Ubutukilo 9:10 - MUKANDA USANDU WA ZAMBI 1975

¹⁰ Ngunaukolesa ni akwa mwono eswe aze ali hamwe ni yena, ni tujila, ni yimuna, ni tushitu eswe a hashi hamwe ni yena, waze eswe matuhuka mu ulungu chipwe ni tushitu eswe a hashi.

Mukanda Wa Zambi 1970

¹⁰ Ngunakolesa Usendo ni eswe waze ali hamwe ni yenu: ni tujila, ni yimuna, ni tushitu a mu yambu, kulumbunuka eswe waze atuhukile mu ulungu.

Ubutukilo 9:10 Iomraidhean Croise

Ubutukilo 8:1

Alioze Zambi yewuluka Noe ni akwa mwono eswe ni yimuna eswe apwile hamwe nenyi mu ulungu. Zambi yapalikisa fuji hashi chocho meya ahuwile.

Ubutukilo 8:19

Ni tushitu eswe, ni akwa kukalala eswe, ni tujila eswe, aze eswe akwenda hashi, nikulita ni mavungu jo yatuhuka mu ulungu.

Ubutukilo 9:11

Kumungukolesa usendo wami ni yena, mba chichi kujimuna nawa musunya weswe ni sanga lia meya; ndo ku miaka ya mutolo kukuchi kupwa sanga lia kunongesa hashi.

Ubutukilo 9:9

Ni yami, usendo wami ngunakolesa ni yena ni munyachi we kulutwe.

Miaso (Masamu) 145:9

Yehova iye mupema kuli eswe. Keke yenyi yinene yahiana yitanga yenyi yeswe.

Hosea 2:20

Mungukakumbata, yami mwene, ni umwenemwene mba kumukanyingika Yehova.

Yona 4:11

Mba kuchangutambile yami kuvwila keke Ninive, lie limbo linene, muze mwatwama kuhiana kulakaji lia tununu ni makumi aali a tununu a atu kanyingikine kutongola hakachi ka kwoko lio lia chindume ni kwoko lio lia chimeso, ni yimuna anji nawa nyi?