Ubutukilo 9:15 - MUKANDA USANDU WA ZAMBI 1975

¹⁵ Chocho mungwiwuluka usendo wami uze uli hakachi ka yami ni yena ni akwa mwono eswe a musunya weswe, mba meya kechi kapwa nawa sanga akanongese musunya weswe.

Mukanda Wa Zambi 1970

^15-16 mungwiwuluka Usendo uze hinakolesa ni yenu ni tushitu eswe ku miaka yeswe ngwami, sanga lia meya kulichi kwonona nawa eswe waze atwama hashi.

Ubutukilo 9:15 Iomraidhean Croise

Ubutukilo 8:21

Yehova yevwa lupembo mupema; Yehova yamba mu mbunge yenyi ngwenyi, Chichi kashinga nawa mavu mumu hali atu, mumu kunyonga cha mbunge jo chapiha chize ku wanuke wo. Chichi kulamba nawa akwa mwono eswe ngwe hinalinga.

Ubutukilo 9:10

Ngunaukolesa ni akwa mwono eswe aze ali hamwe ni yena, ni tujila, ni yimuna, ni tushitu eswe a hashi hamwe ni yena, waze eswe matuhuka mu ulungu chipwe ni tushitu eswe a hashi.

Ubutukilo 9:11

Kumungukolesa usendo wami ni yena, mba chichi kujimuna nawa musunya weswe ni sanga lia meya; ndo ku miaka ya mutolo kukuchi kupwa sanga lia kunongesa hashi.

Ubutukilo 9:14

Kumuchikapwa muze munguneha lelwa lia kuzulamina hashi mba kongolo makamoneka mu lelwa.

1 Yitanga Ya Mianangana 8:23

ngwenyi, Yehova, Zambi ya Izalele kukushi niumwe Zambi ngwe yena chipwe mwilu chipwe hashi. Kuwakufunga usendo ni utu wa zango ni tuvumbi twe waze akwenda kumeso je ni mbunge jo jeswe.

Nehemia 9:32

Kashika Zambi yetu, mwe Zambi munene, mukwa ndundo kole ni woma, mukwa kufunga usendo ni utu wa zango, kanda umona kukeha lamba lino lieswe hiliatushata, ni mianangana jetu, ni alemu jetu, ni asasendote jetu, ni aprofeta jetu, ni tulamba twetu, ni atu je eswe, chize ku miaka ya mianangana ja Asuria ndo musono.

Miaso (Masamu) 106:45

Wewulukile usendo wenyi mumu hali ayo. Walikonyekene nikulita ni kulumbama cha utu wa zango lienyi.

Kutuhuka 28:12

Ukanangike e mawe aali ha yipaya ya ye efode, akapwe mawe a Chiwulwiso hali A-Izalele. Arone akambate majina jo kumeso ja Yehova ha yipaya yenyi yiali, akapwe Chiwulwiso.

Jeremia 14:21

Kanda utumbila, mumu ha ulemu wa jina lie; kanda ulelesa ngunja ye yinene. Iwuluka, kanda utangula usendo we ni yetu.

Ezekiel 16:60

hindu yami mungwiwuluka usendo wa yami ni yena ha matangwa a wana-mapwo we, mba mungukakukolesa ni usendo wa mutolo.

Luka 1:72

Mukulweza keke kuli tulamba twetu, mukwiwuluka usendo wenyi usandu;

Shimbi 7:9

Kashika, nyingikenu ngwami, Yehova Zambi yenu, iye Zambi, Zambi mukwa jika, wakufunga usendo ni utu wa zango ku kanunu ka yisemuko, kuli waze eswe akumuzanga, te waze akufunga maliji jenyi a shimbi,