Ubutukilo 9:2 - MUKANDA USANDU WA ZAMBI 1975

² Woma wa yenu ni mwongo wa yenu muukakwata tushitu eswe a hashi, ni tujila eswe a mu tetela, ni akwa kukalala eswe, ni yishi eswe a mu kalunga-lwiji. Eswe mu kwoko lie naakunjika.

Mukanda Wa Zambi 1970

² Tushitu ni tujila ni yishi, eswe maakanuvwila woma. Eswe munukaayula.

Ubutukilo 9:2 Iomraidhean Croise

Ubutukilo 1:21

Zambi yatanga tushitu anene a mu kalunga-lwiji, ni akwa mwono eswe aze a kuliokesa mu meya nikulita ni mavungu jo, ni akwa mapulwa eswe nikulita ni mavungu jo. Mba Zambi yachimona ngwenyi, Chinapeme.

Ubutukilo 1:26

Zambi yamba ngwenyi, Tulingenu mutu mu chano chetu, mwe mu kulifwa chetu. Akapwe ni chiyulo helu lia yishi a mu kalunga-lwiji, ni helu lia tujila a mwilu, ni helu lia yimuna, ni helu lia hashi heswe, ni helu lia akwa kukalala eswe aze akukalala hashi.

Ubutukilo 1:28

Mba Zambi yaawahisa. Zambi yamba kuli ayo ngwenyi, Semenu nuliokese, nukazalise hashi, nukazeyeseho. Nukapwe ni chiyulo helu lia yishi a mu kalunga-lwiji, ni helu lia tujila a mwilu, ni helu lia tushitu eswe akwenda hashi.

Ubutukilo 2:19

Ku mavu Yehova Zambi yawumba tushitu eswe a mu yambu, ni tujila eswe a mu tetela, yaaneha kuli mwe mutu akamone chize maaluka. Lieswalio mutu alukile kashitu ni kashitu, lienalio jina lienyi.

Ubutukilo 35:5

Chocho yaya, mba woma wunji wapwile ha membo eswe a kwajingilika. Kakawile ana ja Yakomba.

Ubutukilo 9:1

Zambi yawahisa Noe ni anenyi, yamba kuli ayo, ngwenyi, Semenu, nuliokese, nukazalise hashi.

Ubutukilo 9:3

Tushitu eswe akwenda ni mwono kumapwa kulia che, ngwe nakuhele mafwo a wisu chocho ngunakwehe yeswe.

Jobe 39:11

Mumufuliela mumu kali ni tachi? Munukunjika milimo ye?

Ezekiel 34:25

Mungukakolesa no usendo wa sambukila. Mungukahuma tushitu eswe asasu mu chifuchi, mba mahasa kutwama mu puya ni kupomba mu musenge ni chipi chakuhi.

Hosea 2:18

Ha tangwa lize mungukakukolesela usendo ni tushitu a mu yambu, ni tujila a mu tetela, ni tututu a hashi. Mungukamakuna mu chifuchi, mata, ni tutana, ni jita. Mungukakupombesa kuze chipi chakuhi.

Alevi 26:22

Mungutusula ngongo hakachi kenu kumakanwiya ana jenu, kumakanwonwona yimuna jenu. Kumakanutepulula hanga jila jenu jikalumuke puya.

Alevi 26:6

Mungunwaha uhwimino mu chifuchi. Munupomba kanawa, niumwe manuvwisa woma. Munguchiza ngongo api mu chifuchi. Chipwe katana ka jita kechi kupalika mu chifuchi chenu.

Tiangu (Jake) 3:7

Mumu milali yeswe ya tushitu, ni tujila, milali yeswe ya tututu, ni tushitu a mu kalunga-lwiji, mahomboka, te hanahomboka ku vungu lia atu.