Ubutukilo 9:11 - MUKANDA USANDU WA ZAMBI 1975

¹¹ Kumungukolesa usendo wami ni yena, mba chichi kujimuna nawa musunya weswe ni sanga lia meya; ndo ku miaka ya mutolo kukuchi kupwa sanga lia kunongesa hashi.

Mukanda Wa Zambi 1970

¹¹ Ngunakolesa Usendo ni yenu ni maliji wano ngwami: Eswe waze akwete mwono keechi kafwa nawa ni sanga lia meya. Ndoo ku miaka yeswe sanga lia meya kulichi kwonona nawa akwa hashi.

Ubutukilo 9:11 Iomraidhean Croise

Ubutukilo 9:10

Ngunaukolesa ni akwa mwono eswe aze ali hamwe ni yena, ni tujila, ni yimuna, ni tushitu eswe a hashi hamwe ni yena, waze eswe matuhuka mu ulungu chipwe ni tushitu eswe a hashi.

Ubutukilo 9:15

Chocho mungwiwuluka usendo wami uze uli hakachi ka yami ni yena ni akwa mwono eswe a musunya weswe, mba meya kechi kapwa nawa sanga akanongese musunya weswe.

Jobe 11:16

Kumukavulama lamba lie; kumukaliwuluka ngwe meya aze hanapalika.

Izaya 54:9

Mumu kuli yami chuma chino chinapu ngwe matangwa a Noe. Nalishingile ngwami, Meya ja Noe kechi keza nawa kufuka hashi. Chocho nawa hinalishinga ngwami, Chichi katenuka ni yena, chichi kakukanda nawa.

2 Petulu 3:11

Se yino yuma yeswe chocho muyikajindwoka, kuchi Chanutamba kupwa ni kwenda chisandu ni uwayilo?

2 Petulu 3:7

Alioze malilu aze a haliapwila, ni hashi, ku liji limuwika hanayitulikila kahia, kanayifungu ndo ku tangwa lia upatwilo ni kwonwona cha yitanganyani.