Ubutukilo 9:16 - MUKANDA USANDU WA ZAMBI 1975

¹⁶ Kongolo kumakapwa mu lelwa, ni yami mungutalako hanga ngukewuluke usendo wa mutolo hakachi ka Zambi ni akwa mwono eswe a musunya weswe atwama hashi.

Ubutukilo 9:16 Iomraidhean Croise

Ubutukilo 17:13

Ni yoze wasemuka mu zuwo lie, ni yoze wa kulanda ni mbongo jenu, eswe akwete kupwa ngalami. Mba usendo wami muukapwa mu musunya wenu, usendo wa mutolo.

Ubutukilo 17:19

Zambi yamba ngwenyi, Hi chocho ko, alioze mukwenu-pwo Sara makusemena mwana wa lunga. Ukamuluke jina Izake, mba mungukolesa nenyi usendo wami ukapwe usendo wa mutolo ku munyachi wenyi kulutwe.

Ubutukilo 17:7

Kumungukakolesa usendo wami hakachi ka yami ni yena ni munyachi we kulutwe lia yena ku yisemuko yo ukapwe usendo wa mutolo, ngukapwe Zambi kuli yena ni kuli akwa munyachi we kulutwe lia yena.

Ubutukilo 9:17

Zambi yamba kuli Noe ngwenyi, Che chinyingi chenacho cha usendo nakolesa hakachi ka yami ni musunya weswe watwama hashi.

2 Samuel 23:5

Chamwenemwene munyachi wami kuwapwile chocho ni Zambi, hindu hanakolesa ni yami usendo wa mutolo, wa kululika mu yuma yeswe, wakola. Wenawo wapwa ulamwino wami weswe ni kuzanga chami cheswe, chipwe kausokeseleko.

Izaya 55:3

Neha twitwi lie, wize kuli yami. Panjika, mbunge ye yikatwame ni mwono. Mungukolesa ni yena usendo wa mutolo, utu wami wa zango ukolo kuli David.

Jeremia 32:40

Mungukakolesa no usendo wa mutolo, chichi katewuluka kuli ayo kulitwamina kwalinga yipema, mba mungukasa woma wami mu mbunge jo hanga o nawa kechi katewuluka kuli yami.

Ezekiel 34:26

Mungukaapwisa akwa kuwahisa akwo, ni yihela yeswe ya kujingilika mulundu wami mungukayipwisa yikwa kuwahisa. Mungukatuma vula ha mwaka wenyi, vula wa kuwahisa.

Ezekiel 37:26

Mungukakolesa no usendo wa sambukila. Muukapwa usendo wa mutolo, mba mungukaawahisa, nikwaokesa; mungukasa zuwo liami lisandu hakachi ko ndo ku miaka yeswe.

Hebreu 13:20

Haliapwila Zambi ya sambukila, yoze wachijile cheka nawa hakachi ka afu Mwene wetu Yesu, mwe kafunga munene wa mapanga, ku manyinga ja usendo wa mutolo,