze.

Ubutukilo 9:24

Noe yalaula ku vinyu yenyi, yanyingika chize mwanenyi wa kanuke yamulinga.

Kutuhuka 20:12

Lemesa tatenu ni noko, hanga matangwa je akapwe anji mu chifuchi chize Yehova Zambi ye kanakwehe.

Alevi 19:32

Lwezenu vumbi kuli mukwa kambu jitoma. Munukalemesa meso ja mukulwana. Munukapwa ni woma kuli Zambi yenu. Yami Yehova.

A-ROMA 13:7

Hanenu kashika kuli eswe yize Chanutamba kuhana kuli ayo; milambu kuli akwa kutela milambu; lijimu kuli akwa lijimu; woma kuli waze chatamba kwavwila woma; ulemu kuli akwa kutela ulemu.

Galashia 6:1

Mandumbu, kachi mutu makwachika ni kapalia, yenu nuli akwa Spiritu, nukahilwise umwe ngwe yono ni mbunge ya kushimbika; nikukanyama yena mwene, kuchina ni yena nawa makuzeza.

1 Timoteu 5:1

Kanda ukámbila mukulwana ni maliji akalu, alioze liumba kuli iye ngwe kuli tatenu;

1 Timoteu 5:17

Makulwana waze akuyula kanawa, katela kwawezela ulemu, kuhiana chikolo kuli waze akukilikita mu milimo ya kwambujola liji ni kulongesa.

1 Timoteu 5:19

Kanda upanjika ku kusuma hali mukulwana, shina ku makanwa ja yela aali hanji atatu.

1 Petulu 2:17

Lemesenu atu eswe, zangenu mandumbu, ivwenu woma kuli Zambi, lemesenu mwanangana.

1 Petulu 4:8

Kuhiana yuma yeswe pwenu nikulizanga umwe ni mukwo ni mukwo ni mbunge yeswe: mumu zango kuliakufuka milonga yinji: