Ubutukilo 9:20 - MUKANDA USANDU WA ZAMBI 1975

²⁰ Noe waputukile kupwa njimi. Yalima munda wa uva.

Mukanda Wa Zambi 1970

²⁰ Noa mwe mutangu kulima mitondo ya vinyu.

Ubutukilo 9:20 Iomraidhean Croise

Ubutukilo 3:23

kashika Yehova Zambi yamukatwisa mu munda wa Endene akalime mavu kuze amuchijile.

Ubutukilo 4:2

Kulutwe yasema nawa mwanakwo Abele. Abele mukwa kufunga mapanga, alioze Kene mukwa kulima.

Ubutukilo 5:29

Yamuluka jina ngwenyi, Noe, mumu ngwenyi, Yono kumakatuwahisa ha milimo yetu ni kukilikita cha moko jetu mumu ha mavu aze Zambi washingile.

Ubutukilo 9:19

Wano atatu e ana a Noe mba kuli ayo atu azalishile hashi heswe.

Ubutukilo 9:21

Yanwa ye vinyu, yazengewa. Chocho yalifukula mu mbalaka yenyi.

Yishima 10:11

Kanwa lia mukwa ululi kuliapwa fuji lia mwono, alioze kanwa lia chingulungulu kulia kufuka upupilo.

Yishima 12:11

Mukwa kulima minda yenyi makapwa ni kulia chinji; yoze makaula atu amokomoko keshi mbunge.

Yishima 24:30

Napalikile ku wande wa chileya; napalikile ku munda wa uva wa yoze keshi mbunge;

Longeshi 5:9

Chikwo nawa kufumbuka cha mavu cha mbala cha eswe; chipwe mwanangana kakufuliela minda.

Mwaso Ubema Wahiana 1:6

Kanda nunguhulikila meso mumu ha kulá chami, mumu mwalwa hiwangutwa. Ana ja mama a malunga atenukine ni yami, yangutenga mukwa kufunga minda ya uva; alioze munda wa uva wa yami mwene chaufungile.

1 Korintu 9:7

Swalale muka malingila ha kulifweta mwene? Iya matumba munda mba kechi kalia mihuko yawo? Hanji iya mafunga chendo cha yimuna mba keshi kunwa yamwa ya chendo?

Shimbi 20:6

Lunga muka hatumba munda wa uva, kanda achilia mbuto yawo? Ahiluke ku zuwo lienyi, kuchina mafwa ku jita mba mutu weka malia mbuto yawo.

Shimbi 28:30

Munukatenda pwo, mba lunga weka makapomba nenyi. Munukatunga zuwo, mba kunuchi katwamamo. Munukatumba minda ya uva, mba kunuchi kalia mihuko yayo.